完整藏文原文 · 德格版页 当前仅加载第 89 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
ཤུདྡྷོ་སུ་ཤུདྡྷོ། ཧ་ན་ཧ་ན། མ་ཎི་ཀ་ན་ཀ །བཛྲ་བཻ་ཌཱུརྱ། མུཀ་ཏི་ཀ །ཨ་ལཾ་ཀྲྀ་ཀྲཱི་ཏ་ཤ་རཱི་རཱ་ཡ། སརྦ་སཏྭཱ། ཧི་ཏ་ཀཱ་མ། བཻ་ཤྲ་བ་ཎ་ཤྲཱི་ཡ་དེ་བཱི་པྲ་བྷཱ་ཡ། ཨེ་ཧི་ཨེ་ཧི། མཱ་བི་ལམྦ། གྷཱུརྞ་གྷཱུརྞ། པ་ར་སྱ་པ་ར་སྱ། ད་དཱ་ཧི་མ་མཱ།
D556.089.0226a01.01དརྴ་ན་ཀཱ་མ་སྱ། དརྴ་ནྃ། མ་མ་མ་ན། པྲ་ལ་ཧ་དཱ་ཡ་སྭཱ་ཧཱ། བཅོམ་ལྡན་འདས་བདག་གིས་སྔགས་ཟློས་པ་དེ་དང་། མཆོད་པ་རྒྱ་ཆེན་པོ་མཐོང་ནས། བདག་བྱམས་པ་དང་། དགའ་བའི་བསམ་པ་སྐྱེས་ནས། བདག་དེའི་མདུན་དུ་བྱིས་པ་གཞོན་ནུའི་
D556.089.0226a02.01གཟུགས་སམ། ཡང་ན་རྒན་པོའམ། དགེ་སློང་གི་གཟུགས་སུ་བྱས་ཏེ། བདག་ལག་ན་ཡིད་བཞིན་གྱི་ནོར་བུ་གསེར་གྱི་སྣོད་དང་བཅས་པ་ཐོགས་ཏེ། དཀྱིལ་འཁོར་གྱི་ནང་དུ་ཞུགས་ནས། ལུས་ཀྱིས་གུས་པ་སྟོན་ཅིང་། སངས་རྒྱས་ཀྱི་མཚན་གཅིག་ཏུ་
D556.089.0226a03.01བརྗོད་དེ། སྔགས་མཁན་དེ་ལ་འདི་སྐད་ཅེས་སྨྲའོ། །ཁྱོད་ཅི་དང་ཅི་སློང་བ་དེ་དག་ཐམས་ཅད་གྲུབ་པར་བྱས་ཏེ། ནགས་ཚལ་དབེན་པར་འགྲོ་འདོད་པའམ། ནོར་བུ་རིན་པོ་ཆེ་འདོད་པའམ། མི་མང་པོའི་ཡིད་དུ་འོང་བར་འདོད་པའམ། གསེར་དང་། དངུལ་
D556.089.0226a04.01ལ་སོགས་པའི་ནོར་འདོད་པའམ། སྔགས་གཞན་སྒྲུབ་པའི་དངོས་གྲུབ་འདོད་པའམ། རྫུ་འཕྲུལ་དང་། མངོན་པར་ཤེས་པ་དང་། ཚེ་རིང་བར་འདོད་པ་དང་། སྨན་བཅུད་ཀྱིས་ལེན་འདོད་པ་ལ་སོགས་པ་ཐམས་ཅད་བསམ་པ་བཞིན་དུ་གྲུབ་པར་བྱའོ། །བདག་
D556.089.0226a05.01གིས་དངོས་པོ་དེ་དག་ལ་སོགས་པ་མདོ་ཙམ་ཞིག་སྨོས་པར་ཟད་ཀྱི། དེ་མ་ཡིན་པ་གཞན་ཞིག་འདོད་ན་ཡང་ཐམས་ཅད་བསམ་པ་བཞིན་དུ་ཡོངས་སུ་གྲུབ་པར་བྱ་སྟེ། རིན་པོ་ཆེའི་གཏེར་མི་ཟད་པ་དང་། བསོད་ནམས་ཚད་མེད་པ་དང་ལྡན་པར་འགྱུར་རོ། །
D556.089.0226a06.01དཔེར་ན་ཉི་ཟླ་འདི་ས་ལ་ལྷུང་བར་འགྱུར་བ་དང་། ས་ཆེན་པོ་འདི་གཞན་དུ་འགྱུར་བའི་དུས་ནི་ཡོད་ཀྱང་སྲིད་ཀྱི། བདེན་པའི་ཚིག་འདི་ནི་ནམ་ཡང་སླུ་བར་མི་འགྱུར་བས་རྟག་ཏུ་བདེ་བ་དང་། ཡིད་བཞིན་དུ་སྐྱིད་པ་དང་ལོངས་སྤྱོད་པ་ཐོབ་པར་འགྱུར་རོ། །གཞན་
D556.089.0226a07.01