完整藏文原文 · 德格版页 当前仅加载第 89 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་མོ་འཆི་བར་འགྱུར། །སྐར་མདའ་དག་ཀྱང་ལྷུང་བར་འགྱུར། །དེ་བཞིན་ཉི་མ་འདྲ་བ་འབྱུང་། །ཕ་རོལ་གྱི་ནི་དམག་ཚོགས་དང་། །མུ་གེ་ཤིན་ཏུ་འབྱུང་བར་འགྱུར། །དེ་ཡི་གླང་པོ་ཕངས་པ་དང་། །བློན་པོ་ཕངས་པ་འཆི་བར་འགྱུར། །དེ་ཡི་འོག་ཏུ་རྔ་མོ་
D556.089.0249a01.01ནི། །ཕངས་པ་དག་ཀྱང་འཆི་བར་འགྱུར། །ཁྱིམ་དང་ལོངས་སྤྱོད་ནོར་རྣམས་ཀྱང་། །ཕན་ཚུན་དུ་ནི་འཕྲོག་པར་འགྱུར། །ཡུལ་ཡུལ་དུ་ནི་མཚོན་ཆ་ཡིས། །ཕན་ཚུན་དུ་ནི་འདེབས་པར་འགྱུར། །ཐབ་མོ་དག་དང་རྩོད་དང་གཡོ། །ཡུལ་རྣམས་སུ་ནི་འབྱུང་བར་འགྱུར། །ཡུལ་
D556.089.0249a02.01འཁོར་དུ་ནི་གདོན་འཇུག་ཅིང་། །མི་བཟད་པ་ཡི་ནད་ཀྱང་འབྱུང་། །དེ་ཡི་འོག་ཏུ་སྦྱིན་གནས་ཀྱང་། །ཆོས་དང་ལྡན་པ་མ་ཡིན་འགྱུར། །དེ་ཡི་འཁོར་དང་བློན་པོ་ཡང་། །ཆོས་དང་ལྡན་པ་མ་ཡིན་འགྱུར། །ཆོས་དང་མི་ལྡན་སྐྱེ་བོ་ལ། །དེ་ཡི་འོག་ཏུ་མཆོད་བྱེད་འགྱུར། །ཆོས་དང་
D556.089.0249a03.01ལྡན་པའི་སེམས་ཅན་ལ། །རྟག་ཏུ་ཆད་པས་གཅོད་པར་འགྱུར། །ཆོས་དང་མི་ལྡན་སྐྱེ་བོ་བཀུར། །ཆོས་ལྡན་ཆད་པས་བཅད་པས་ན། །དེར་ནི་ཆུ་དང་རྒྱུ་སྐར་རླུང་། །རྣམ་གསུམ་རྣམ་པར་འཁྲུག་པར་འགྱུར། །ཆོས་མིན་སྐྱེ་བོ་བཟུང་བས་ན། །དམ་ཆོས་རོ་ཡི་སྙིང་པོ་མདངས། །
D556.089.0249a04.01སེམས་ཅན་མདངས་དང་ས་ཡི་བཅུད། །དངོས་པོ་རྣམ་གསུམ་རྣམ་པར་འཇིག །སྐྱེ་བོ་ངན་པ་རབ་བཀུར་ཅིང་། །སྐྱེ་བོ་དམ་པ་སྨད་པས་ན། །འཆི་དང་ལྕེ་འབབ་མུ་གེ་དང་། །རྣམ་པ་གསུམ་ནི་དེར་འབྱུང་འགྱུར། །འབྲས་བུ་ལོ་ཐོག་རོ་དང་མདངས། །དེ་ཡི་འོག་ཏུ་མེད་
D556.089.0249a05.01པར་འགྱུར། །སེམས་ཅན་ནད་པ་མང་པོ་དག །ཡུལ་རྣམས་སུ་ནི་འབྱུང་བར་འགྱུར། །མངར་ཞིང་ཆེ་བའི་འབྲས་བུ་དག །ཡུལ་རྣམས་ན་ནི་ཡོད་པ་ཡང་། །ཁ་བ་དང་ནི་ཚ་བ་དང་། །ཆུང་བ་དག་ནི་ཉིད་དུ་འགྱུར། །རྩེ་དང་དགོད་དང་དགའ་བ་དང་། །སྔན་ཆད་དགའ་
D556.089.0249a06.01བའི་དངོས་པོ་དང་། །དགའ་བ་ཉམས་ཤིང་མི་དགར་འགྱུར། །ཉོན་མོངས་བརྒྱ་ཡིས་རྣམ་པར་འཁྲུགས། །ལོ་ཐོག་རྣམས་དང་འབྲས་བུ་ཡི། །སྣུམ་དངོས་ཁུ་བ་ཟད་པས་ན། །ལུས་དང་ཁམས་དང་དབང་པོ་ལ། །དེ་ལྟར་ཚིམ་པར་མི་འགྱུར་རོ། །སེམས་ཅན་
D556.089.0249a07.01