完整藏文原文 · 德格版页 当前仅加载第 89 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
མོངས་པ་ཐམས་ཅད་རབ་ཏུ་ཞི་བར་བགྱིད་པ། གནོད་པ་རྣམ་པ་སྣ་ཚོགས་རབ་ཏུ་ཞི་བར་བགྱིད་པ། གནོད་པ་འབུམ་རབ་ཏུ་འཇོམས་པར་བགྱིད་ལགས་སོ། །བཙུན་པ་བཅོམ་ལྡན་འདས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་འཁོར་གྱི་ནང་དུ་རྒྱ་
D556.089.0211b01.01ཆེར་ཡང་དག་པར་རབ་ཏུ་བཤད་ན། ཆོས་མཉན་པ་ཆོས་བདུད་རྩིའི་ཁུ་བ་འདིས་བདག་ཅག་རྒྱལ་པོ་ཆེན་པོ་དཔུང་དང་གཡོག་ཏུ་བཅས་པ་བཞིའི་ལྷའི་ལུས་འདི་གཟི་བྱིན་ཆེན་པོས་རྣམ་པར་འཕེལ་བར་འགྱུར་རོ། །བདག་ཅག་གི་ལུས་ལ་བརྩོན་པ་དང་། སྟོབས་
D556.089.0211b02.01དང་མཐུ་ཡང་བསྐྱེད་པར་འགྱུར། གཟི་བརྗིད་དང་། དཔལ་དང་། ཕུན་སུམ་ཚོགས་པ་ཡང་བདག་ཅག་གི་ལུས་ལ་འཇུག་པར་འགྱུར་ཏེ། བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི་ནི་ཆོས་དང་ལྡན་པ། ཆོས་སྨྲ་བ་ཆོས་ཀྱི་རྒྱལ་པོ་ལགས་ཏེ།
D556.089.0211b03.01བཙུན་པ་བཅོམ་ལྡན་འདས་བདག་ཅག་ནི་ཆོས་ཀྱིས། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟ་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱི་རྒྱལ་པོ་བགྱིའོ། །འབྱུང་པོའི་ཚོགས་མི་བཟད་པ། སྙིང་རྗེ་མ་མཆིས་པ།
D556.089.0211b04.01གཞན་གྱི་གཟི་བྱིན་འཕྲོག་པ་རྣམས་བཟློག་པར་བགྱིའོ། །བཙུན་པ་བཅོམ་ལྡན་འདས་བདག་ཅག་རྒྱལ་པོ་ཆེན་པོ་བཞི། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་། གནོད་སྦྱིན་འབུམ་འཕྲག་དུ་མ་དང་ལྷན་ཅིག་ཏུ་རྟག་པར་རྒྱུན་དུ་ལྷའི་མིག་རྣམ་པར་
D556.089.0211b05.01དག་པ། མིའི་ལས་འདས་པས་འཛམ་བུའི་གླིང་ཐམས་ཅད་ལ་བལྟ་བར་བགྱི། བསྲུང་བར་བགྱི། ཡོངས་སུ་བསྐྱང་བར་བགྱི་སྟེ། བཙུན་པ་བཅོམ་ལྡན་འདས་དེའི་སླད་དུ། བདག་ཅག་རྒྱལ་པོ་ཆེན་པོ་བཞི། འཇིག་རྟེན་སྐྱོང་ཞེས་མིང་དུ་ཆགས་སོ། །བཙུན་
D556.089.0211b06.01པ་བཅོམ་ལྡན་འདས་གང་སུ་དག་འཛམ་བུའི་གླིང་འདིར་ཕ་རོལ་གྱི་དམག་ཚོགས་ཀྱིས་ཡུལ་འཇོམས་པར་འགྱུར་རམ། མུ་གེའི་ཡ་ང་བའམ། ནད་ཀྱི་ཡ་ང་བའམ། གནོད་པ་སྣ་ཚོགས་བརྒྱ་དང་། གནོད་པ་སྟོང་དང་། གནོད་པ་འབུམ་དག་གིས་གཙེས་པར་འགྱུར་བ་
D556.089.0211b07.01