完整藏文原文 · 德格版页 当前仅加载第 89 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། གོས་ཐམས་ཅད་ནི་འོད་མའི་ཡལ་ག་དག་ལ་གཟར། རུས་པ་རྣམས་ནི་བྱེ་ཞིང་བྲལ། ཁྲག་ནི་རྫབ་ཏུ་གྱུར། སྐྲ་ནི་ཕྱོགས་དང་ཕྱོགས་མཚམས་སུ་འཐོར་བར་མཐོང་ངོ་། །མཐོང་ནས་ཀྱང་བརྒྱལ་ཏེ་རུས་པའི་སྟེང་དུ་འགྱེལ་ནས་རིང་ཞིག་ལོན་པ་དང་། འདུ་ཤེས་
D556.089.0267a01.01རྙེད་དེ་ལངས་ནས་ལག་པ་བསྒྲེང་སྟེ་ཉམ་ཐག་པའི་སྒྲ་ཕྱུང་ངོ་། །ཀྱེ་མའོ་ནུ་བོ་སྡུག་པ་དང་ནི་རྒྱལ་པོ་དང་། །དེ་བཞིན་དུ་ནི་བུ་ལ་རབ་ཏུ་གདུང་བའི་མ། །པདྨ་འདྲ་མིག་དེ་རིང་ཁྱེད་ཀྱིས་གར་བཞག་ཅེས། །མ་ནི་བདག་ཅག་ལ་ཡང་ཐ་{ཆུངས་,ཆུང་}འདྲི་བར་འགྱུར། །ཀྱེ་མ་བདག་ཅག་གཉིས་ནི་ས་
D556.089.0267a02.01ཕྱོགས་འདི་ཉིད་དུ། །ཤི་ན་ལེགས་ཀྱིས་གསོན་པ་དེ་ལྟ་མ་ཡིན་ནོ། །སྙིང་སྟོབས་ཆེན་པོ་མེད་པར་གྱུར་པས་བདག་ཅག་ལ། །ཕ་མ་དག་གིས་ཇི་ལྟར་ལྟོ་བ་སྟེར་བར་འགྱུར། །དེ་ནས་རྒྱལ་བུ་གཞོན་ནུ་དེ་གཉིས་ཀྱིས་སྙིང་རྗེ་རྗེའི་སྐད་དུ་རྣམ་པ་མང་པོར་ངུས་ནས་དོང་ངོ་། །དེ་ནས་རྒྱལ་བུ་གཞོན་
D556.089.0267a03.01ནུའི་རིམ་གྲོ་པ་རྣམས་ཀྱང་གཞོན་ནུ་ཚོལ་ཞིང་། ཕྱོགས་དང་ཕྱོགས་མཚམས་རྣམས་སུ་རྒྱུག་པ་དང་། གཅིག་གིས་གཅིག་མཐོང་ནས། གཞོན་ནུ་ག་རེ། གཞོན་ནུ་ག་རེ་ཞེས་འདྲིའོ། །དེའི་ཚེ་བཙུན་མོ་མལ་ན་ཉལ་བའི་རྨི་ལམ་ན་སྡུག་པ་དང་བྲལ་བར་རྨིས་པ་འདི་ལྟ་སྟེ། ནུ་མ་གཉིས་
D556.089.0267a04.01བཅད་པ་དང་། སོ་ཕྱུང་བ་དང་། ཐི་བའི་ཕྲུ་གུ་སྡུག་པ་གསུམ་ཞིག་རྙེད་པ་ལས་གཅིག་ཁྲས་ཁྱེར་བ་རྨིས་སོ། །དེ་ནས་བཙུན་མོ་ས་གཡོས་པས་སྙིང་དངངས་ཏེ། མོད་ལ་སད་ནས་སེམས་པ་ལ་ཞུགས་ཏེ། འབྱུང་པོའི་རྟེན་མ་རྒྱ་མཚོའི་གོས་ཅན་འདི་ནི་ཀུན་ཏུ་རབ་གཡོ་ཅི་ཞིག་གུ། །ཉི་མའི་
D556.089.0267a05.01འོད་ཟེར་མེད་པར་གྱུར་པས་ང་ཡི་སྙིང་ལ་མྱ་ངན་འགྱུར་བ་སྟོན། །ང་ཡི་ལུས་ནི་ཞུམ་ཞིང་མིག་ཀྱང་གཡོ་ལ་རང་གི་ནུ་མ་བཅད་རྨིས་པ། །ང་ཡི་བུ་རྣམས་ནགས་ཁྲོད་འདིར་ནི་རྩེར་དོང་བ་ལ་དགེ་བར་གྱུར་རམ་ཀྱེ། །དེ་ནས་དེ་སྙམ་དུ་བསམས་པ་དང་། བྲན་མོ་ཡང་སྙིང་མྱོས་ཏེ་འོངས་ནས་བཙུན་
D556.089.0267a06.01མོ་ལ་སྨྲས་པ། ཇོ་མོ་གཞོན་ནུའི་རིམ་གྲོ་པ་དག་གཞོན་ནུ་ཚོལ་ཞིང་མཆིས་ན། ཇོ་བོ་སྟོར་ཞེས་གདའོ། །དེ་སྐད་ཐོས་མ་ཐག་ཏུ་བཙུན་མོ་སྙིང་འདར་ཞིང་། མིག་དང་གདོང་མཆི་མས་གང་སྟེ། རྒྱལ་པོའི་གན་དུ་སོང་ནས་སྨྲས་པ། ལྷ་བདག་གི་བུ་སྡུག་པ་སྟོར་ཅེས་ཐོས་སོ། །རྒྱལ་པོ་ཡང་སྙིང་
D556.089.0267a07.01