完整藏文原文 · 德格版页 当前仅加载第 89 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་སྐུ་ལུས་རྣམ་པར་བརྒྱན། །དཔེ་བྱད་སྣ་ཚོགས་བཟང་པོས་སྐུ་ལུས་སྤྲས། །གསེར་གྱི་འོད་ལྟར་མཛེས་པ་རྣམ་པར་འབར། །ཤིན་ཏུ་དྲི་མེད་ཞི་བ་རི་དབང་འདྲ། །ཚངས་པའི་སྒྲ་དང་སྒྲ་སྙན་ཚངས་པའི་དབྱངས། །སེང་གེའི་སྒྲ་དང་འབྲུག་སྒྲ་བསྒྲགས་པའི་དབྱངས། །
D556.089.0271b01.01ཡན་ལག་དྲུག་ཅུའི་བསྒྲགས་སྒྲ་དྲི་མེད་སྒྲ། །རྒྱལ་དབྱངས་རྨ་བྱ་ཀ་ལ་པིང་ཀའི་སྒྲ། །ཤིན་ཏུ་དྲི་མེད་དྲི་བྲལ་གཟི་འོད་མཛེས། །རྒྱལ་བ་བསོད་ནམས་བརྒྱ་པའི་མཚན་གྱིས་བརྒྱན། །མཁྱེན་པའི་རྒྱ་མཚོ་དྲི་མེད་དྲི་བྲལ་མཆོག །རྒྱལ་བ་ཡོན་ཏན་ཀུན་ལྡན་རི་རབ་འདྲ། །
D556.089.0271b02.01སེམས་ཅན་རྣམས་ལ་ཕན་པར་ཐུགས་བརྩེ་མཆོག །འཇིག་རྟེན་དག་ན་བདེ་བ་སྦྱིན་པའི་མཆོག །རྒྱལ་བ་དམ་པའི་དོན་རྣམས་སྟོན་པ་སྟེ། །མྱ་ངན་འདས་པའི་བདེ་ལ་འཛུད་པ་ལགས། །འཆི་བ་མེད་པའི་བདེ་བ་སྩོལ་བ་སྟེ། །རྒྱལ་བའི་བདུད་རྩིའི་ཆོས་ནི་རབ་ཏུ་སྟོན། །
D556.089.0271b03.01འཆི་བ་མེད་པའི་གྲོང་ཁྱེར་འཛུད་པ་སྟེ། །བདེ་བ་ཀུན་གྱི་འབྱུང་གནས་བདེ་བའི་གནས། །རྒྱལ་བ་འགྲོ་བའི་སྡུག་བསྔལ་ཐར་བར་མཛད། །སྡུག་བསྔལ་རྒྱ་མཚོ་ལས་ནི་སྐྱེ་དགུ་སྒྲོལ། །ཞི་བའི་ལམ་ལ་སྐྱེ་དགུ་རབ་ཏུ་འཛུད། །སྐྱེ་དགུ་རྣམས་ལ་བདེ་བ་ཀུན་སྩོལ་བ། །ཁྱོད་ལ་
D556.089.0271b04.01དཔེ་ནི་བགྱི་བར་མི་ནུས་ཏེ། །ཇི་སྙེད་འདྲེན་པའི་ཡེ་ཤེས་ཡོན་ཏན་མཚོ། །སྲོག་ཆགས་ཀུན་ལ་ཁྱོད་ཀྱི་ཐུགས་རྗེ་དང་། །བྱམས་པའི་སྟོབས་དང་ཐབས་དང་བརྩོན་འགྲུས་དང་། །ཁྱོད་ཀྱི་ཡོན་ཏན་ཡེ་ཤེས་རྒྱ་མཚོ་ལས། །བསྐལ་པ་བྱེ་བ་སྟོང་ཕྲག་མང་པོར་ཡང་། །ཡོན་ཏན་
D556.089.0271b05.01ཐིགས་པ་གཅིག་ཙམ་རབ་བསྟན་པར། །ལྷར་བཅས་འགྲོ་བའི་ནང་ན་ནུས་མ་མཆིས། །ཡོན་ཏན་མཚོ་ལས་ཡོན་ཏན་ཐིགས་བླངས་ཏེ། །དེ་ལྟར་བདག་གིས་མདོར་བསྡུས་ཅུང་ཟད་བཤད། །བདག་གིས་བསོད་ནམས་གང་བསགས་དེ་ཡིས་ནི། །སེམས་ཅན་དེ་དག་བྱང་
D556.089.0271b06.01ཆུབ་མཆོག་རེག་ཤོག །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། བྱང་ཆུབ་སེམས་དཔའ་ཐམས་ཅད་ཀྱིས་བསྟོད་པའི་ལེའུ་ཞེས་བྱ་སྟེ་ཉི་ཤུ་རྩ་བདུན་པའོ།། །།དེ་ནས་བྱང་ཆུབ་སེམས་དཔའ་མཛེས་པའི་ཏོག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་
D556.089.0271b07.01