完整藏文原文 · 德格版页 当前仅加载第 89 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་མི་སྤྱོད་ན། ཡུལ་གྱི་སྲིད་འཛིན་ཅིང་སེམས་ཅན་མང་པོ་ལ་བདེ་བ་དང་རང་གི་ལུས་རྒྱལ་ཐབས་མཐོན་པོའི་ས་ན་ཡུན་རིང་པོར་གནས་པར་མི་འགྱུར་བས། བཅོམ་ལྡན་འདས་ཐུགས་རྗེ་དང་ལྡན་པས་རྒྱལ་པོའི་བསྟན་བཅོས་ཡང་དག་པས། ཡུལ་གྱི་སྲིད་ཇི་ལྟར་འཛིན་པ་བཤད་པར་
D556.089.0247b01.01གསོལ། དེ་ཐོས་པས་མིའི་རྒྱལ་པོ་རྣམས་ཆོས་དེ་ལྟ་བུས་འཇིག་རྟེན་སྐྱོང་ཞིང་རྒྱལ་ཐབས་དམ་པ་ལ་ཡུན་རིང་དུ་གནས་པས་བདེ་བར་འགྱུར་བ་དང་། ཡུལ་འཁོར་གྱི་སྐྱེ་བོ་དེ་དག་ཐམས་ཅད་ཀྱང་ཡོངས་སུ་བདེ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་འཁོར་མང་པོའི་
D556.089.0247b02.01ཚོགས་ཀྱི་ནང་ན་སའི་ལྷ་མོ་ལ་འདི་སྐད་ཅེས་བཀའ་སྩལ་ཏོ། །སའི་ལྷ་མོ་ཁྱོད་དེའི་ཕྱིར་ཤིན་ཏུ་ལེགས་པར་ཉོན་ཅིག །སྔོན་བྱུང་བ་འདས་པའི་དུས་ན་རྒྱལ་པོ་སྟོབས་ཀྱི་དབང་པོའི་ཏོག་ཅེས་བྱ་བ་ལ་བུ་མཛེས་པའི་ཏོག་ཅེས་བྱ་བ་དེ། སྤྱི་བོ་ནས་དབང་བསྐུར་ནས་རིང་པོར་མ་ལོན་པ་
D556.089.0247b03.01ཞིག་ན། ཡབ་མཆོག་གི་རྒྱལ་པོ་དབང་པོའི་ཏོག་ལས་བླངས་པ། རྒྱལ་པོའི་བསྟན་བཅོས་ལྷའི་དབང་པོའི་དམ་ཚིག་ཅེས་བྱ་བ་ཞིག་ཡོད་དེ། ངས་སྔོན་རྒྱལ་པོའི་བསྟན་བཅོས་ལྷའི་དབང་པོའི་དམ་ཚིག་དེས་ལོ་ཉི་ཁྲིའི་བར་དུ་རྒྱལ་པོ་ཉིད་བྱས་པར་གྱུར་ཏེ། ཐ་ན་སེམས་ཀྱི་སྐད་
D556.089.0247b04.01ཅིག་གཅིག་ཙམ་གྱི་ཚོད་ཀྱང་སྔོན་ཆོས་མ་ཡིན་པའི་ཕྱོགས་འགའ་ཞིག་ལ་གནས་པར་མ་ཤེས་སོ། །བུ་རྒྱལ་པོའི་བསྟན་བཅོས་ལྷའི་དབང་པོའི་དམ་ཚིག་ཅེས་བྱ་བ་དེ་གང་ཞེ་ན། དེ་ནས་རིགས་ཀྱི་ལྷ་མོ་དེའི་ཚེ་དེའི་དུས་ན་རྒྱལ་པོ་སྟོབས་ཀྱི་དབང་པོའི་ཏོག་གིས། བུ་རྒྱལ་པོ་
D556.089.0247b05.01མཛེས་པའི་ཏོག་ལ། རྒྱལ་པོའི་བསྟན་བཅོས་ལྷའི་དབང་པོའི་དམ་ཚིག་ཅེས་བྱ་བ་ཚིགས་སུ་བཅད་པ་འདི་དག་གིས། རྒྱ་ཆེར་ཡང་དག་པར་རབ་ཏུ་བསྟན་ཏོ། །སེམས་ཅན་ཀུན་ལ་ཕན་བྱེད་པ། །ཐེ་ཚོམ་ཐམས་ཅད་གཅོད་པ་པོ། །ཉེས་བྱས་ཐམས་ཅད་འཇིག་བྱེད་
D556.089.0247b06.01པ། །རྒྱལ་པོའི་བསྟན་བཅོས་བཤད་པར་བྱ། །རྒྱལ་པོ་ཐམས་ཅད་སོ་སོ་ནས། །དགའ་བའི་སེམས་སུ་འགྱུར་བྱོས་ལ། །ལྷ་ཡི་དབང་པོའི་དམ་ཚིག་ཀུན། །ཐལ་མོ་སྦྱར་ཏེ་མཉན་པར་བྱོས། །རྡོ་རྗེའི་འབྱུང་གནས་རི་དབང་འདིར། །ལྷ་ཡི་དབང་པོ་འདུས་པ་ན། །ཚངས་དབང་ལ་ནི་དྲི་བའི་ཕྱིར། །འཇིག་རྟེན་
D556.089.0247b07.01