完整藏文原文 · 德格版页 当前仅加载第 89 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
འཁྲུང་བར་འགྱུར། ཀུན་དགའ་ར་བ་དང་། ནགས་ཚལ་དང་། ཤིང་ལྗོན་པ་ཐམས་ཅད་དང་། ལོ་མ་དང་། མེ་ཏོག་དང་། འབྲས་བུ་དང་། ལོ་ཐོག་རྣམ་པ་སྣ་ཚོགས་ཐམས་ཅད་ཀྱང་། རབ་ཏུ་གཟི་བྱིན་དང་ལྡན་པར་
D556.089.0242a01.01འགྱུར་བ་དང་། དྲི་དང་རབ་ཏུ་ལྡན་པ་དང་། སྣུམ་པ་དང་རབ་ཏུ་ལྡན་པ་དང་། རོ་ཞིམ་པོར་འགྱུར། བལྟ་ན་རབ་ཏུ་སྡུག་པ་དང་། རབ་ཏུ་ཆེ་བར་འགྱུར་རོ། །སེམས་ཅན་དེ་དག་ཀྱང་བཏུང་བ་དང་། བཟའ་བ་རྣམ་པ་སྣ་ཚོགས་དེ་དག་འཚལ་
D556.089.0242a02.01ནས། ཚེ་དང་། སྟོབས་དང་། ཁ་དོག་དང་། དབང་པོ་རྣམས་རྣམ་པར་འཕེལ་བར་འགྱུར་རོ། །གཟི་བྱིན་དང་། སྟོབས་དང་། ཁ་དོག་དང་། གཟུགས་དང་རབ་ཏུ་ལྡན་པར་གྱུར་ནས་ཀྱང་། ས་ལ་མཆིས་པའི་དགོས་པ་རྣམ་པ་སྣ་ཚོགས་
D556.089.0242a03.01ཐ་དད་པ་འབུམ་ཕྲག་དུ་མ་དག་བགྱིད་པར་འགྱུར། བརྩོན་པར་འགྱུར། འབད་པར་འགྱུར། སྟོབས་སུ་བགྱི་བའི་ལས་རྣམས་བགྱིད་པར་འགྱུར་རོ། །བཙུན་པ་བཅོམ་ལྡན་འདས་རྒྱུ་དེས་འཛམ་བུའི་གླིང་ཐམས་ཅད་ཞི་བར་འགྱུར་བ་དང་། ལོ་ལེགས་པ་
D556.089.0242a04.01དང་། རྒྱས་པ་དང་། ཉམས་དགའ་བར་འགྱུར། སྐྱེ་བོ་དང་མི་མང་པོས་གང་བར་འགྱུར། འཛམ་བུའི་གླིང་གི་སེམས་ཅན་དེ་དག་ཐམས་ཅད་བདེ་བར་འགྱུར། དགའ་བ་རྣམ་པ་སྣ་ཚོགས་མྱོང་བར་འགྱུར། སེམས་ཅན་དེ་དག་གཟི་བྱིན་དང་། སྟོབས་
D556.089.0242a05.01དང་། ཁ་དོག་དང་། གཟུགས་དང་ལྡན་པར་འགྱུར་རོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདིའི་སླད་དུ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་མདོ་སྡེའི་དབང་པོ་འཛིན་པ་དེ་དག་ཆོས་ཀྱི་ཁྲི་སྟན་ལ་མཆིས་
D556.089.0242a06.01པའི་གན་དུ་མཆི་བར་འགྱུར། མཆིས་ནས་ཀྱང་སེམས་རབ་ཏུ་དང་བས་སེམས་ཅན་ཐམས་ཅད་ཀྱི་དོན་དང་ཕན་པ་དང་བདེ་བ་དང་། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རྒྱ་ཆེར་ཡང་དག་པར་རབ་ཏུ་བཤད་པར་བགྱི་བའི་སླད་དུ། ཆོས་སྨྲ་བ་དེ་དག་
D556.089.0242a07.01