完整藏文原文 · 德格版页 当前仅加载第 89 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་སྟེ། གཟུངས་ཐོབ་པས་གང་ལ་གནས་ན། བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་
D556.089.0229a01.01ལྡོག་པར་འགྱུར་བ་དང་། ཡང་དག་པར་དམ་བཅས་པར་འགྱུར་བ་དང་། རྟེན་མེད་པའི་ཆོས་ཀྱི་རང་བཞིན་གྱི་སྤོབས་པ་ཅན་གྱི་སློབ་དཔོན་དང་། ལམ་ལ་ཤིན་ཏུ་གནས་པར་འགྱུར་བའི་གཟུངས་ཀྱི་ཆོས་ཀྱི་རྣམ་གྲངས་བཤད་དུ་གསོལ། བདེ་བར་གཤེགས་པ་
D556.089.0229a02.01བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤ་ར་དྭ་ཏིའི་བུ་ལེགས་སོ་ལེགས་སོ། །ཤ་ར་དྭ་ཏིའི་བུ་དེ་དེ་བཞིན་ཏེ་གཟུངས་ཐོབ་པའི་བྱང་ཆུབ་སེམས་དཔའ་དེ་ལ་སངས་རྒྱས་
D556.089.0229a03.01ཉིད་དུ་བརྗོད་པར་བྱ་སྟེ། ཤ་ར་དྭ་ཏིའི་བུ་གང་ལ་ལ་གཟུངས་ཐོབ་པའི་བྱང་ཆུབ་སེམས་དཔའ་ལ་བཀུར་སྟིར་བྱེད་པ་དང་། བླ་མར་བྱེད་པ་དང་། རིམ་གྲོར་བྱེད་པ་དང་། མཆོད་པར་བྱེད་པ་དེས་སངས་རྒྱས་ལ་བཀུར་སྟིར་བྱས་པར་འགྱུར་རོ། །ཤ་ར་དྭ་ཏིའི་བུ་གང་ལ་
D556.089.0229a04.01ལ་གཟུངས་འདི་ཉན་པར་བྱེད་པ་དང་། གང་དག་གཟུངས་འདི་འཆང་བར་བྱེད་པ་དང་། གང་དག་མོས་པར་བྱེད་པ་དེ་རྣམས་ལ་བྱང་ཆུབ་ཀྱི་སེམས་དང་མ་བྲལ་བས། སངས་རྒྱས་ལ་ཇི་ལྟར་མཆོད་པ་དེ་བཞིན་དུ་འགྱུར་རོ། །ཤ་ར་དྭ་ཏིའི་བུ་གཟུངས་དེ་ནི་འདི་ཡིན་ཏེ་
D556.089.0229a05.01ཏདྱ་ཐཱ། སན་དྷཱ་ར་ཎི། ཨུཏ་དྷཱ་ར་ཎི། སུ་སཾ་པྲ་ཏིཥྛི་ཏེ། སུ་ནཱ་མ། སུ་པྲ་ཏིཥྛི་ཏེ། བི་ཛ་ཡ་བ་ལ། སཏྟྱ་པྲ་ཏི་ཛྙཱ། སུ་ཨཱ་རོ་ཧ། ཛྙཱ་ན་པྲ་ཏི། ཨུཏྤཱ་ད་ནི། ཨ་བ་ནཱ་བ་ནི། ཨ་བྷི་ཥིཉྩ་ནི། ཨ་བྷི་བྱ་ཧཱ་ར། ཤུ་བྷ་བ་ཏི། སུ་ནིཿཤྲི་ཏ། བ་ཧུ་གུཾ་བྷ། ཨ་བྷི་བ་དཱ་སྭཱ་ཧཱ།
D556.089.0229a06.01ཤ་ར་དྭ་ཏིའི་བུ་ཆགས་པ་མེད་པའི་གཟུངས་ཀྱི་ཚིག་འདི་བྱང་ཆུབ་སེམས་དཔའ་གང་གིས་ཤིན་ཏུ་གནས་པ་དང་། ལེགས་པར་གཟུང་བ་བྱས་ནས། འཆང་བར་བྱེད་པ་དེ་བསྐལ་པའམ། བསྐལ་པ་ལས་ལྷག་པའམ། བསྐལ་པ་སྟོང་ངམ། བསྐལ་པ་བརྒྱ་ཕྲག་སྟོང་
D556.089.0229a07.01