完整藏文原文 · 德格版页 当前仅加载第 89 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་དར་བར་བགྱིའོ། །ཆོས་འདི་བཤད་པའི་གནས་ཀྱི་དཀྱིལ་འཁོར་འདི་ལྷ་དང་། མི་དང་། ལྷ་མ་ཡིན་ལ་སོགས་པ་ཐམས་ཅད་དང་། སེམས་ཅན་ཐམས་ཅད་ཀྱིས་མི་བརྫི་ཞིང་གཙང་མར་བགྱིའོ། །དེ་ཅིའི་སླད་དུ་ཞེ་ན། ཆོས་བཤད་པའི་གནས་
D556.089.0200a01.01འདི་ནི་མཆོད་རྟེན་ལགས་པའི་སླད་དུ། གདུགས་དང་། རྒྱལ་མཚན་དང་། མེ་ཏོག་དང་། བདུག་པ་དང་། ལྷབ་ལྷུབ་ཀྱིས་ཡོངས་སུ་མཆོད་པར་བགྱིའོ། །བདག་ཅག་གིས་ཀྱང་རྟག་ཏུ་བསྲུང་ཞིང་བསྐྱབས་ཏེ་ཉམས་པ་མ་མཆིས་པར་བགྱིའོ། །དེ་ནས་བཅོམ་ལྡན་འདས་
D556.089.0200a02.01ཀྱིས་འཁོར་འདུས་པ་དེ་དག་ལ་བཀའ་སྩལ་པ། རིགས་ཀྱི་བུ་ཁྱེད་ཀྱིས་མདོ་སྡེ་དམ་པ་འདི་བསྒྲུབ་པ་ལ་བརྩོན་པར་གྱིས་ཤིག་དང་། དམ་པའི་ཆོས་འདི་འཇིག་རྟེན་འདིར་ཡུན་རིང་དུ་གནས་པར་འགྱུར་རོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། ས་རྣམ་པར་
D556.089.0200a03.01སྦྱོང་བ་ཞེས་བྱ་བའི་ལེའུ་ཞེས་བྱ་སྟེ་དྲུག་པའོ།། །།བམ་པོ་ལྔ་པ། དེ་ནས་བཅོམ་ལྡན་འདས་ཀྱིས། རིགས་ཀྱི་ལྷ་མོ་བྱང་ཆུབ་ཡང་དག་པར་བསྡུས་པ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་ལྷ་མོ་དེའི་ཚེ་དེའི་དུས་ན། རྒྱལ་པོ་གསེར་གྱི་ལག་པའི་དབང་
D556.089.0200a04.01པོ་ཞེས་བྱ་བ་དེས། དེ་བཞིན་གཤེགས་པ་ཐམས་ཅད་ལ་བསྟོད་པ། པདྨོའི་འབྱུང་གནས་འདིས་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ལ་མངོན་པར་བསྟོད་དོ། །རྒྱལ་བ་གང་དག་སྔར་འགྱུར་གང་བྱུང་དང་། །ཕྱོགས་བཅུའི་
D556.089.0200a05.01འཇིག་རྟེན་དག་ན་གང་འཚོ་བ། །རྒྱལ་བ་དེ་དག་རྣམས་ལ་ཕྱག་བགྱིའོ། །རྒྱལ་བ་དེ་དག་ཀུན་ལ་བདག་གིས་བསྟོད། །ཐུབ་དབང་ཞི་ཞིང་རབ་ཞི་རྣམ་པར་དག །སྐུ་ནི་གསེར་གྱི་མདོག་ཏུ་རབ་ཏུ་གདའ། །དབྱངས་རྣམས་ཀུན་པས་སངས་རྒྱས་གསུང་སྙན་ཏེ། །ཚངས་
D556.089.0200a06.01པའི་སྒྲ་དབྱངས་རབ་ཏུ་བསྒྲགས་པའི་གསུང་། །བུང་བ་རྨ་བྱ་ཨུཏྤལ་སྔོན་པོའི་དབུ། །མཐོན་མཐིང་ལྕང་ལོ་བྱ་ནི་ཙ་ཤ་འདྲ། །ཁ་བ་དུང་ལྟར་རབ་ཏུ་དཀར་བའི་ཚེམས། །རྟག་ཏུ་གསེར་ལྟར་རྣམ་པར་མཛེས་པར་གདའ། །སྤྱན་ནི་རིང་ཞིང་མཐོན་མཐིང་དྲི་མ་མེད། །
D556.089.0200a07.01