完整藏文原文 · 德格版页 当前仅加载第 89 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ལྡེ་གུས། རྒྱལ་པོ་དང་བཙུན་མོའི་ལུས་སིམ་པར་བྱས་སོ། །དེ་ནས་རིང་ཞིག་ལོན་པ་དང་། འདུ་ཤེས་རྙེད་ནས། རྒྱལ་པོ་ལངས་ཏེ་སྙིང་རྗེ་རྗེའི་སྐད་དུ་འབོད་པ། ཀྱི་ཧུད་བུ་སྡུག་ཡིད་འོང་མཐོང་དགའ་བ། །འཆི་བདག་དབང་དུ་ཅི་ཕྱིར་མྱུར་དུ་སོང་། །འཆི་བདག་ཅི་ཕྱིར་
D556.089.0268a01.01ང་ལ་སྔར་མ་འོངས། །ང་ལ་སྡུག་བསྔལ་འདི་ལས་གཞན་མི་འབྱུང་། །བཙུན་མོ་ཡང་མྱོས་པ་ལས་ལངས་ནས། སྐྲ་ཞིག་ཅིང་ལག་པ་གཉིས་ཀྱིས་བྲང་བརྡུངས་ཏེ། ཉ་ཐང་ལ་ཕྱུང་བ་བཞིན་དུ་སའི་སྟེང་ན་འགྲེ་ལྡོག་ཅིང་མ་ཧེའི་བེའུ་སྟོར་བ་དང་། རྔ་མོ་རྔེའུ་སྟོར་བ་བཞིན་དུ་སྙིང་རྗེ་རྗེའི་སྐད་དུ་
D556.089.0268a02.01ངུའོ། །ཀྱི་ཧུད་སྡུག་ཅིང་གཅེས་པའི་བུ་ནི་པདྨ་འདི། །སུ་ཡིས་ས་ཡི་སྟེང་དུ་བཤིག་ནས་རབ་ཏུ་གཏོར། །ཡིད་འོང་མིག་ལྡན་ཟླ་འདྲའི་བཞིན་ཅན་བདག་གི་བུ། །བདག་གི་དགྲ་བོ་གང་གིས་དེ་རིང་ས་འདིར་བཅོམ། །ཀྱི་ཧུད་ས་འདིར་བུ་མཆོག་བསད་མཐོང་བ། །ལུས་འདི་ཅི་ཕྱིར་
D556.089.0268a03.01དེ་རིང་ཞིག་མ་གྱུར། །སྡུག་བསྔལ་འདི་འདྲ་མཐོང་ཡང་མ་གས་པས། །བདག་གི་སྙིང་འདི་ལྕགས་ནི་ཡིན་ཡང་དག །དེ་རིང་རྨི་ལམ་དུ་ནི་བདག་གི་ནུ་མ་འགའ་ཞིག་གིས་ནི་རལ་གྲིས་བཅད། །སོ་ཡང་ཕྱུང་བས་དེ་རིང་བདག་གི་བུ་སྡུག་དེ་ནི་མྱུར་དུ་མ་རུང་གྱུར། །བདག་གིས་ཐི་
D556.089.0268a04.01བའི་ཕྲུ་གུ་གསུམ་ཞིག་རྙེད་པ་གཅིག་འདིར་ཇི་ལྟར་ཁྲས་ཁྱེར་བཞིན། །བདག་ནི་བུ་གསུམ་དག་གིས་བསྐོར་བ་ལས་ཀྱང་གཅིག་ནི་དེ་རིང་འཆི་བདག་ཁྱེར། །ཀྱི་ཧུད་སྡིག་པ་ཅན་གྱི་རྨི་ལམ་དེ་ཡི་འབྲས་བུ་གྲུབ་པ་འདི་ཡིན་ནོ། །དེ་ནས་རྒྱལ་པོ་དང་བཙུན་མོ་སྙིང་རྗེ་རྗེའི་སྐད་དུ་རྣམ་
D556.089.0268a05.01པ་མང་པོས་སྨྲེ་ཞིང་རྒྱན་ཐམས་ཅད་བཀྲོལ་ནས། སྐྱེ་བོའི་ཚོགས་ཆེན་པོ་དང་ལྷན་ཅིག་ཏུ་བུའི་རུས་པ་ལ་མཆོད་པ་བྱས་ནས། གཞོན་ནུའི་རུས་པ་རྣམས་ས་ཕྱོགས་འདིར་བཞག་གོ། །ཀུན་དགའ་བོ་དེའི་ཚེ་དེའི་དུས་ན། རྒྱལ་བུ་གཞོན་ནུ་སྙིང་སྟོབས་ཆེན་པོ་ཞེས་བྱ་བར་གྱུར་པ་
D556.089.0268a06.01དེ་གཞན་ཡིན་པ་སྙམ་དུ་ཁྱོད་སེམས་ན་དེ་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་དེའི་ཚེ་དེའི་དུས་ན། རྒྱལ་བུ་གཞོན་ནུ་སྙིང་སྟོབས་ཆེན་པོ་ཞེས་བྱ་བར་གྱུར་ཏོ། །ཀུན་དགའ་བོ་འདོད་ཆགས་དང་། ཞེ་སྡང་དང་། གཏི་མུག་ལས་ཡོངས་སུ་མ་གྲོལ་བ་དེའི་ཚེ་ཡང་
D556.089.0268a07.01