完整藏文原文 · 德格版页 当前仅加载第 89 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་རང་གི་ཁྱིམ་ཕྱག་དར་ལེགས་པར་བྱ། ཁྲུས་ལེགས་པར་བྱ། གོས་དཀར་པོ་གཙང་མ་བགོ་བར་བྱ། གོས་དྲི་རབ་ཏུ་ཞིམ་པ་བགོ་བར་བྱའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D556.089.0240a01.01རིན་ཆེན་མེ་ཏོག་ཡོན་ཏན་རྒྱ་མཚོ་བཻ་ཌཱུརྱ་དང་། གསེར་གྱི་རི་ཁ་དོག་བཟང་པོ་གསེར་དུ་སྣང་བའི་དཔལ་དེ་ལ་ཕྱག་འཚལ་ཞིང་མཚན་ནས་ཀྱང་ལན་གསུམ་བརྗོད། ལྷ་མོ་ཆེན་མོ་དཔལ་གྱི་ལག་ནས། དེ་བཞིན་གཤེགས་པ་ལ་མཆོད་པ་བྱེད། མེ་ཏོག་
D556.089.0240a02.01དང་། བདུག་པ་དང་། སྤོས་ཀྱང་འབུལ། རོ་བྲོ་བ་སྣ་ཚོགས་ཀྱང་འབུལ། གསེར་འོད་དམ་པ་མདོ་སྡེའི་དབང་པོའི་རྒྱལ་པོའི་མིང་ཡང་ལན་གསུམ་བརྗོད། བདེན་པའི་ཚིག་ཀྱང་བརྗོད། ལྷ་མོ་ཆེན་མོ་དཔལ་ལ་ཡང་མཆོད་ཅིང་། མེ་ཏོག་དང་།
D556.089.0240a03.01བདུག་པ་ཡང་འབུལ། རོ་བྲོ་བ་སྣ་ཚོགས་ཀྱང་འབུལ་ན། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཡི་མཐུས། དེའི་ཚེ་ལྷ་མོ་ཆེན་མོ་དཔལ་ཁྱིམ་དེ་ལ་སེམས་པར་འགྱུར། དེའི་འབྲུའི་ཕུང་པོ་ཆེན་པོ་ཡང་འཕེལ་བར་འགྱུར་རོ། །ལྷ་མོ་ཆེན་མོ་
D556.089.0240a04.01དཔལ་འགུགས་པར་འདོད་པ་དེས་རིག་པའི་གསང་སྔགས་འདི་དག་དྲན་པར་བྱའོ། །འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་ཐམས་ཅད་ལ་ཕྱག་འཚལ་ལོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་
D556.089.0240a05.01འཚལ་ལོ། །བཅོམ་ལྡན་འདས་དེ་བཞིན་གཤེགས་པ་རིན་ཆེན་གཙུག་ཏོར་ཅན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དྲི་མ་མེད་པར་འབར་བ་རིན་ཆེན་འོད་ཟེར་སྣང་བའི་རྟོག་ལ་ཕྱག་འཚལ་ལོ། །དེ་བཞིན་གཤེགས་པ་འཛམ་
D556.089.0240a06.01བུ་གསེར་གྱི་རྒྱལ་མཚན་གསེར་དུ་སྣང་བ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་དུ་སྣང་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཉི་མ་བརྒྱའི་འོད་ཟེར་སྣང་བའི་སྙིང་པོ་ལ་ཕྱག་འཚལ་ལོ། །དེ་བཞིན་གཤེགས་པ་གསེར་རི་རིན་
D556.089.0240a07.01