完整藏文原文 · 德格版页 当前仅加载第 89 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་མངོན་པར་བསྟོད་དོ། །ཐུབ་དབང་ཁྱོད་ནི་བསོད་ནམས་བརྒྱ་པའི་མཚན། །དཔལ་སྟོང་མཛེས་
D556.089.0272a01.01པའི་ཡོན་ཏན་རྣམས་ཀྱིས་བརྒྱན། །ཁ་དོག་རྒྱ་ཆེན་མཆོག་ཏུ་ཞི་བ་སྟོན། །ཉི་མ་སྟོང་ལྟར་འོད་ནི་རྣམ་པར་འཕྲོ། །འོད་ཟེར་དུ་མ་འབར་བའི་འོད་ཀྱིས་ཁྱབ། །ཁ་དོག་སྣ་ཚོགས་གང་བས་རིན་ཆེན་འདྲ། །སྔོན་པོ་དཀར་པོ་གསེར་འོད་བཻ་ཌཱུརྱ། །ཟངས་དང་སྐྱ་རེངས་ཤེལ་གྱི་འོད་
D556.089.0272a02.01ལྟ་བུས། །རྡོ་རྗེ་རི་དབང་རི་རབ་ཐལ་མཛད་ཅིང་། །ཞིང་རྣམས་བྱེ་བ་དུ་མར་སྣང་མཛད་དེ། །སྡུག་བསྔལ་མི་བཟད་དྲག་པོ་ཞི་བར་མཛད། །བདེ་བའི་མཆོག་གིས་སེམས་ཅན་ཚིམ་པར་མཛད། །མདོག་དང་དབང་པོ་གསལ་བག་བལྟ་ན་མཛེས། །གཟུགས་བལྟས་མི་ངོམས་སྐྱེ་
D556.089.0272a03.01བོས་བལྟ་ན་དགའ། །རྨ་བྱའི་མདོག་འདྲའི་དབུ་སྐྲ་རྣམ་པར་མཛེས། །བུང་པ་མང་པོས་གང་བའི་འོད་དང་འདྲ། །ཐུགས་རྗེ་རྣམ་དག་ཡོན་ཏན་རྣམས་ཀྱིས་བརྒྱན། །ཏིང་འཛིན་བྱམས་པ་བསོད་ནམས་དམ་པ་བསགས། །དཔེ་བྱད་བཟང་དང་ཁ་དོག་སྣ་ཚོགས་ལྡན། །
D556.089.0272a04.01ཏིང་འཛིན་བྱང་ཆུབ་ཡན་ལག་ཡོན་ཏན་བརྒྱན། །ཁྱོད་ནི་རབ་ཏུ་ཚིམ་མཛད་ཕན་པ་མཛད། །བདེ་མཛད་བདེ་བ་ཀུན་གྱི་འབྱུང་གནས་འབྱུང་། །ཡོན་ཏན་ཟབ་མོ་སྣ་ཚོགས་རྣམས་ཀྱིས་བརྒྱན། །ཞིང་རྣམས་བྱེ་བ་དག་ཏུ་ལྷང་ངེ་སྟེ། །མེ་ཡི་འོད་ལྟར་འོད་ཟེར་རྣམས་ཀྱིས་
D556.089.0272a05.01མཛེས། །ཇི་ལྟར་ནམ་མཁའ་ཉི་དཀྱིལ་རྫོགས་པ་བཞིན། །རི་རབ་ལྟ་བུར་ཡོན་ཏན་ཀུན་ལྡན་པར། །འཇིག་རྟེན་ཁམས་རྣམས་ཀུན་ཏུ་རབ་ཏུ་གདའ། །བ་ཞོ་ཀུ་མུ་ད་དང་ཟླ་འདྲ་ཞིང་། །ཁ་བའི་མདོག་དང་དཀར་པོ་བཟང་འདྲ་བའི། །ཚེམས་ཀྱི་ཕྲེང་བས་ཁྱོད་ཀྱི་
D556.089.0272a06.01ཞལ་མཛེས་པ། །ངང་པའི་རྒྱལ་པོ་བར་སྣང་ཇི་བཞིན་ནོ། །ཁྱོད་ཀྱི་ཞི་ཞལ་མཚམས་གནས་ཟླ་བ་འདྲ། །གཡས་སུ་འཁྱིལ་ཞིང་ཁོང་ཆུད་འདྲ་བ་ལགས། །བཻ་ཌཱུརྱ་འདྲའི་སྐུ་འོད་དཀར་རྣམས་ཀྱིས། །ནམ་མཁའི་དཀྱིལ་ན་ཉི་མ་ལྟ་བུར་མཛེས། །གསེར་འོད་དམ་པ་
D556.089.0272a07.01