完整藏文原文 · 德格版页 当前仅加载第 89 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
གིས། ཐབས་དང་མི་ལྡན་པས་ཕ་རོལ་ཏུ་ཕྱིན་པ་དྲུག །བསྐལ་པ་ཆེན་པོ་བརྒྱད་སྟོང་དུ་སྤྱོད་པ་བས། གང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་གླེགས་བམ་དུ་བྲིས་ཏེ། ཟླ་
D556.089.0210a01.01བ་ཕྱེད་ཕྱེད་ཅིང་སེམས་རྩེ་གཅིག་ཏུ་བྱས་ཏེ་ཀློག་ཅིང་འདོན་ན། བསོད་ནམས་ཀྱི་ཕུང་པོ་འདི་ལ། བསོད་ནམས་ཀྱི་ཕུང་པོ་སྔ་མ་དེས་བརྒྱའི་ཆར་ཡང་ཉེ་བར་མི་ཕོད་པ་ནས། གྲངས་སུ་བགྲང་བ་དང་དཔེར་བསྒྲུན་པར་ཡང་མི་བཟོད་དོ། །ཚངས་པ་ཆེན་པོ་དེ་ལྟ་བས་ན།
D556.089.0210a02.01ཁྱོད་ཀྱིས་རྟག་ཏུ་ཡིད་ལ་བྱ་ཞིང་། ནན་ཏན་དུ་བསྒྲུབ་པ་དང་། གཟུང་ཞིང་གཞན་ལ་ཡང་ཡང་དག་པར་རྒྱ་ཆེར་བསྟན་པར་བྱའོ། །དེ་ཅིའི་ཕྱིར་ཞེ་ན། སྔོན་འདས་པའི་དུས་ན་ང་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། ཇི་ལྟར་སྐྱེས་བུ་དཔའ་བོ་གཡུལ་ངོར་
D556.089.0210a03.01ལུས་དང་སྲོག་ལ་མི་ལྟ་བ་བཞིན་དུ། ངས་ཀྱང་མདོ་སྡེའི་དབང་པོའི་རྒྱལ་པོ་འདི་གཟུང་ཞིང་འཛིན་པ་དང་། ཀློག་ཅིང་འདོན་པ་དང་། གཞན་ལ་ཡང་རྒྱ་ཆེར་ཡང་དག་པར་སྟོན་པ་ལ་ཐོགས་པ་མེད་པར་གྱུར་ཏོ། །ཚངས་པ་ཆེན་པོ་དཔེར་ན་འཁོར་ལོས་སྒྱུར་བའི་རྒྱལ་པོ་
D556.089.0210a04.01ནམ་འཇིག་རྟེན་ན་གནས་ཀྱི་བར་དུ་རིན་པོ་ཆེ་སྣ་བདུན་ཡང་མེད་པར་མི་འགྱུར་རོ། །གལ་ཏེ་རྒྱལ་པོ་མི་བཞུགས་ན། རིན་པོ་ཆེ་སྣ་བདུན་ཡང་མོད་ལ་མེད་པར་འགྱུར་རོ། །ཚངས་པ་ཆེན་པོ་དེ་ལྟར་དེ་བཞིན་དུ། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་འཇིག་རྟེན་
D556.089.0210a05.01ན་གནས་ཀྱི་བར་དུ། བླ་ན་མེད་པའི་ཆོས་རིན་པོ་ཆེ་ཐམས་ཅད་ཀྱང་ནུབ་པར་མི་འགྱུར་རོ། །མདོ་སྡེའི་རྒྱལ་པོ་འདི་ནམ་མེད་པ་ན་གཞན་དག་ཀྱང་ནུབ་པར་འགྱུར་རོ། །དེ་ལྟ་བས་ན་མདོ་སྡེའི་རྒྱལ་པོ་འདི་སེམས་རྩེ་གཅིག་ཏུ་བྱས་ཏེ། མཉན་པ་དང་། གཟུང་བ་དང་།
D556.089.0210a06.01ཀློག་པ་དང་། གཞན་ལ་ཡང་རྒྱ་ཆེར་བཤད་པ་དང་། ཡི་གེར་འདྲིར་འཇུག་པ་དང་། ལུས་དང་སྲོག་ལ་མི་བལྟ་བས་ངལ་བ་དང་། དུབ་པ་ཁྱད་དུ་གསོད་ཅིང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱ་སྟེ། བསོད་ནམས་ཀྱི་ནང་ན་མཆོག་ཡིན་པར་ངའི་འཁོར་རྣམས་
D556.089.0210a07.01