完整藏文原文 · 德格版页 当前仅加载第 89 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ན། །རྣམ་པར་དག་པའི་མཆོག་བརྙེས་སོ། །བཅོམ་ལྡན་འདས་ཀྱི་ཚད་མེད་སྐུས། །ཚིག་གཅིག་སྟོན་པ་མེད་པར་ཡང་། །འཁོར་མང་འདི་དག་ཐམས་ཅད་ལ། །ཆོས་ཀྱི་ཆར་གྱིས་ཚིམ་པར་མཛད། །སེམས་ཅན་འདི་དག་ཐམས་ཅད་ཀྱི། །མཚན་
D556.089.0198b01.01ཉིད་རྣམ་པར་གཟིགས་མེད་ཀྱང་། །ཉོན་མོངས་སྡུག་བསྔལ་ཐམས་ཅད་ལས། །བཅོམ་ལྡན་རྟག་ཏུ་སྐྱོབ་པར་མཛད། །བདེ་དང་སྡུག་བསྔལ་རྟག་མི་རྟག །བདག་དང་བདག་མེད་ལ་སོགས་དང་། །གཅིག་དང་ཐ་དད་མ་ཡིན་དང་། །སྐྱེ་བ་མེད་དང་འགོག་
D556.089.0198b02.01མེད་པའི། །དེ་འདྲའི་དོན་གྱི་རྣམ་པ་ལ། །རྣམ་པར་དབྱེ་ཞིང་སྟོན་པར་མཛད། །དཔེར་ན་བྲག་ཅ་སྟོང་པར་ནི། །དེ་དོན་སངས་རྒྱས་རྣམས་ཀྱིས་མཁྱེན། །ཆོས་ཀྱི་དབྱིངས་ནི་དབྱེར་མེད་པས། །ཐེག་པ་མི་མཐུན་གཞན་མེད་དེ། །སེམས་ཅན་རྣམས་ནི་
D556.089.0198b03.01བསྒྲལ་བའི་ཕྱིར། །གསུམ་དུ་རྣམ་པར་དབྱེ་བ་མཛད། །དེ་ནས་ཚངས་པའི་རྒྱལ་པོ་དབང་ཕྱུག་ཆེན་པོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་བ་བཏུད་ནས། བཅོམ་
D556.089.0198b04.01ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཤིན་ཏུ་དཀོན་ཞིང་། དཔག་པར་དཀའ་བ། ཐོག་མར་ཡང་དགེ་བ། བར་དུ་ཡང་དགེ་བ། ཐ་མར་ཡང་དགེ་བ།
D556.089.0198b05.01དོན་བཟང་པོ། ཚིག་འབྲུ་བཟང་པོ། མ་འདྲེས་པ་ཡོངས་སུ་རྫོགས་པ། སངས་རྒྱས་ཀྱི་ཆོས་ཐམས་ཅད་ཕུན་སུམ་ཚོགས་པར་མཛད་པ་འདི་གང་ཞིག་འཆང་བ་དང་། འཛིན་པ་དེ། སངས་རྒྱས་བཅོམ་ལྡན་འདས་རྣམས་ཀྱི་མཛད་པ་གཟོ་བ་ལགས་སོ། །དེ་སྐད་
D556.089.0198b06.01ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཇི་སྐད་སྨྲས་པ་དེ་བཞིན་ཏེ། རིགས་ཀྱི་བུ་གང་མདོ་སྡེ་འདི་ཉན་པར་བྱེད་པ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །དེ་ཅིའི་ཕྱིར་ཞེ་ན།
D556.089.0198b07.01