完整藏文原文 · 德格版页 当前仅加载第 89 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོའི་སྐྱེ་གནས་དང་། གཤིན་རྗེའི་འཇིག་རྟེན་གྱི་སྡུག་བསྔལ་ཐམས་ཅད་རབ་ཏུ་ཞི་བར་བགྱི་བའི་སླད་དུ། དེའི་སྤུའི་བུ་ག་རྣམས་སུ་གཟི་བྱིན་སྩལ་བར་བགྱིའོ། །དེའི་ལུས་ལ་མཐུ་དང་། སྟོབས་དང་། བརྩོན་འགྲུས་ཆེན་པོ་བསྐྱེད་པར་བགྱིའོ། །དེའི་ཡེ་ཤེས་ཀྱི་
D556.089.0246b01.01སྣང་བ་བསམ་གྱིས་མི་ཁྱབ་པར་བགྱིའོ། །དེའི་དྲན་པ་ཁོང་དུ་ཆུད་པར་བགྱིའོ། །དེ་ཆེར་སྤྲོ་བར་བགྱིའོ། །དེ་ནས་གནོད་སྦྱིན་བདག་པོ་ཆེན་པོ་ཡང་དག་ཤེས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་གཟུངས་སྔགས་ཤིག་མཆིས་པ་འདི་སེམས་
D556.089.0246b02.01ཅན་ཐམས་ཅད་ལ་ཕན་པ་དང་སྙིང་བརྩེ་བའི་ཕྱིར། བཅོམ་ལྡན་འདས་ཀྱི་སྤྱན་སྔར་བདག་ཉིད་ཀྱིས་སྔགས་འདི་གདོན་པར་བགྱིའོ། །སྔགས་ལ། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿསཾ་གྷཱ་ཡ། ན་མོ་བྲཧྨ་ཡ། ན་མ་ཨིནྡྲཱ་ཡ། ན་མཤྩ་ཏུར་ཎྃ། མ་ཧཱ་རཱ་
D556.089.0246b03.01ཛཱ་ནཱྃ། ཏདྱ་ཐཱ། ཧི་ལི་ཧི་ལི། མི་ལི་མི་ལི། གཽ་རི། མ་ཧཱ་གཽ་རི། གནྡྷ་རི། མ་ཧཱ་གནྡྷ་རི། དྲི་མི་ཌི། མ་ཧཱ་དྲི་མི་ཌི། དནྜ་ཁུ་ཁུན་ཏི། ཧ་ཧ་ཧ་ཧ། ཧི་ཧི་ཧི་ཧི། ཧུ་ཧུ་ཧུ་ཧུ། ཧ་ལོ་དྷ་མེ། གུ་དྷ་མེ། ཙ་ཙ་ཙ་ཙ། ཙི་ཙི་ཙི་ཙི། ཙུ་ཙུ་ཙུ་ཙུ། ཙཎྜེ་ཤྭ་ར། ཤི་ཁ་
D556.089.0246b04.01ར། ཤི་ཁ་ར། ཨུ་ཏིཥྛ་ཧེ་བྷ་ག་བཱན། སཾ་བིད་ཛྙཱ་ཡེ་སྭཱ་ཧཱ། གང་ལ་ལ་ཞིག་གིས་རིག་སྔགས་འདི་འཆང་ཞིང་འཛིན་ན་བདག་གིས་དེ་ལ་འཚོ་བའི་ཡོ་བྱད་བསོད་སྙོམས་དང་། གོས་དང་། མེ་ཏོག་དང་། འབྲས་བུ་དང་། ནོར་དང་། རིན་པོ་ཆེ་ལ་སོགས་པ་ཐམས་ཅད་
D556.089.0246b05.01སྩལ་བར་བགྱིའོ། །གང་ལ་ལ་ཞིག་བུ་ཕོ་མོ་སྨོས་པ་དང་། བྲན་ཕོ་དང་། བྲན་མོ་དང་། གསེར་དང་། དངུལ་དང་། རིན་པོ་ཆེ་དང་། རྒྱན་ལ་སོགས་པའི་ཡོ་བྱད་འདོད་ན་ཡང་། བདག་གིས་དེ་ལ་ཡིད་བཞིན་དུ་སོ་སོར་སྩལ་བར་བགྱིའོ། །རིག་སྔགས་འདིའི་མཐུ་དང་། གཟི་
D556.089.0246b06.01བརྗིད་ཆེན་པོ་དང་ལྡན་པའི་ཕྱིར། གང་གསང་སྔགས་འདི་ཟློས་པའི་ཚེ། བདག་མྱུར་དུ་དེའི་གན་དུ་མཆི་སྟེ། ཅི་ཡང་ཐོགས་པ་མེད་པར་འགྲུབ་པར་བགྱིའོ། །གསང་སྔགས་འདི་སྒྲུབ་པའི་ཆོ་ག་ནི། ཐོག་མར་གནོད་སྦྱིན་གྱི་བདག་པོ་ཆེན་པོ་ཡང་དག་ཤེས་ཀྱི་གཟུགས། སྲིད་
D556.089.0246b07.01