完整藏文原文 · 德格版页 当前仅加载第 89 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བཅོམ་ལྡན་འདས་མདོ་སྡེའི་རྒྱལ་པོ་འདི་གང་ཞིག་འཛིན་ཅིང་འཆང་བ་དང་། ཀློག་ཅིང་འདོན་པ་ཡང་རུང་། སྔགས་འདི་སྒྲུབ་པ་ཡང་རུང་སྟེ། ཚེགས་ཆུང་ངུས་མྱུར་དུ་འགྲུབ་པར་འགྱུར་རོ། །བཅོམ་ལྡན་འདས་བདག་གིས་སེམས་ཅན་དབུལ་ཞིང་ཕོངས་
D556.089.0226b01.01པའི་སྡུག་བསྔལ་གྱིས་ཉེན་པའི་སེམས་ཅན་རྣམས་ཀྱི་ཆེད་དུ་སྔགས་འདི་བཤད་པས། དེ་ཕྱུག་ཅིང་བདེ་བའི་མཆོག་དང་ཕུན་སུམ་ཚོགས་པ་ཚེ་གཅིག་ཏུ་འབྱོར་བར་འགྱུར་རོ། །བདག་གིས་ཀྱང་དེ་ཡོངས་སུ་བསྲུང་ཞིང་བསྐྱབ་པའི་ཕྱིར། རྗེས་སུ་འབྲང་ཞིང་གནོད་པ་
D556.089.0226b02.01དང་། འཚེ་བ་ཐམས་ཅད་མ་མཆིས་པར་བགྱིའོ། །གཞན་ཡང་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་དེ་འཛིན་ཅིང་རྒྱས་པར་བྱེད་པ་དང་། སྔགས་འདི་འཆང་བའི་གང་ཟག་དེ་གོམ་པ་བརྒྱ་ཚུན་ཆད་འོད་ཀྱིས་སྣང་བར་བྱས་ཏེ། བདག་གི་འཁོར་གནོད་སྦྱིན་སྟོང་
D556.089.0226b03.01རྣམས་ཀྱིས་ཀྱང་རྟག་ཏུ་དེའི་གཡོག་ཏུ་བསྐོ་ཞིང་མངག་གཞུག་ཡིད་བཞིན་དུ་བྱེད་དུ་གཞུག་གོ། །བདག་གི་བདེན་པའི་ཚིག་འདི་སླུ་བ་མེད་པར་ཡང་བཅོམ་ལྡན་འདས་ཀྱིས་དགོངས་སུ་གསོལ། དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་སྔགས་དེ་སྐད་ཅེས་སྨྲས་པ་དང་། བཅོམ་
D556.089.0226b04.01ལྡན་འདས་ཀྱིས་ལེགས་སོ་ལེགས་སོ་ཞེས་བཀའ་སྩལ་ཏེ། རྒྱལ་པོ་ཆེན་པོ་ཁྱོད་ཀྱིས་སེམས་ཅན་ཐམས་ཅད་སྲེད་པས་གདུངས་པའི་སྡུག་བསྔལ་གྱི་དྲ་བ་ཐམས་ཅད་བྲལ་བས་ཕྱུག་ཅིང་བདེ་བར་བྱ་བའི་ཕྱིར་སྔགས་འདི་སྨྲས་པ་དང་། གཞན་ཡང་མདོ་སྡེ་འདི་འཇིག་རྟེན་དུ་
D556.089.0226b05.01ཡོངས་སུ་རྒྱས་པར་བྱ་བའི་ཕྱིར། སྔགས་འདི་བཤད་པ་ནི་ལེགས་སོ་ལེགས་སོ། །དེ་ནས་རྒྱལ་པོ་ཆེན་པོ་བཞི་སྟན་ལས་ལངས་ནས། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། ཐལ་མོ་སྦྱར་བ་བཏུད་ནས། ཞབས་
D556.089.0226b06.01གཉིས་ལ་སྤྱི་བོས་ཕྱག་འཚལ་ཏེ། དེའི་ཚེ་མངོན་སུམ་དུ་ཚུལ་དང་མཐུན་པའི་ཚིགས་སུ་བཅད་པ་འདི་དག་གིས། བཅོམ་ལྡན་འདས་ལ་མངོན་པར་བསྟོད་དོ། །རྒྱལ་བ་ཟླ་བ་དྲི་མ་མེད་པའི་སྐུ། །རྒྱལ་བ་ཉི་མ་འོད་ཟེར་སྟོང་གི་འོད། །རྒྱལ་བ་པདྨ་དྲི་མ་མེད་པའི་སྤྱན། །རྒྱལ་བ་
D556.089.0226b07.01