完整藏文原文 · 德格版页 当前仅加载第 89 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །རྟག་པར་དགེ་བ་བཅུའི་ལས་ཀྱི་ལམ་གྱིས་གཏོང་ཞིང་ལྷ་ལ་སོགས་པ་རྣམས་ཀྱི་མཐུ་དང་བསོད་ནམས་མངོན་པར་འཕེལ་བར་འགྱུར་བ་དང་། དགེ་བ་རྒྱས་པ་དང་། བླ་ན་མེད་པའི་བྱང་ཆུབ་ཀྱང་འཐོབ་པར་འགྱུར་རོ། །ལྷ་དེ་དག་གིས་དེ་ལྟར་བྱེད་པ་
D556.089.0225b01.01དེ་མཐོང་ནས་ཀུན་དགའ་ཞིང་མགུ་རངས་པས་འོང་ཞིང་དེ་ལ་བསྲུང་བ་དང་། སྐྱོབ་པར་བྱེད་དོ། །སྔགས་མཁན་དེ་ཉིད་ཀྱང་ཚེ་ལོ་དཔག་ཏུ་མེད་པར་གནས་ཤིང་། ངན་སོང་གསུམ་ཡོངས་སུ་སྤོང་བ་དང་བགེགས་དང་། བར་ཆད་ཐམས་ཅད་ཀྱང་མེད་པར་
D556.089.0225b02.01འགྱུར་རོ། །ཡིད་བཞིན་གྱི་ནོར་བུ་འདི་དང་། གཏེར་གཞན་དག་ཀྱང་ཐོབ་པར་འགྱུར་རོ། །རྫུ་འཕྲུལ་ལ་དབང་སྒྱུར་ཞིང་བསམ་པ་ཐམས་ཅད་ཀྱང་གྲུབ་པར་འགྱུར་རོ། །གལ་ཏེ་ལོངས་སྤྱོད་ཅན་དུ་འདོད་ན་ཡང་ཡིད་བཞིན་དུ་གྲུབ་པ་དང་། བྱ་དང་
D556.089.0225b03.01གཅན་གཟན་གྱི་སྐད་ཐམས་ཅད་ཀྱང་ཤེས་པར་འགྱུར་རོ། །བཅོམ་ལྡན་འདས་སྔགས་སྒྲུབ་པ་དེས་བདག་མཐོང་བར་འཚལ་ན། ཚེས་བརྒྱད་དམ། ཚེས་{བཅྭ་,བཅོ་}ལྔའི་ཉིན་པར་རས་དཀར་པོ་ལ་བཅོམ་ལྡན་འདས་ཀྱི་སྐུ་གཟུགས་ཀ་པི་ཏ་དང་སྦྱར་བའི་ཚོན་རྩིས་
D556.089.0225b04.01རྒྱན་སྣ་ཚོགས་ཀྱིས་བརྒྱན་པ། རི་མོ་མཁན་གསོ་སྦྱོང་གི་ཡན་ལག་བརྒྱད་དང་ལྡན་པས། སངས་རྒྱས་ཀྱི་གཡོན་ཕྱོགས་སུ་ནི་དཔལ་གྱི་ལྷ་མོའི་གཟུགས་བྲི། སངས་རྒྱས་ཀྱི་གཡས་ཕྱོགས་སུ་ནི་རྒྱལ་པོ་ཆེན་པོ་རྣམ་ཐོས་ཀྱི་བུ་བདག་བུ་སྨད་དང་འཁོར་དུ་
D556.089.0225b05.01བཅས་པ་བྲིས་ཏེ། གནས་དེར་བཀྲམ་ནས། མེ་ཏོག་སྣ་ཚོགས་དང་། དྲི་སྣ་མང་པོ་དང་། མར་མེ་དམ་པ་དང་། ཞལ་ཟས་བདའ་བ་སྣ་ཚོགས་ཀྱིས། ཉིན་མཚན་རྒྱུན་མི་འཆད་པར་མཆོད་པར་བྱའོ། །སྔགས་འདི་ཟློས་པས་སེམས་མི་གཡེང་བར་བྱ་ཞིང་།
D556.089.0225b06.01རྒྱལ་པོ་ཆེན་པོ་རྣམ་ཐོས་ཀྱི་བུ་སྤྱན་དྲང་བའི་སྔགས་འདི་བཟླས་པར་བྱའོ། །ན་མཿཤྲཱི་ཀཎ་ཋཱ་ཡ། བུད་དྷཱ་ཡ། ན་མོ་བཻ་ཤྲ་བ་ཎཱ་ཡ། ཡཀྵ་རཱ་ཛཱ་ཡ། མ་ཧཱ་རཱ་ཛཱ་ཡ། ཨ་ཏི་རཱ་ཛཱ་ཡ། ན་མཿཤྲཱི། མ་ཧཱ་དེ་བྱཻ། ཏདྱ་ཐཱ། ཏ་ར་ཏ་ར། ཏུ་རུ་ཏུ་རུ། བ་ར་བ་ར། སུ་
D556.089.0225b07.01