完整藏文原文 · 德格版页 当前仅加载第 89 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
གྲོལ་བ་ཡང་གཞན། རྣམ་པར་གྲོལ་བ་མ་ཡིན་པ་ཡང་གཞན་མ་ཡིན་མོད་ཀྱི་ཚངས་པ་ཆེན་པོ་དེ་དག་ཐམས་ཅད་ནི། ཆོས་ཀྱི་དབྱིངས་སུ་མཉམ་པ་ཉིད་དེ་སོ་སོ་མ་ཡིན་པ། ཡང་དག་པར་དབྱེར་མེད་པ། བར་མཚམས་མེད་པ། འཕེལ་བ་དང་།
D556.089.0208a01.01འགྲིབ་པ་མེད་པ་ལ་མངོན་པར་ཆགས་ཤིང་འཛིན་ཏོ། །ཚངས་པའི་རྒྱལ་པོ་དཔེར་ན། སྒྱུ་མ་མཁན་ནམ། དེའི་སློབ་མ་སྒྱུ་མ་སྤྲུལ་པ་ལ་མཁས་ཤིང་བྱང་བར་གྱུར་པ་ཞིག་གིས། ལམ་གྱི་བཞི་མདོར། ས་དང་། བྱེ་མ་དང་། ཤིང་དང་། རྩྭ་དང་། ལོ་མ་ལ་སོགས་
D556.089.0208a02.01པ་གནས་གཅིག་ཏུ་བསྡུས་ཏེ། སྒྱུ་མ་སྤྲུལ་པ་འདི་ལྟ་སྟེ། རྟ་དང་གླང་པོ་ཆེའི་ཚོགས་དང་། དམག་དང་ཤིང་རྟ་ལ་སོགས་པའི་ཚོགས་དང་། རིན་པོ་ཆེ་སྣ་བདུན་གྱི་ཕུང་པོ་དང་། བང་བ་དང་མཛོད་ལ་སོགས་པ་རྣམ་པ་སྣ་ཚོགས་ཀུན་ལ་སྟོན་ཏོ། །དེ་ལ་སེམས་ཅན་བྱིས་
D556.089.0208a03.01པ་བླུན་པོ་མི་ཤེས་པའི་རང་བཞིན་ཅན་དག་གིས་མཐོང་ན། སྒྱུ་མ་སྤྲུལ་པར་མི་ཤེས་ཏེ། རྟ་དང་གླང་པོ་ཆེ་ལ་སོགས་པ་མཐོང་བ་དང་། ཐོས་པ་འདི་དག་ནི་ཡང་དག་པར་ཡོད་པ་ཡིན་ཏེ། གཞན་ནི་{བརྫུན་,རྫུན་}པ་སྙམ་དུ་སེམས་ཤིང་། ཕྱིས་ཀྱང་དེ་ལ་ཞིབ་ཏུ་རྟོག་
D556.089.0208a04.01པར་མི་བྱེད་དོ། །དེ་ལ་མཁས་པ་ཤེས་པའི་རང་བཞིན་ཅན་རྣམས་ནི་དེ་ལྟ་མ་ཡིན་ཏེ། སྒྱུ་མ་སྤྲུལ་པ་ཡིན་པར་ཤེས་ནས། ཐོས་པ་དང་མཐོང་བ་དེ་དག་ལ་འདི་སྙམ་དུ་སེམས་ཏེ། རྟ་དང་གླང་པོ་ཆེ་ལ་སོགས་པ་བདག་གིས་མཐོང་བ་འདི་དག་ནི་ཡང་དག་པ་མ་ཡིན་པ།
D556.089.0208a05.01སྒྱུ་མ་སྤྲུལ་པས་འགྲོ་བའི་མིག་སླུ་བར་བྱེད་པ་སྟེ། རྟ་དང་གླང་པོ་ཆེ་དང་། བང་མཛོད་ལ་སོགས་པ་འདི་དག་ནི་དེར་སྣང་བ་ཙམ་དུ་ཟད་དེ། བདག་གིས་མཐོང་བ་དང་ཐོས་པ་བཞིན་དུ་བདེན་པ་མ་ཡིན་པར་ཡང་འཛིན་ལ། ཕྱིས་ཞིབ་ཏུ་བརྟགས་ན་ཡང་{བརྫུན་,རྫུན་}པ་སླུ་བའི་
D556.089.0208a06.01ཆོས་སུ་ཤེས་སོ། །དེ་ལྟ་བས་ན་ཐབས་མཁས་པ་རྣམས་ཀྱིས་ནི། ཆོས་འདི་དག་ཐམས་ཅད་ནི་ཡང་དག་པ་མ་ཡིན་པའི་རང་བཞིན་དུ་རྟོགས་ཏེ། ཇི་ལྟར་མཐོང་བ་དང་ཐོས་པ་ཡང་ཀུན་རྫོབ་ཙམ་དུ་དེ་དག་གི་དོན་མཚོན་པ་དང་ཚིག་གི་ཐ་སྙད་ལ་བརྟེན་ནས། ཡང་དག་
D556.089.0208a07.01