完整藏文原文 · 德格版页 当前仅加载第 89 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཏ་ཏྱ་ན། ཨནྟརྡྷཱ་ཏུ་སྭཱ་ཧཱ། ན་མོ་བཻ་ཤྲ་བ་ཎཱ་ཡ་སྭཱ་ཧཱ། དྷ་ན་དཱ་ཡ་སྭཱ་ཧཱ། མ་ནོ་ར་ཐ་པ་རི་པཱུ་ར་ཡ་སྭཱ་ཧཱ། སྔགས་འདི་སྔར་ལན་སྟོང་བཟླས་པའི་འོག་ཏུ་ཁང་པ་དབེན་པའི་ནང་དུ་ལྕི་བས་དཀྱིལ་འཁོར་ཆུང་ངུ་ཞིག་བྱས་ཏེ་བཤོས་ཅི་འབྱོར་པས་མཆོད་པར་
D556.089.0225a01.01བྱའོ། །སྤོས་དམ་པ་བསྲེགས་པའི་དུ་བའི་རྒྱུན་མི་འཆད་པར་བྱ་ཞིང་ཉིན་མཚན་དུ་སེམས་རྩེ་གཅིག་པས་སྔགས་ཀྱི་སྙིང་པོ་འདི་བདག་ཉིད་ཀྱིས་ཐོས་པ་ཙམ་དུ་བཟླས་པ་བྱས་ན། དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུའི་སྲས་ཛི་ནར་ཤ་བྷ་ཞེས་བྱ་བ་གཞོན་ནུའི་གཟུགས་ཀྱིས་
D556.089.0225a02.01དེའི་གན་དུ་མཆིས་ཏེ་ངའི་ཡབ་ལ་ཅི་ཞིག་གསོལ་ཞེས་དྲི་བར་བྱེད་དོ། །དེ་ནས་དེས་བདག་ནི་དཀོན་མཆོག་གསུམ་ལ་མཆོད་པའི་ཕྱིར། ནོར་ཞིག་གསོལ་གྱིས་སྩོལ་ཅིག་ཅེས་སྨྲོས་ཤིག །དེ་ནས་སྲས་ཛི་ནར་ཤ་བྷས་ཡབ་ལ་གསོལ་བ། སྐྱེས་བུ་དམ་པ་ཞིག་དཀོན་
D556.089.0225a03.01མཆོག་གསུམ་ལ་མཆོད་པའི་ཕྱིར། ནོར་ཞིག་གསོལ་ལོ་ཞེས་གསོལ་པ་དང་། ཡབ་ཀྱིས་ཁྱོད་མྱུར་དུ་སོང་ལ་ཉིན་གཅིག་བཞིན་དུ་ཀཱ་པ་ཎ་བརྒྱ་བརྒྱ་བྱིན་ཅིག་ཅེས་བཀའ་སྩལ་ཏོ། །དེ་ནས་སྔགས་སྒྲུབ་པ་དེས་ལྟས་དེ་ལྟ་བུ་མཐོང་ནས། དོན་དེ་གྲུབ་པར་ཤེས་ཏེ།
D556.089.0225a04.01གནས་དབེན་པར་བདག་གཅིག་པུ་སྤོས་བསྲེགས་ལ་ཉལ་ཁར་སྔས་སུ་དྲིའི་ཟ་མ་ཏོག་གཅིག་བཞག་སྟེ་ཉལ་བར་བྱའོ། །དེ་ཕྱིན་ཆད་ནང་གཅིག་བཞིན་དུ་ཟ་མ་ཏོག་དེའི་ནང་ནས་ནོར་ཅི་འབྱུང་བ་ལས་ནོར་དེ་དེའི་ཉིན་པར་དཀོན་མཆོག་གསུམ་ལ་མཆོད་པའི་ཡོ་བྱད་མེ་ཏོག་
D556.089.0225a05.01དང་། སྤོས་དང་། ཞལ་ཟས་ལ་སོགས་པར་སྦྱར་བ་དང་། བྲེལ་ཅིང་ཕོངས་པ་རྣམས་ལ་ཡང་སྦྱིན་ཞིང་ཟད་པར་བྱའོ། །སེམས་ཅན་ཐམས་ཅད་ལ་བྱམས་པར་བསམ་མོ། །ཁྲོ་བ་དང་འཚེ་བའི་བསམ་པ་བསྐྱེད་ན། དེ་ཉམས་པར་འགྱུར་བས། ཁྲོ་བའི་
D556.089.0225a06.01སེམས་མི་སྐྱེ་བར་རྟག་ཏུ་བསྲུང་བར་བྱའོ། །དེ་ནས་ཡང་སྔགས་འདི་འཛིན་པ་དེས་ཉིན་གཅིག་བཞིན་དུ་ལྷའི་རྒྱལ་པོ་རྣམ་ཐོས་ཀྱི་བུ་དང་། གཞན་ཡང་སྲས་དང་། སྲས་མོའི་འཁོར་དུ་བཅས་པ་ལ། རྟག་པར་བསམ་ཞིང་། བསྟོད་པ་དང་། བསྔགས་པ་
D556.089.0225a07.01