完整藏文原文 · 德格版页 当前仅加载第 89 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱ། ཞེས་སྨོན་ལམ་བཏབ་བོ། །དེ་ནས་སྙིང་སྟོབས་ཆེན་པོས་སྟག་མོའི་མདུན་དུ་ཉལ་བ་དང་། དེ་ནས་བྱམས་པ་དང་ལྡན་པའི་བྱང་ཆུབ་སེམས་དཔའ་ལ། སྟག་མོས་ཅི་ཡང་མ་བྱས་སོ། །བྱང་ཆུབ་སེམས་དཔས། ཀྱེ་མའོ་འདི་ནི་ཉམ་ཆུང་བས་མི་ནུས་སོ་སྙམ་ནས་ལངས་ཏེ། སྙིང་བརྩེ་
D556.089.0266b01.01བའི་བློ་གྲོས་ཀྱིས་མཚོན་ཆ་བཙལ་ན། གང་ནས་ཀྱང་མཚོན་ཆ་མ་རྙེད་ནས། དེས་འོད་མའི་ཡལ་ག་ལོ་བརྒྱ་ལོན་པ་སྲ་བ་ཞིག་བླངས་ཏེ། བདག་གི་མགུལ་པ་བཅད་ནས་སྟག་མོའི་མདུན་དུ་འགྱེལ་ཏོ། །བྱང་ཆུབ་སེམས་དཔའ་འགྱེལ་མ་ཐག་ཏུ་ཆུའི་དབུས་སུ་སོན་པའི་གྲུ་རླུང་གིས་བསྐྱོད་པ་
D556.089.0266b02.01བཞིན་དུ་ས་འདི་རྣམ་པ་དྲུག་ཏུ་གཡོས་སོ། །ཉི་མ་ཡང་སྒྲ་གཅན་གྱིས་ཟིན་པ་བཞིན་དུ་འོད་ཟེར་རྣམས་ཀྱིས་མཛེས་པ་མེད་དོ། །ལྷའི་སྤོས་དང་། ཕྱེ་མ་དང་འདྲེས་པའི་མེ་ཏོག་གི་ཆར་ཡང་བབ་བོ། །དེ་ནས་ལྷ་ཞིག་གིས་ངོ་མཚར་དུ་གྱུར་པའི་ཡིད་ཀྱིས་བྱང་ཆུབ་སེམས་དཔའ་ལ་བསྟོད་པ། བློ་
D556.089.0266b03.01གྲོས་བཟང་པོ་ཁྱོད་འདིར་ཇི་ལྟར་ཐུགས་རྗེས་སེམས་ཅན་རྣམས་ཁྱབ་སྟེ། །མི་ཡི་དཔའ་བོ་རབ་ཏུ་དགྱེས་པས་ཇི་ལྟར་སྐུ་འདི་ཡོངས་སུ་བཏང་བས་ན། །སྐྱེ་བ་དང་ནི་འཆི་བའི་དོན་དང་བྲལ་བ་ཞི་བའི་གནས་ཀྱི་མཆོག །ཞི་བ་གཙང་མ་ཁྱོད་ཀྱིས་འདིར་ནི་ཚེགས་མེད་རིང་པོར་མི་ཐོགས་བརྙེས། །
D556.089.0266b04.01དེ་ནས་སྟག་མོ་དེས་བྱང་ཆུབ་སེམས་དཔའི་ལུས་ཁྲག་གིས་སྦགས་པ་ལ་བལྟས་ནས། ཡུད་ཙམ་གྱིས་ཤ་དང་ཁྲག་མེད་པར་རུས་པ་ཙམ་ཞིག་ལུས་པར་བྱས་སོ། །དེ་ནས་སྒྲ་ཆེན་པོས་ས་གཡོས་པ་དེ་ལ་བསམས་ནས་ལྷ་ཆེན་པོ་ལ་འདི་སྐད་ཅེས་སྨྲས་སོ། །ཇི་ལྟར་ཕྱོགས་བཅུར་རྒྱ་མཚོ་མཐར་
D556.089.0266b05.01ཐུག་རྒྱ་མཚོར་བཅས་པ་ཡི། །ས་འདི་རབ་ཏུ་གཡོས་ཤིང་ཉི་མ་འང་འོད་ནི་མེད་གྱུར་ལ། །མེ་ཏོག་ཆར་པ་འབབ་ཅིང་ཁོ་བོའི་ཡིད་ཀྱང་འཁྲུགས་པས་ན། །ད་གཟོད་བདག་གི་ནུ་བོས་རང་གི་ལུས་ནི་བཏང་ཡང་དག །ལྷ་ཆེན་པོས་སྨྲས་པ། དེ་ནི་ཇི་ལྟར་སྙིང་རྗེའི་ཚིག་སྨྲ་ལ། །
D556.089.0266b06.01བཀྲེས་དང་ལྡན་ཞིང་སྡུག་བསྔལ་བརྒྱས་གཙེས་པ། །ཤིན་ཏུ་ཉམ་ཆུང་རང་གི་བུ་ལ་ཡང་། །ཟ་བར་ཆས་ལ་བལྟ་བས་བདག་ཀྱང་དོགས། །དེ་ནས་རྒྱལ་བུ་གཞོན་ནུ་དེ་གཉིས་རབ་ཏུ་མྱ་ངན་གྱིས་ནོན་ནས་མཆི་མས་མིག་གང་སྟེ། ལམ་དེ་ཉིད་ནས་སླར་ལོག་ནས་སྟག་མོའི་དྲུང་དུ་ཕྱིན་
D556.089.0266b07.01