完整藏文原文 · 德格版页 当前仅加载第 89 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱི། གུས་པར་མཆོད་པར་བགྱིའོ།། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལ་འདི་སྐད་ཅེས་བཀའ་སྩལ་ཏོ། །དེའི་ཕྱིར་རྒྱལ་པོ་ཆེན་པོ་ཁྱེད་བཞི་དཔུང་དང་གཡོག་ཏུ་བཅས་པས། གདོན་མི་ཟ་བར་མིའི་རྒྱལ་པོ་གསེར་
D556.089.0224a01.01འོད་དམ་པ་མདོ་སྡེའི་དབང་པོའི་རྒྱལ་པོ་འདི་ཉན་པ་དང་། རིམ་གྲོ་བྱེད་པ་དང་མཆོད་པ་བྱེད་པ་དེ་དག་ཀུན་ཏུ་བསྲུང་བའི་ཕྱིར་སྤྲོ་བ་རྒྱ་ཆེར་གྱིས་ཤིག །རྒྱལ་པོ་ཆེན་པོ་དག་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་མདོ་སྡེའི་དབང་པོ་འདི་འཛིན་པ་
D556.089.0224a02.01དེ་དག་ཀྱང་། སངས་རྒྱས་ཀྱི་མཛད་པ་འཛིན་དུ་ཆུག་ཅིག་དང་། དེ་དག་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་འདི་ལ་སངས་རྒྱས་ཀྱི་མཛད་པ་བྱེད་པར་འགྱུར། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་རྒྱ་ཆེར་ཡང་དག་པར་རབ་ཏུ་འཆད་པར་འགྱུར་ཏེ།
D556.089.0224a03.01རྒྱལ་པོ་ཆེན་པོ་ཁྱེད་བཞིས་ཅི་ནས་མདོ་སྡེའི་དབང་པོ་འཛིན་པའི་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་བསྲུང་བ་དང་། གནོད་པ་མེད་པ་དང་། ནད་མེད་པ་དང་། འཁྲུག་པ་མེད་པ་དང་། སེམས་བདེ་བར་འགྱུར་ཞིང་། གསེར་འོད་དམ་
D556.089.0224a04.01པ་མདོ་སྡེའི་དབང་པོའི་རྒྱལ་པོ་འདི་ཡང་དག་པར་རབ་ཏུ་སྟོན་པར་འགྱུར་བར། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་མདོ་སྡེའི་དབང་པོ་འཛིན་པ་དེ་དག་ཀུན་དུ་བསྲུང་བར་བྱ། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་
D556.089.0224a05.01སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བར་བྱའོ། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུ་སྟན་ལས་ལངས་ཏེ། འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་ཡིད་བཞིན་གྱི་ནོར་བུ་ཞེས་བགྱི་བའི་གཟུངས་མཆིས་པ་འདི། སེམས་ཅན་གང་ལ་
D556.089.0224a06.01ལ་དག་འཛིན་ཅིང་འཆང་བར་མོས་པ་དེ་ལ། བསོད་ནམས་དཔག་ཏུ་མ་མཆིས་པར་འགྱུར་བ་དང་། རྟག་ཏུ་དེ་ལ་བདག་གིས་བསྲུང་ཞིང་བསྐྱབས་པས། དེའི་སྡུག་བསྔལ་ཐམས་ཅད་བསལ་ཏེ། བདེ་བར་གནས་པར་བགྱིའོ། །བསོད་ནམས་དང་ཡེ་ཤེས་ཀྱི་ཚོགས་ཀྱང་
D556.089.0224a07.01