完整藏文原文 · 德格版页 当前仅加载第 89 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །དེ་བཞིན་ཡོངས་སུ་ཆུབ་པར་བྱ། །ཁྲི་དེ་ལས་ནི་བབས་ནས་སུ། །ཡུལ་གཞན་སོང་བར་གྱུར་ན་ཡང་། །ཁྲི་དེ་ལ་ནི་ཡོད་པ་ཡི། །ཆོ་འཕྲུལ་རྣམས་ཀྱང་སྣང་བར་འགྱུར། །ཆོས་སྨྲ་བ་ཡི་གཟུགས་སུ་ཡང་། །དེ་ན་རེས་འགའ་སྣང་བར་འགྱུར། །རེས་
D556.089.0253a01.01འགའ་སངས་རྒྱས་གཟུགས་སུ་སྟེ། །རེས་འགའ་བྱང་ཆུབ་སེམས་དཔར་ཡང་། །རེས་འགའ་ཀུན་ཏུ་བཟང་པོ་དང་། །དེ་བཞིན་འཇམ་དཔལ་གཟུགས་སུ་སྟེ། །རེས་འགའ་བྱམས་པའི་གཟུགས་སུ་ཡང་། །ཁྲི་དེ་ལ་ནི་སྣང་བར་འགྱུར། །རེས་འགའ་འོད་ནི་འབའ་ཞིག་སྣང་། །རེས་
D556.089.0253a02.01འགའ་ལྷ་རྣམས་སྣང་བར་འགྱུར། །ཡུད་ཙམ་ཞིག་ནི་དེར་སྣང་ནས། །དེ་ནས་མི་སྣང་བར་ཡང་འགྱུར། །སངས་རྒྱས་མཐོང་ན་བསྔགས་པར་འགྱུར། །ཐམས་ཅད་དུ་ཡང་གྲུབ་པར་བྱེད། །དཔལ་ཡོན་བཀྲ་ཤིས་ཕུན་སུམ་ཚོགས། །མཚན་མ་སངས་རྒྱས་སྤྲུལ་པ་ཡིན། །རྒྱལ་
D556.089.0253a03.01དང་དཔལ་དང་གྲགས་པར་བྱེད། །ཕྱིར་རྒོལ་བ་ཡང་ཟློག་པར་བྱེད། །ཕ་རོལ་དགྲ་ཚོགས་རབ་ཏུ་འཇོམས། །གཡུལ་དུ་དགྲ་རྣམས་ཕུང་བར་བྱེད། །རྨི་ངན་ཐམས་ཅད་ཞི་བར་བྱེད། །སྡིག་པ་ཐམས་ཅད་རབ་ཏུ་འཇིག །སྡིག་པ་ཐམས་ཅད་རབ་ཞི་བྱེད། །གཡུལ་འགྱེད་པ་ན་རྒྱལ་
D556.089.0253a04.01བར་བྱེད། །འཛམ་བུའི་གླིང་འདི་ཐམས་ཅད་དུ། །གྲགས་པས་རབ་ཏུ་གང་བར་འགྱུར། །དེ་ཡི་དགྲ་རྣམས་ཐམས་ཅད་ནི། །ཤིན་ཏུ་ཕམ་པ་ཉིད་དུ་འགྱུར། །རྟག་ཏུ་དགྲ་ནི་ཆོམས་པར་འགྱུར། །སྡིག་པ་ཐམས་ཅད་རྣམ་པར་སྤངས། །གཡུལ་ངོའི་གདོང་ལས་རྣམ་པར་རྒྱལ། །
D556.089.0253a05.01དགྲ་དང་བྲལ་ཞིང་མཆོག་ཏུ་དགའ། །ཚངས་དབང་སུམ་ཅུ་རྩ་གསུམ་དབང་། །དེ་བཞིན་འཇིག་རྟེན་སྐྱོང་རྣམས་དང་། །ལག་ན་རྡོ་རྗེ་གནོད་སྦྱིན་དབང་། །རྒྱལ་བ་ཁྱུ་མཆོག་ཡང་དག་ཤེས། །ཀླུ་ཡི་དབང་པོ་མ་དྲོས་དང་། །དེ་བཞིན་དུ་ནི་རྒྱ་མཚོ་དང་། །མི་འམ་ཅི་དབང་ལྷ་
D556.089.0253a06.01མིན་དབང་། །དེ་བཞིན་ནམ་མཁའ་ལྡིང་དབང་པོ། །དེ་དག་ལ་ནི་སོགས་པ་དང་། །ལྷ་རྣམས་དེ་དག་ཐམས་ཅད་ཀྱང་། །ཆོས་ཀྱི་མཆོད་རྟེན་བསམ་ཡས་ལ། །རྟག་ཏུ་མཆོད་པ་བྱེད་པར་འགྱུར། །ཞེ་སར་བཅས་པའི་སེམས་ཅན་རྣམས། །མཐོང་ནས་ཤིན་ཏུ་དགའ་བར་འགྱུར། །
D556.089.0253a07.01