完整藏文原文 · 德格版页 当前仅加载第 89 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
དམ་པ་དང་། རྫུ་འཕྲུལ་དང་། མངོན་པར་ཤེས་པ་དང་། ཤེས་རབ་ཆེ་བ་དང་། ནོར་དང་། དབྱིག་ལ་སོགས་པ་སྦྱིན་པས་ཕན་འདོགས་ཤིང་། མྱུར་དུ་བླ་ན་མེད་པའི་བྱང་ཆུབ་ཐོབ་པར་བྱེད་པ་ལེགས་སོ་ལེགས་སོ། །མདོ་སྡེ་འདི་འཛིན་པའི་ཆོ་ག་
D556.089.0234a01.01བསྟན་པའི་ཕྱིར་ཚིགས་སུ་བཅད་པ་འདི་དག་སྨྲས་སོ། །གཟུངས་འདི་དང་པོར་སུ་འདོན་པས། །དཀོན་མཆོག་གསུམ་ལ་ཕྱག་འཚལ་ཏེ། །འཁྲུལ་པ་མེད་པར་བཟླས་བྱས་ན། །དངོས་གྲུབ་དམ་པ་ཐོབ་པར་འགྱུར། །སངས་རྒྱས་རྣམས་དང་དམ་ཆོས་
D556.089.0234a02.01དང་། །བྱང་ཆུབ་རང་རྒྱལ་ཉན་ཐོས་དང་། །ཚངས་པ་དང་ནི་བརྒྱ་བྱིན་དང་། །རྒྱལ་ཆེན་བཞི་ལ་ཕྱག་འཚལ་ཞིང་། །རྟག་ཏུ་ཚངས་པར་སྤྱོད་པ་ཡང་། །རིམ་གྲོ་གུས་པར་བསམ་བྱས་ཏེ། །ཞི་ལ་དབེན་པའི་གནས་སུ་ནི། །སྒྲ་བསྐྱེད་གཟུངས་དང་བསྟོད་པ་བརྗོད། །
D556.089.0234a03.01ཇི་སྙེད་སངས་རྒྱས་ལྷ་ཀླུ་ལ། །མཆོད་པ་རྒྱ་ཆེར་བཤམ་པར་བྱ། །སྐྱེ་བོའི་རིགས་ནི་མང་པོ་ལ། །སྙིང་རྗེའི་སེམས་ཀྱང་བསྐྱེད་པར་བྱ། །བཅོམ་ལྡན་གསེར་མདོག་མཚན་རབ་ཅན། །རྩེ་གཅིག་སེམས་ཀྱིས་བསམ་བྱ་ཞིང་། །བཅོམ་ལྡན་
D556.089.0234a04.01གསུང་རབ་དམ་ཆོས་ཀྱིས། །དབང་པོ་སོ་སོར་ངེས་མཛད་པའི། །དེ་ཡི་ཚིག་དོན་ལེགས་བསམས་ཏེ། །སྟོང་ཉིད་བསྒྲུབ་ལའང་གནས་པར་བྱོས། །བཅོམ་ལྡན་ཐམས་ཅད་མངོན་སུམ་དུ། །རྩེ་གཅིག་སེམས་ཀྱིས་བསམ་བྱས་ན། །ཏིང་ངེ་འཛིན་དང་ཡེ་ཤེས་དང་། །
D556.089.0234a05.01གཟུངས་མཆོག་དམ་པ་ཐོབ་པར་འགྱུར། །བཅོམ་ལྡན་དཔལ་མགུར་གསུང་ཆོས་ཀྱིས། །དམ་པའི་དབྱངས་དེས་འཁོར་རྣམས་འདུལ། །ལྗགས་ཀྱིས་སྟོང་གསུམ་ཁེབས་མཛད་ཅིང་། །སོ་སོར་ཅི་རིགས་ཡ་མཚན་སྟོན། །དེ་ལྟའི་གསུང་མཆོག་དམ་པ་ལ། །
D556.089.0234a06.01རྟག་པར་བསམ་ཞིང་འཇིགས་པ་སྤོངས། །བསམ་གྱིས་མི་ཁྱབ་ལྗགས་མཚན་འདི། །སྨོན་ལམ་རྒྱ་ཆེན་དབང་གིས་བརྙེས། །ཆོས་རྣམས་མེད་པར་སྟོན་མཛད་པ། །ཇི་ལྟར་མཁའ་ལ་མ་ཆགས་བཞིན། །སངས་རྒྱས་ལྗགས་མཚན་གསུང་སྒྲ་ལ། །དེ་བསམས་
D556.089.0234a07.01