完整藏文原文 · 德格版页 当前仅加载第 89 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བྲམ་ཟེ་ཀཽཎྜི་ནྱ་ལ་ལེགས་སོ་ཞེས་བཀའ་སྩལ་ཏེ། ཁྱོད་ཀྱིས་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར། ལྷ་མོ་དབྱངས་ཅན་ལ་བསྟོད་པ་དང་། དངོས་གྲུབ་དམ་པ་སློང་བས་བསོད་ནམས་ཚད་མེད་པ་དང་ལྡན་པར་འགྱུར་རོ།། །།
D556.089.0236b01.01བམ་པོ་བརྒྱད་པ། དེ་ནས་སློབ་དཔོན་ལུང་སྟོན་པ་བྲམ་ཟེ་ཀཽཎྜི་ནྱས་བསྟོད་པ་དང་། གསང་སྔགས་ཀྱི་ཚིག་གིས། ལྷ་མོ་ཆེན་མོ་དབྱངས་ཅན་ལ་གསོལ་ནས། ཡང་འཁོར་དེ་དག་ལ་སྨྲས་པ། སྐྱེས་བུ་ཁྱེད་ཀྱིས་ལྷ་མོ་དབྱངས་ཅན་སྤྱན་དྲང་བ་དང་། དེའི་ཐུགས་རྗེས་
D556.089.0236b02.01བསྐྱབ་ཅིང་། ཚེ་འདི་ཉིད་ལ་སྤོབས་པ་ཐོགས་པ་མེད་པ་དང་། ཐོས་པ་འཛིན་ཅིང་ཤེས་རབ་ཆེན་པོ་དང་ལྡན་པར་འགྱུར་བ་དང་། གཙུག་ལག་ཐམས་ཅད་ལ་མཁས་ཤིང་། ཚིག་སྦྱོར་བའི་རྒྱན་ལ་གསལ་ཞིང་ཐོགས་པ་མེད་པ་གྲུབ་པར་འདོད་པས། བསམ་པ་དེ་
D556.089.0236b03.01དེས་ཤིང་གུས་པའི་སེམས་ཀྱིས་ལྷ་མོ་དབྱངས་ཅན་སྤྱན་དྲང་བའི་ཚིག་འདི་བརྗོད་པར་བྱའོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །བྱང་ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས་ལ་སོགས་
D556.089.0236b04.01པ། འདས་པ་དང་། མ་འོངས་པ་དང་། ད་ལྟར་བཞུགས་པའི་འཕགས་པ་ཐམས་ཅད་ལ་ཕྱག་འཚལ་ལོ། །ཕྱོགས་བཅུའི་སངས་རྒྱས་བཅོམ་ལྡན་འདས་ཡང་དག་པར་བདེན་པའི་གསུང་ལ་གནས་པ། སོ་སོའི་དབང་པོ་དང་མཐུན་པ། བདེན་པ་སྟོན་པ་ལ་མི་སླུ་བར་
D556.089.0236b05.01གསུང་བ། བསྐལ་པ་བྱེ་བ་ཚད་མེད་པར་ཡང་དག་པར་བདེན་པའི་ཚིག་རྟག་ཏུ་སྟོན་ཅིང་། གསུང་བ་དེ་དག་ལ་རྗེས་སུ་ཡི་རང་ངོ་། །བདེན་པ་གསུང་བས་ལྗགས་ཡངས་ལ་རིང་བ་བཀྲམ་སྟེ། ཞལ་དང་འཛམ་བུའི་གླིང་དང་། རྒྱལ་ཆེན་བཞི་དང་། སྟོང་གཅིག་དང་།
D556.089.0236b06.01སྟོང་གཉིས་དང་། སྟོང་གསུམ་གྱི་འཇིག་རྟེན་གྱི་ཁམས་འདི་དང་། ཕྱོགས་བཅུའི་འཇིག་རྟེན་གྱི་ཁམས་ཚད་མེད་པ་ཐམས་ཅད་རྒྱས་པར་འགེངས་ཤིང་། ཉོན་མོངས་པའི་གདུང་བ་ཐམས་ཅད་སེལ་བའི་སངས་རྒྱས་བཅོམ་ལྡན་འདས་ཐམས་ཅད་ལ་ལུས་བཏུད་དེ་ཕྱག་འཚལ་
D556.089.0236b07.01