德格《甘珠尔》D8

ཆུབ་སེམས་དཔའི་ཐེག་པ་པའི་རིགས་ཀྱི་བུ་འམ་རིགས་ཀྱི་བུ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བྲིས་ཤིང་གླེགས་བམ་དུ་བྱས་ཏེ། འཆང་བ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མོས་པ་མང་བར་འགྱུར་

ཏེ། དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མེ་ཏོག་དང་། ཕྲེང་བ་དང་། སྤོས་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་མང་པོས་རིམ་གྲོར་བྱེད་བཀུར་སྟིར་བྱེད། ཕུ་དུད་དུ་བྱེད། མཆོད་

པར་བྱེད་དོ། །དེ་ལྟར་རིགས་ཀྱི་བུ་དང་རིགས་ཀྱི་བུ་མོ་གང་གིས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བྲིས་ཤིང་འཆང་བ་དེ་དག་ཀྱང་དོན་ཆེ་བ་དང་། ལེགས་པ་ཆེ་བ་དང་། འབྲས་བུ་ཆེ་བ་དང་། རྣམ་པར་སྨྱིན་པ་ཆེ་བར་འགྱུར་ཏེ། ཤ་ར་དྭ་ཏིའི་བུ་

རིགས་ཀྱི་བུ་དང་རིགས་ཀྱི་བུ་མོ་དེ་དག་ནི་ཕྱིར་{མྱི་,མི་}ལྡོག་པའི་ས་ཡོངས་སུ་ནོན་གྱི་བར་དུ་དགེ་བའི་རྩ་བ་དེས་ནམ་ཡང་ངན་སོང་དུ་སྐྱེ་བར་{མྱི་,མི་}འགྱུར་རོ། །ནམ་ཡང་སངས་རྒྱས་བཅོམ་ལྡན་འདས་རྣམས་དང་བྲལ་བར་{མྱི་,མི་}འགྱུར་རོ། །ཤ་ར་དྭ་ཏིའི་བུ་རིགས་

ཀྱི་བུ་དང་། རིགས་ཀྱི་བུ་མོ་དེ་དག་བླ་ན་{མྱེད་,མེད་}པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱི་བར་དུ་དགེ་བའི་རྩ་བ་དེ་ཉིད་ཀྱིས་སྦྱིན་པའི་ཕ་རོལ་ཏུ་ཕྱིན་པ་དང་ནམ་ཡང་བྲལ་བར་{མྱི་,མི་}འགྱུར་རོ། །ཚུལ་ཁྲིམས་ཀྱི་ཕ་རོལ་ཏུ་

ཕྱིན་པ་དང་ནམ་ཡང་བྲལ་བར་{མྱི་,མི་}འགྱུར་རོ། །བཟོད་པའི་ཕ་རོལ་ཏུ་ཕྱིན་པ་དང་ནམ་ཡང་བྲལ་བར་{མྱི་,མི་}འགྱུར་རོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་ནམ་ཡང་བྲལ་བར་{མྱི་,མི་}འགྱུར་རོ། །བསམ་གཏན་གྱི་ཕ་རོལ་ཏུ་ཕྱིན་པ་དང་ནམ་ཡང་བྲལ་བར་{མྱི་,མི་}

འགྱུར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་ནམ་ཡང་བྲལ་བར་{མྱི་,མི་}འགྱུར་རོ། །ནང་སྟོང་པ་ཉིད་དང་ནམ་ཡང་བྲལ་བར་{མྱི་,མི་}འགྱུར་རོ། །ཕྱི་སྟོང་པ་ཉིད་དང་ནམ་ཡང་བྲལ་བར་{མྱི་,མི་}འགྱུར་རོ། །ཕྱི་ནང་སྟོང་པ་ཉིད་དང་ནམ་ཡང་བྲལ་བར་{མྱི་,མི་}འགྱུར་རོ། །