完整藏文原文 · 德格版页 当前仅加载第 22 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་སེམས་དཔའ་ཆེན་པོས་བདུད་ཀྱི་ལས་སུ་རིག་པར་བྱའོ། །རབ་འབྱོར་འདི་ལྟ་སྟེ་དཔེར་ན། སྐྱེས་བུ་ལ་ལ་ཞིག་འཁོར་ལོས་སྒྱུར་བའི་རྒྱལ་པོ་མཐོང་བར་འདོད་ལ། དེས་ཁམས་ཀྱི་རྒྱལ་ཕྲན་མཐོང་ནས། འདི་སྙམ་དུ་འཁོར་ལོས་སྒྱུར་
D8.022.0069b01.01བའི་རྒྱལ་པོ་དེ་ཁ་དོག་དང་། དབྱིབས་ཀྱིས་ཇི་འདྲ་བ་ཞིག་ཡོད་ཅེས་དེས་ཁམས་ཀྱི་རྒྱལ་ཕྲན་མཐོང་བའི་ཁ་དོག་དང་དབྱིབས་ཀྱི་མཚན་མ་བཟུང་བར་བསམས་ཏེ། འདི་སྐད་དུ་འཁོར་ལོས་སྒྱུར་བའི་རྒྱལ་པོ་དེའི་ཁ་དོག་དང་། དབྱིབས་དང་
D8.022.0069b02.01ཚུལ་དང་མཚན་མ་ཡང་སའི་བདག་པོ་འདི་འདྲ་བ་ཞིག་ཡོད་གྲང་ཞེས་ཟེར་ན། རབ་འབྱོར་དེ་ཇི་སྙམ་དུ་སེམས། སྐྱེས་བུ་དེ་མཁས་པའི་ངང་ཚུལ་ཅན་ཡིན་ནམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བདེ་བར་གཤེགས་པ་དེ་ནི་
D8.022.0069b03.01མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་མ་འོངས་པའི་དུས་ན། བྱང་ཆུབ་སེམས་དཔའི་ཐེག་པ་པའི་རིགས་བུ་དང་རིགས་ཀྱི་བུ་མོ་གང་ལ་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ཤིང་རྙེད་
D8.022.0069b04.01ཀྱང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བོར་ཞིང་སྤངས་ཏེ། ཉན་ཐོས་དང་། རང་སངས་རྒྱས་དང་ལྡན་པའི་མདོ་སྡེ་དག་ལས། རྣམ་པ་ཐམས་ཅད་མཁྱེན་པ་ཉིད་ཡོངས་སུ་བཅོལ་བར་སེམས་པ་འབྱུང་ན། རབ་འབྱོར་དེ་ལ་ཇི་སྙམ་དུ་སེམས།
D8.022.0069b05.01བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་དང་རིགས་ཀྱི་བུ་མོ་དེ་དག་མཁས་པའི་ངང་ཚུལ་ཅན་ཡིན་ནམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ཡང་བྱང་ཆུབ་སེམས་
D8.022.0069b06.01དཔའ་སེམས་དཔའ་ཆེན་པོས་བདུད་ཀྱི་ལས་སུ་རིག་པར་བྱའོ། །རབ་འབྱོར་འདི་ལྟ་སྟེ་དཔེར་ན། སྐྱེས་བུ་ཤིན་ཏུ་བཀྲེས་པ་ལ་ལ་ཞིག་གིས་རོ་བརྒྱ་དང་ལྡན་པའི་ཁ་ཟས་རྙེད་ཀྱང་དྲུག་ཅུ་པའི་ཁ་ཟས་བཙལ་བར་སེམས་ཤིང་། དེས་ཁ་
D8.022.0069b07.01