完整藏文原文 · 德格版页 当前仅加载第 45 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
དམིགས་པ་ཉིད་དོ། །ཡུལ་ལ་མི་སྟོན་པའོ། །ཕྱིན་ཅི་ལོག་སྤོང་བའོ། །སེམས་བརྟན་པོར་བསྒྲུབ་པའོ། །འཕགས་པའི་གནས་པའོ། །སེམས་ལ་བརྐམ་ཆགས་མེད་པ་ཉིད་དོ། །སྦྱིན་གནས་ཀྱི་ས་ཐོབ་པ་ཉིད་དོ། །མངོན་པར་འདུ་བྱེད་པ་ཤིན་ཏུ་སྦྱངས་པའོ། །
D94.045.0005b01.01སྦྱིན་པས་རྣམ་པར་སྨིན་པ་མི་ལེན་པའོ། །ཚུལ་ཁྲིམས་ཀྱིས་མི་སྙེམས་པ་ཉིད་དོ། །བཟོད་པས་རྟོག་པ་མེད་པའོ། །བརྩོན་འགྲུས་ཆུད་ཟ་བ་མེད་པའོ། །བསམ་གཏན་གྱིས་སྐྱེ་བ་མེད་པའོ། །ཤེས་རབ་ཀྱིས་ཆུད་ཟ་བ་མེད་པའོ། །ས་ལ་འཇུག་པའི་ཕ་རོལ་ཏུ་ཕྱིན་པ་
D94.045.0005b02.01མཉམ་པ་ཉིད་དོ། །རང་གི་ཡོན་ཏན་གྱིས་སྙེམས་པ་མེད་པ་ཉིད་དོ། །གཞན་གྱི་ཡོན་ཏན་ལ་སུན་མི་འབྱིན་པའོ། །འཁོར་བ་ལ་མི་གནས་པའོ། །མྱ་ངན་ལས་འདས་པ་ལ་མི་དམིགས་པ་ཉིད་དོ། །ཐར་པ་ལ་དབང་དུ་གྱུར་པའོ། །མྱ་ངན་ལས་འདས་པ་ལ་མ་ཆགས་
D94.045.0005b03.01པའོ། །དེས་པ་ལ་གནས་པའོ། །བཞིན་འཛུམ་པའོ། །ཁྲོ་གཉེར་དང་བྲལ་བ་ཉིད་དོ། །གསོང་པོར་སྨྲ་བ་ཉིད་དོ། །འོས་པའི་ཤེས་རབ་དང་ལྡན་པས་གསར་བུ་དང་། བར་མ་དང་། རྒན་རབས་ལ་བཀུར་སྟི་བྱེད་པའོ། །རྣམ་པར་འཚེ་བ་མེད་པ་ཉིད་དོ། །
D94.045.0005b04.01རྩོད་པ་ཞི་བར་བྱེད་པའོ། །ཞི་བ་ལ་བསྔགས་པ་རྗོད་པའོ། །ཚོགས་པ་ལ་མངོན་པར་བརྩོན་པའོ། །མཛའ་བ་དང་མི་མཛའ་བ་ལ་སེམས་མཉམ་པ་ཉིད་དོ། །གཟུངས་འཚོལ་བའོ། །སེམས་ཅན་རྣམས་ལ་ནི་མ་ལ་སྲི་ཞུ་ཆེ་བ་ལྟ་བུའོ། །མཛངས་པ་ལ་ནི་ཕ་ལ་སྲི་
D94.045.0005b05.01ཞུ་ཆེ་བ་ལྟ་བུའོ། །བླ་མ་རྣམས་ལ་ནི་མཁན་པོ་ལ་སྲི་ཞུ་ཆེ་བ་ལྟ་བུའོ། །བྱང་ཆུབ་སེམས་དཔའ་རྣམས་ལ་ནི་སངས་རྒྱས་ལ་གུས་པ་ལྟ་བུའོ། །བསྒྲུབ་པ་རྫོགས་པར་བྱེད་པ་ཉིད་དོ། །དེ་བཞིན་གཤེགས་པ་ལ་བཀུར་སྟི་བྱེད་པའོ། །དགེ་བ་ལ་མོས་པ་ཉིད་དོ། །དཀོན་
D94.045.0005b06.01མཆོག་གསུམ་ལ་ཞུམ་པ་མེད་པས་བཀུར་སྟི་བྱེད་པའོ། །ཐ་སྙད་ལ་མི་གནས་པར་དང་དུ་ལེན་པ་ཉིད་དོ། །ལུས་ལ་མི་ལྟ་བ་ཉིད་དོ། །སྲོག་ལ་ལྷག་པར་ཆགས་པ་མེད་པ་ཉིད་དོ། །འཚོ་བ་དག་པར་བྱེད་པའོ། །བསོད་སྙོམས་ལ་རྒྱུ་བ་དག་བརྩོན་པ་མི་སྤོང་བའོ། །ཚོགས་པའི་
D94.045.0005b07.01