完整藏文原文 · 德格版页 当前仅加载第 45 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་པ་ལན་གྲངས་དགུ་བཅུ་ཀུན་ལ་ཡང་། །འཇིག་རྟེན་ཆོས་དང་མཚུངས་མེད་བསམ་གཏན་པ། །བྱེ་བ་ཕྲག་ནི་དགུ་བཅུ་ལྔ་ལྔ་ཡོད། །མི་ཚེ་ལོ་གྲངས་ཉི་ཁྲི་བཞི་སྟོང་ཡིན། །ཡོངས་སུ་མྱ་ངན་འདས་ནས་དམ་ཆོས་དག །ལོ་གྲངས་སུམ་ཁྲིའི་བར་དུ་གནས་པར་འགྱུར། །
D94.045.0246b01.01འགྲོ་ལ་ཕན་ཕྱིར་རྒྱལ་བའི་སྐུ་གདུང་དག །ཞིང་རྣམས་དག་ཏུ་རྒྱས་ཤིང་གང་བར་འགྱུར། །དེ་བཞིན་གཤེགས་པ་ཡོན་ཏན་ཚོགས་དག་གི། །སྐྱེ་བའི་ཡུལ་ནི་གྲགས་པ་མཆོག་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་སུམ་ཅུ་ཡབ་ནི་ཡོན་ཏན་འོད། །
D94.045.0246b02.01ཡོན་ཏན་གཟི་བརྗིད་འཛིན་པ་རྒྱལ་བའི་ཡུམ། །སྲས་པོ་མཆོད་རྟེན་ལེགས་སྤྱད་རིམ་གྲོ་པ། །སྐད་སྙན་པ་ཞེས་བྱ་བ་མཁས་པ་སྟེ། །འཇིགས་པ་མེད་པའི་ཟླ་བ་རྫུ་འཕྲུལ་ཅན། །འདུས་པ་ལན་གྲངས་བདུན་ཅུ་ཀུན་ལ་ཡང་། །ཆོས་ཀྱི་མཆོག་མ་ཐོབ་པ་དགྲ་བཅོམ་པ། །བྱེ་བ་ཕྲག་
D94.045.0246b03.01ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་དྲུག་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་རྒྱལ་མཚན་མཆོག་གིས་སྤྲས། །མི་ཡི་འདྲེན་
D94.045.0246b04.01པ་ཏོག་དང་ལྡན་པ་ཡི། །སྐྱེ་ཡུལ་ཏོག་ནི་སྣང་བར་བྱེད་ཅེས་བྱ། །རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །དཔག་ཚད་དགུ་ཡོད་ཡབ་ནི་བློ་གྲོས་ཅན། །ཡོན་ཏན་མིག་ནི་རྒྱལ་ཡུམ་སྲས་པོ་ནི། །སྐལ་ལྡན་ཤིང་རྟ་འབྱོར་པ་རིམ་གྲོ་པ། །ཡེ་ཤེས་འོད་ཅེས་བྱ་བ་མཁས་པ་སྟེ། །
D94.045.0246b05.01རིན་ཆེན་འོད་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་ཀུན་ལ་ཡང་། །ཡོན་ཏན་མཆོག་གི་ཕ་རོལ་ཕྱིན་པ་པོ། །བྱེ་བ་ཕྲག་ནི་བཅུ་གཉིས་བཅུ་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །གྲགས་པ་མཐའ་ཡས་མྱ་ངན་འདས་ནས་ཀྱང་། །དམ་ཆོས་
D94.045.0246b06.01ལོ་གྲངས་སྟོང་དུ་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །གསེར་གྱི་རྒྱལ་མཚན་མཆོག་བརྒྱས་རྣམ་པར་བརྒྱན། །དེ་བཞིན་གཤེགས་པ་བསོད་ནམས་རྒྱལ་མཚན་གྱི། །སྐྱེ་ཡུལ་ཡེ་ཤེས་རྣམ་པར་སྤྲུལ་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་
D94.045.0246b07.01