完整藏文原文 · 德格版页 当前仅加载第 45 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་ཏུ་ཕྱིན་པ་དྲུག་གང་ཞེ་ན། ཆོས་ཐམས་ཅད་ལ་དབུལ་བ་མ་ཡིན་པ་འཐོབ་པའི་ཕྱིར་སྦྱིན་པ་ཡོངས་སུ་བསྔོས་པ་གང་ཡིན་པ་དེ་ནི་ཐམས་ཅད་པའི་སྦྱིན་པའི་ཕ་རོལ་ཏུ་ཕྱིན་པའོ། །སེམས་ཅན་ཐམས་ཅད་ལ་བདེ་བར་ཡོངས་སུ་བསྔོས་པ་ནི་སྙིང་རྗེ་ཆེན་པོས་ཡོངས་སུ་བསྔོས་ལ།
D94.045.0034b01.01ཡེ་ཤེས་ཡོངས་སུ་རྫོགས་པའི་རྒྱུ་འཐུན་པ་འགྱོད་པ་མེད་པའི་རྩ་བ་རྣམ་པར་སྨིན་པ་གྲུབ་པ་གང་ཡིན་པ་དེ་ནི་ཐམས་ཅད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཕྱིར་མི་ལྡོག་པའི་ཆོས་བསྒྲུབ་ཅིང་ཡི་དམ་བརྟན་པོར་འཛིན་པ་གང་ཡིན་པ་དེ་ནི་ཐམས་ཅད་པའི་བཟོད་པའི་ཕ་རོལ་ཏུ་
D94.045.0034b02.01ཕྱིན་པའོ། །དད་པ་སྔོན་དུ་འགྲོ་བའི་ཤེས་རབ་ཀྱིས་ཡོངས་སུ་ཟིན་པའི་རྩོལ་བ་གང་ཡིན་པ་དེ་ནི་ཐམས་ཅད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དཔྱོད་པ་ཡང་དག་པ་ལས་བྱུང་བའི་བསམ་གཏན་གྱི་ཕ་རོལ་ཏུ་ཕྱིན་པ་སྦྱོར་བ་དཔག་ཏུ་མེད་པ་དམིགས་པ་ཐོགས་པ་མེད་
D94.045.0034b03.01པ་མི་དམིགས་པ་དང་ལྡན་པ་གང་ཡིན་པ་དེ་ནི་ཐམས་ཅད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་རིགས་ཀྱི་ཆོས་ལ་གནས་ཤིང་དད་པ་དང་། བརྩོན་འགྲུས་དང་། དྲན་པ་དང་། ཏིང་ངེ་འཛིན་གྱིས་བརྟན་པ་འགྱོད་པས་ཞུམ་པ་མེད་པར་
D94.045.0034b04.01སྦྱོར་ཞིང་ཐབས་མཁས་པས་ཡོངས་སུ་ཟིན་པ་འཇིག་རྟེན་པ་དང་། སློབ་པ་དང་། མི་སློབ་པ་དང་། རང་སངས་རྒྱས་ཀྱི་ཤེས་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཆོས་ཐམས་ཅད་མཁྱེན་པ་ལས་བྱུང་བ་གང་ཡིན་པ་དེ་ནི་ཐམས་ཅད་པའི་ཤེས་རབ་ཀྱི་ཕ་རོལ་
D94.045.0034b05.01ཏུ་ཕྱིན་པ་སྟེ། འདི་དག་ནི་ཐམས་ཅད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཕྱོགས་གཅིག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། བྱང་ཆུབ་སེམས་དཔའ་རང་གིས་སེམས་ཀྱིས་སྦྱིན་པ་གང་ཡིན་པ་དེ་ནི་ཕྱོགས་གཅིག་པའི་སྦྱིན་པའི་ཕ་རོལ་ཏུ་ཕྱིན་པའོ། །ཆོས་ལ་ཁ་ཅིག་ཏུ་ནི་
D94.045.0034b06.01ཚུལ་ཁྲིམས་ཀྱི་འདུ་ཤེས། ཁ་ཅིག་ཏུ་ནི་འཆལ་བའི་ཚུལ་ཁྲིམས་ཀྱི་འདུ་ཤེས་གང་ཡིན་པ་དེ་ནི་ཕྱོགས་གཅིག་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །དམིགས་པ་ལ་གནས་པའི་བཟོད་པ་གང་ཡིན་པ་དེ་ནི་ཕྱོགས་གཅིག་པའི་བཟོད་པའི་ཕ་རོལ་ཏུ་ཕྱིན་པའོ། །རྣམ་པར་དབྱེ་
D94.045.0034b07.01