完整藏文原文 · 德格版页 当前仅加载第 45 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་ལ་ཞུས་ཤིག་དང་ངས་ཞུ་བ་ཞུས་པ་དེ་དང་དེ་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D94.045.0020a01.01བཅོམ་ལྡན་འདས་འདི་ན་བདག་གཅིག་པུ་དབེན་པར་ཞུགས་ཏེ། ནང་དུ་ཡང་དག་འཇོག་ལ་ཞུགས་པ་ན་འདི་སྙམ་དུ་གང་དག་བྱང་ཆུབ་སེམས་དཔའ་འདི་དག་བྱང་ཆུབ་ཀྱི་དོན་དུ་ཡང་དག་པར་འགྲུབ་པར་འགྱུར་བ་དང་། དེ་དག་བྱང་ཆུབ་ཀྱི་དོན་དུ་ཕ་རོལ་ཏུ་ཕྱིན་པ་དག་
D94.045.0020a02.01གིས་དགེ་བའི་རྩ་བ་སོགས་པར་འགྱུར་རོ་སྙམ་བགྱིད་ན། བཅོམ་ལྡན་འདས་དེ་ལ་ཕ་རོལ་ཏུ་ཕྱིན་པ་སེམས་ཅན་རྣམས་ལ་ཕན་འདོགས་པ་ཞིག་གམ། ཕ་རོལ་ཏུ་ཕྱིན་པ་བྱང་ཆུབ་ལ་ཕན་འདོགས་པ་ཞིག་གམ། ཕ་རོལ་ཏུ་ཕྱིན་པ་ཟག་པ་དང་བཅས་པ་ཞིག་གམ།
D94.045.0020a03.01ཕ་རོལ་ཏུ་ཕྱིན་པ་ཟག་པ་མེད་པ་ཞིག་གམ་ཞེས་དེ་ལྟར་བརྟགས་ཏེ་ཅི་ནས་ཀྱང་ཕ་རོལ་ཏུ་ཕྱིན་པ་གང་ལ་བྱང་ཆུབ་སེམས་དཔའ་ཡང་དག་པར་འཕེལ་བ་དང་། བྱང་ཆུབ་སེམས་དཔའ་རྣམས་ཀྱི་ཆོས་ཀྱི་ཚུལ་ཐོག་མ་དང་། བར་མ་དང་། ཐ་མའི་བར་དུ་ལེགས་པར་གཟུང་བ་
D94.045.0020a04.01བསྐྱེད་པ་དང་། ཐབས་ལ་མཁས་པའི་སྤྱོད་པ་དེ་དག་མཆོག་ཏུ་དགའ་བ་ཆེས་མང་པོ་རབ་ཏུ་ཐོབ་པར་བགྱི་བའི་སླད་དུ། བཅོམ་ལྡན་འདས་ཀྱིས་རྒྱ་ཆེར་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མཆོག་ཏུ་དགའ་བའི་རྒྱལ་པོ་ལེགས་སོ་ལེགས་
D94.045.0020a05.01སོ། །མཆོག་ཏུ་དགའ་བའི་རྒྱལ་པོ་ཁྱོད་གང་གི་ཕྱིར་དེ་བཞིན་གཤེགས་པ་ལ་དོན་འདི་ཉིད་དྲི་བར་སེམས་པ་ཁྱོད་ལེགས་སོ། །དེ་ལྟ་མོད་ཀྱི་ཁྱོད་ཀྱིས་འདས་པའི་སངས་རྒྱས་བྱེ་བ་ཕྲག་དགུ་བཅུ་དག་ལས་ཀྱང་ཞུ་བ་འདི་ཉིད་ཞུས་སོ། །མཆོག་ཏུ་དགའ་བའི་རྒྱལ་པོ་
D94.045.0020a06.01དེའི་ཕྱིར་ཤིན་ཏུ་ལེགས་པར་ཉོན་ལ་ཚུལ་བཞིན་དུ་ཡིད་ལ་ཟུང་ཤིག་དང་ངས་བཤད་དོ། །བཅོམ་ལྡན་འདས་དེ་ལྟར་འཚལ་ལོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །མཆོག་ཏུ་
D94.045.0020a07.01