完整藏文原文 · 德格版页 当前仅加载第 45 函德格 335a 版页；藏文 NFD、目录标记与异常页序保留在来源切片中，重复版页行以稳定序号区分。
གསལ་ནི་དཀའ་ཐུབ་ཅན། །བྱེད་ཚེ་བདེ་གཤེགས་ཡིད་གཉིས་སྤོང་བ་པོ། །དེ་ལ་གདུགས་དག་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་གཤེགས་པ་ནོར་{བཟངས་,བཟང་}སྤོས་འཚོང་ཚེ། །དེ་བཞིན་གཤེགས་པ་དགྲ་བཅོམ་ལྡན་དེ་ལ། །
D94.045.0335a01.01ཀཱར་ཥཱ་པ་ནི་གཅིག་རིའི་འབྲུ་མར་དང་། །སྤོས་ཕུལ་དང་པོར་བྱང་ཆུབ་སེམས་བསྐྱེད་དོ། །དེ་བཞིན་གཤེགས་པ་སྒྲོན་མ་གཽ་ཏམ་ཚེ། །དབྱར་གནས་པ་དག་དབུལ་བ་བྱས་ནས་ཀྱང་། །དེ་བཞིན་གཤེགས་པ་སྤོས་ཀྱི་དཔལ་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །དེ་བཞིན་
D94.045.0335a02.01གཤེགས་པ་རིན་ཆེན་ང་རོ་དབྱངས། །ཚོང་འདུས་པ་ཚེ་བདེ་གཤེགས་དགྲ་བཅོམ་གནས། །དེ་ལ་ཞུན་མར་བྲེ་གང་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྐྱེ་དབང་རྒྱལ་པོ་ཚོང་དཔོན་ཚེ། །དེ་བཞིན་གཤེགས་པ་ཡོན་ཏན་གནས་དེ་ལ། །ཀུན་
D94.045.0335a03.01དགའ་ར་བ་དག་ནི་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སྒྲ་གཅན་སྦེད་པ་ཤིང་སྲུངས་ཚེ། །དེ་བཞིན་གཤེགས་པ་བརྩོན་འགྲུས་ཆེར་དགོངས་ལ། །སྒེའུ་གཤེར་དག་གི་དུམ་བུ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །
D94.045.0335a04.01དེ་བཞིན་གཤེགས་པ་དགེ་མཛད་ཆུ་ཆུན་ཚེ། །དེ་བཞིན་གཤེགས་པ་འོད་ནི་འབར་བ་ལ། །ཆུ་གྲང་དག་ནི་དབུལ་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་སེང་གེའི་བློ་གྲོས་ཁྱིམ་བདག་ཚེ། །དེ་བཞིན་གཤེགས་པ་མཐུ་རྩལ་སྡུད་པ་ལ། །
D94.045.0335a05.01མེ་ཏོག་བལྟ་ན་སྡུག་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་རིན་ཆེན་གྲགས་པ་ཤིང་སྲུངས་ཚེ། །དེ་བཞིན་གཤེགས་པ་དགོངས་པ་ཟབ་བསྒོམས་ལ། །སྒྲ་དབྱངས་དག་གི་མཆོད་པ་ཕུལ་ནས་ཀྱང་། །དང་པོར་བྱང་ཆུབ་ཏུ་ནི་སེམས་
D94.045.0335a06.01བསྐྱེད་དོ། །དེ་བཞིན་གཤེགས་པ་དོན་མཛད་ཕྱུག་པོའི་ཚེ། །དེ་བཞིན་གཤེགས་པ་སྤོས་སྲེག་དེ་ལ་ནི། །རྔ་བོ་ཆེ་དག་བརྡུང་བ་བྱས་ནས་ཀྱང་། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །བདེ་གཤེགས་མཛད་མཐའ་གཟིགས་པ་ཁྱིམ་བདག་ཚེ། །གཙུག་ལག་ཁང་
D94.045.0335a07.01