完整藏文原文 · 德格版页 当前仅加载第 45 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
རིན་ཆེན་རང་བཞིན་ལན་ཀན་དག་གིས་བརྒྱན། །དེ་བཞིན་གཤེགས་པ་གླང་ཆེན་སེང་གེ་ཡི། །སྐྱེ་བའི་ཡུལ་ནི་མདངས་སྡུག་པ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་དགུ་ཡོད་མཆོད་སྦྱིན་བཟང་པོ་ཡབ། །འགྲོ་དགའ་རྒྱལ་བའི་ཡུམ་ཡིན་
D94.045.0169b01.01སྲས་པོ་ནི། །མེ་ཏོག་མེ་ཏོག་བཟང་པོ་རིམ་གྲོ་པ། །མཆོད་པར་འོས་ཞེས་བྱ་བ་མཁས་པ་སྟེ། །ལྷ་ཡིས་ཕྱག་བྱས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །ཤིན་ཏུ་ངེས་པའི་ཤེས་རབ་ལྡན་པ་པོ། །དགྲ་བཅོམ་སེམས་སྦྱངས་བྱེ་བ་སྟོང་སྟོང་ཡོད། །
D94.045.0169b02.01མི་ཚེ་ལོ་གྲངས་བདུན་ཁྲི་ཉིས་སྟོང་ཡིན། །དམ་པའི་ཆོས་ནི་ལོ་གྲངས་བྱེ་བ་ཕྲག །ལྔ་དག་ཚང་བའི་བར་དུ་གནས་པར་འགྱུར། །རྒྱལ་བའི་སྐུ་གདུང་རྒྱས་འགྱུར་མཆོད་རྟེན་གྲངས། །ཐེར་འབུམ་ཕྲག་གཅིག་ཆིག་འབུམ་ལྔ་སྟོང་ཡོད། །དེ་བཞིན་གཤེགས་པ་ཟླ་བ་སྐྱེ་བ་
D94.045.0169b03.01ཡི། །ཡུལ་ནི་སྙིང་པོ་རྟག་ཏུ་བརྟན་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གཅིག་ཡོད་སཱ་ལའི་དབང་པོ་ཡབ། །ཡོན་ཏན་སྨྲ་ཞེས་བྱ་བ་རྒྱལ་བའི་ཡུམ། །སྲས་པོ་ཆོས་སྦྱིན་ཆོས་{བཟངས་,བཟང་}རིམ་གྲོ་པ། །རབ་ཏུ་ཞི་དགའ་ཞེས་བྱ་མཁས་པ་སྟེ། །
D94.045.0169b04.01འཇིག་རྟེན་མི་གནས་པ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་དེ་ཀུན་ལ་ཡང་། །ཤེས་རབ་ལེགས་བསྒོམས་ཕ་རོལ་ཕྱིན་པ་པོ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །འགྲོ་ལ་ཕན་ཕྱིར་དམ་པའི་ཆོས་དག་ཀྱང་། །
D94.045.0169b05.01ལོ་གྲངས་བདུན་ཁྲི་བཞི་སྟོང་བར་དུ་གནས། །འཇིག་རྟེན་མཁྱེན་པ་མྱ་ངན་འདས་ནས་ཀྱང་། །མཆོད་རྟེན་གྲངས་ནི་ཐེར་འབུམ་ཕྲག་གཉིས་འབྱུང་། །དེ་བཞིན་གཤེགས་པ་རིན་ཆེན་འོད་ཟེར་གྱི། །སྐྱེ་བའི་ཡུལ་ནི་ཤེས་རབ་སྣང་ཞེས་བྱ། །རིགས་ནི་རྒྱལ་རིགས་ཡིན་ཏེ་
D94.045.0169b06.01འོད་དཔག་ཚད། །བདུན་ཅུ་གསུམ་ཡོད་ཡབ་ནི་ཆུ་དབང་པོ། །དགེ་ལྡན་མ་ཞེས་བྱ་བ་རྒྱལ་བའི་ཡུམ། །སྲས་པོ་རིག་དགའ་ལྷ་ནི་རིམ་གྲོ་པ། །བློ་གྲོས་མིག་ལྡན་པ་ནི་མཁས་པ་སྟེ། །ཡིད་སྦྱངས་པ་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་རྩ་དྲུག་སྟེ། །
D94.045.0169b07.01