完整藏文原文 · 德格版页 当前仅加载第 45 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
རིམ་གྲོ་པ་ནི་ཆོས་ཀྱི་བཀོད་པ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་བཀོད་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་མཐུ་རྩལ་མཐོང་ཞེས་བྱའོ། །འདུས་པ་ནི་ལན་ལྔ་སྟེ། ཐམས་ཅད་ལ་ཡང་བརྒྱད་ཁྲི་བརྒྱད་ཁྲིའོ། །སྐུ་ཚེའི་ཚད་ནི་ལོ་འབུམ་མོ། །
D94.045.0155b01.01དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་དབང་ཆེན་སྐྱེ་བའི་ཡུལ་ནི་མདངས་འགྲོ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་བརྒྱའོ། །ཡབ་ནི་
D94.045.0155b02.01སྨན་པ་ཞེས་བྱའོ། །ཡུམ་ནི་རྩི་སྨན་ཞེས་བྱའོ། །སྲས་ནི་འདོད་འཕགས་ཞེས་བྱའོ། །རིམ་གྲོ་པ་ནི་སྐར་མ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ང་རོ་ཆེན་པོ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ང་རོ་ཐོབ་ཅེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་
D94.045.0155b03.01ཅད་ལ་ཡང་འབུམ་འབུམ་མོ། །སྐུ་ཚེའི་ཚད་ནི་ལོ་དྲུག་སྟོང་ངོ་། །དམ་པའི་ཆོས་ནི་ལོ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཡོན་ཏན་འབྱུང་གནས་སྐྱེ་བའི་ཡུལ་ནི་ཡོན་ཏན་དང་ལྡན་པ་ཞེས་བྱའོ། །རིགས་ནི་རྒྱལ་
D94.045.0155b04.01རིགས་སོ། །འོད་ནི་དཔག་ཚད་བརྒྱའོ། །ཡབ་ནི་གྲགས་པ་མངོན་པར་འཕགས་ཞེས་བྱའོ། །ཡུམ་ནི་གཟི་བརྗིད་མཆོག་ཅེས་བྱའོ། །སྲས་ནི་གཟི་བརྗིད་བཟང་པོ་ཞེས་བྱའོ། །རིམ་གྲོ་པ་ནི་ལྷ་དགའ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཀུན་ཏུ་ཤེས་
D94.045.0155b05.01ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཚུགས་པ་མེད་པའི་འཁོར་ལོ་ཞེས་བྱའོ། །འདུས་པ་ནི་ལན་དགུ་སྟེ། ཐམས་ཅད་ལ་ཡང་དུང་ཕྱུར་ཕྲག་གཅིག་དང་བྱེ་བ་ཕྲག་གསུམ་གསུམ་མོ། །སྐུ་ཚེའི་ཚད་ནི་ལོ་ཁྲི་བདུན་སྟོང་ངོ་། །དམ་པའི་ཆོས་ཀྱང་ལོ་ཁྲི་བདུན་སྟོང་
D94.045.0155b06.01གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལྷུན་པོ་གྲགས་སྐྱེ་བའི་ཡུལ་ནི་ཚུལ་ཁྲིམས་དང་ལྡན་པ་ཞེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་སྟོང་ངོ་། །ཡབ་ནི་དྲི་མེད་དགའ་
D94.045.0155b07.01