完整藏文原文 · 德格版页 当前仅加载第 45 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་བ་ན་གནས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གནོད་སེམས་མེད་པར་ཕ་རོལ་ལ་སྙིང་བརྩེ་བའི་སྤྱོད་པས་ཉེ་བར་གནས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །
D94.045.0025b01.01བསྐལ་པ་གྲངས་མེད་པར་སྐྱོ་བ་མེད་པས་དགེ་བའི་ཆོས་རྣམས་ལ་སྦྱོར་བ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྐྱེ་བ་ལ་དམིགས་པའི་བསམ་གཏན་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་བསམ་གཏན་
D94.045.0025b02.01གྱི་ཕ་རོལ་ཏུ་ཕྱིན་པའོ། །ཕ་རོལ་ཏུ་ཕྱིན་པ་འདི་དག་ལྷག་པར་མཐོང་བའི་ཆེད་དུ་བྱང་ཆུབ་ཏུ་ཡོངས་སུ་བསྔོ་བ་དང་། ལས་ཀྱི་གནས་དང་། བཟོའི་གནས་ཐམས་ཅད་ལ་ཇི་ལྟ་བ་བཞིན་ཤེས་པ་གང་ཡིན་པ་དེ་ནི་འཁོར་བར་ཡོངས་སུ་བསྔོས་པའི་ཤེས་རབ་ཀྱི་
D94.045.0025b03.01ཕ་རོལ་ཏུ་ཕྱིན་པའོ། །དེ་ལ་ཀུན་ནས་ཉོན་མོངས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པའི་ཡོན་ཏན་སྔོན་དུ་བཏང་སྟེ། སེམས་ཅན་རྣམས་ཡོངས་སུ་སྨིན་པར་བྱེད་པ་ནི་དཔེར་ན་སེང་གེའི་རྒྱལ་པོའི་བུས་ཆུང་མ་སྟོང་ཕྲག་བརྒྱད་ཅུ་རྩ་བཞི་པོ་རྣམས། ནམ་
D94.045.0025b04.01ཐམས་ཅད་མཁྱེན་པ་ཉིད་ཀྱི་བྱང་ཆུབ་ལ་མ་བཀོད་ཀྱི་བར་དུ་སྐྱབས་གསུམ་དུ་འགྲོ་ཞིང་མིའི་གནས་ན་འཁོད་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །དཔེར་ན་རྭ་གཅིག་པའི་རྫིང་བུར་སེམས་ཅན་ལ་དམིགས་པའི་ཚུལ་
D94.045.0025b05.01ཁྲིམས་འདི་བྱམས་པས་ཡོངས་སུ་བསྔོས་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཕ་རོལ་དང་འཐུན་པར་བྱ་བའི་ཕྱིར་འདོད་པའི་ཡོན་ཏན་ལ་མི་སྨོད་པ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་
D94.045.0025b06.01པའི་བཟོད་པའི་ཕ་རོལ་ཏུ་ཕྱིན་པའོ། །བརྩོན་འགྲུས་ཀྱིས་ཕ་རོལ་སྐྲག་པར་བྱེད་དེ། དཔེར་ན་ཀུ་ཤའི་རྒྱལ་པོའི་བུའི་རྟོགས་པ་བརྗོད་པ་ལས་རྒྱ་ཆེར་ཤེས་པར་བྱ་བ་གང་ཡིན་པ་དེ་ནི་ཀུན་ནས་ཉོན་མོངས་པ་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །
D94.045.0025b07.01