完整藏文原文 · 德格版页 当前仅加载第 45 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཁམས་སྣ་ཚོགས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་རྣམས་ཀྱི་ཁམས་ལ་རྟོག་པ་གང་ཡིན་པ་དེ་ནི་སྦྱིན་པའིའོ། ཁམས་ཐ་དད་པ་མ་ཡིན་པ་ལ་རྟོག་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། ཁམས་ལ་སེམས་ཅན་མེད་པར་རྟོག་པ་གང་
D94.045.0083a01.01ཡིན་པ་དེ་ནི་བཟོད་པའིའོ། ཁམས་ཀྱི་སྦྱོར་བ་ལ་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། ཁམས་རབ་ཏུ་བསྒྲུབ་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། ཁམས་ཀྱི་ངེས་པར་བྱུང་བ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་འཇིག་རྟེན་
D94.045.0083a02.01གྱི་ཁམས་སྣ་ཚོགས་ཀྱི་ཕ་རོལ་ཏུ་ཕྱིན་པ་དྲུག་གོ། །དེ་ལ་དབང་པོ་ཡོངས་སུ་རྫོགས་པ་མཁྱེན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ལུས་རྟོགས་པ་གང་ཡིན་པ་དེ་ནི་སྦྱིན་པའིའོ། །མིག་དང་། རྣ་བ་དང་། སྣ་དང་། ལྕེ་རྟོགས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །
D94.045.0083a03.01སེམས་རྟོགས་པ་གང་ཡིན་པ་དེ་ནི་བཟོད་པའིའོ། །ཕོའི་དབང་པོ་དང་། མོའི་དབང་པོ་དང་། སྲོག་གི་དབང་པོ་དང་། བདེ་བའི་དབང་པོ་དང་། སྡུག་བསྔལ་གྱི་དབང་པོ་དང་། ཡིད་བདེ་བའི་དབང་པོ་དང་། ཡིད་མི་བདེ་བའི་དབང་པོ་དང་། བཏང་སྙོམས་ཀྱི་དབང་པོ་སྟེ།
D94.045.0083a04.01དབང་པོ་དྲུག་པོ་འདི་དག་རྟོགས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །དད་པའི་དབང་པོ་ནས་ཤེས་རབ་ཀྱི་དབང་པོའི་བར་དུ་རྟོགས་པ་གང་ཡིན་པ་དེ་ནི་བསམ་གཏན་གྱིའོ། །ཀུན་ཤེས་པའི་དབང་པོ་དང་། ཀུན་ཤེས་པ་དང་ལྡན་པའི་དབང་པོ་རྟོགས་པ་གང་ཡིན་པ་དེ་ནི་ཤེས་
D94.045.0083a05.01རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་དབང་པོ་ཡོངས་སུ་རྫོགས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་འཇིག་རྟེན་གྱི་མོས་པ་དུ་མའི་ཕ་རོལ་ཏུ་ཕྱིན་པ་དྲུག་གང་ཞེ་ན། མོས་པ་ལ་སྦྱོར་བ་ཡང་དག་པར་གྲུབ་པ་གང་ཡིན་པ་དེ་ནི་སྦྱིན་པའིའོ། །སྦྱོར་བ་དེ་ལ་ཐོགས་པ་མེད་
D94.045.0083a06.01པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །མོས་པ་ཇི་ལྟ་བ་བཞིན་དུས་ལ་རྟོག་པ་གང་ཡིན་པ་དེ་ནི་བཟོད་པའིའོ། །ངེས་པར་རྟོག་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྐྱེ་བ་དང་། མི་སྐྱེ་བའི་ཟད་པ་ལ་རྟོག་པ་གང་ཡིན་པ་དེ་ནི་བསམ་གཏན་གྱིའོ། །མོས་པ་དེ་ལྟ་
D94.045.0083a07.01