完整藏文原文 · 德格版页 当前仅加载第 45 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པ་དེ་ནི་བསམ་གཏན་གྱིའོ། །ཤིན་ཏུ་སྦྱངས་པ་ཡང་དག་པ་ལ་རྟོག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་
D94.045.0075b01.01པ་དྲུག་གང་ཞེ་ན། ཏིང་ངེ་འཛིན་འཕགས་པ་ཐོབ་པ་གང་ཡིན་པ་དེ་ནི་སྦྱིན་པའིའོ། །ཐོབ་པ་ལ་མི་དགའ་བ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཏིང་ངེ་འཛིན་གྱི་ཡན་ལག་འཛིན་པ་གང་ཡིན་པ་དེ་ནི་བཟོད་པའིའོ། །ཏིང་ངེ་འཛིན་རྒྱུན་མི་འཆད་པ་གང་ཡིན་པ་དེ་ནི་བརྩོན་
D94.045.0075b02.01འགྲུས་ཀྱིའོ། །ལྟ་ཞིང་རྟོག་པ་གང་ཡིན་པ་དེ་ནི་བསམ་གཏན་གྱིའོ། །རྟོག་པ་དང་ལྡན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་ཏུ་ཕྱིན་པ་དྲུག་གོ། །དེ་ལ་བཏང་སྙོམས་ཡང་དག་བྱང་ཆུབ་ཀྱི་ཡན་ལག་གི་ཕ་རོལ་
D94.045.0075b03.01ཏུ་ཕྱིན་པ་དྲུག་གང་ཞེ་ན། དགའ་བ་ཅི་སྤངས་ཀྱང་གདུང་བ་མེད་པ་གང་ཡིན་པ་དེ་ནི་སྦྱིན་པའིའོ། །ལུས་དང་། ངག་བཏང་སྙོམས་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སེམས་ཅན་གྱིས་དབེན་པ་ལ་མི་གནས་པ་གང་ཡིན་པ་དེ་ནི་བཟོད་པའིའོ། །སྒྱུ་མ་ལ་མི་གནས་པ་མི་
D94.045.0075b04.01འདོར་བ་གང་ཡིན་པ་དེ་ནི་བརྩོན་འགྲུས་ཀྱིའོ། །སེམས་མ་གཏུགས་ཤིང་ཡིད་བྱུང་བ་མེད་པ་གང་ཡིན་པ་དེ་ནི་བསམ་གཏན་གྱིའོ། །ཆོས་ཐམས་ཅད་ལ་སྐད་ཅིག་པར་རྟོག་ཅིང་དང་དུ་ལེན་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་
D94.045.0075b05.01གི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཡང་དག་པའི་ལྟ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། འཕགས་པ་ཡང་དག་པའི་ལྟ་བ་རྟོགས་པ་གང་ཡིན་པ་དེ་ནི་སྦྱིན་པའིའོ། །ཁོང་དུ་ཆུད་ནས་ཀུན་ནས་ཉོན་མོངས་པ་མེད་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཁོང་དུ་ཆུད་ནས་རིགས་པ་
D94.045.0075b06.01རྟོགས་པ་གང་ཡིན་པ་དེ་ནི་བཟོད་པའིའོ། །ངེས་པར་བརྟགས་ནས་གཞན་ལ་ཕན་པ་ཐོབ་པར་བྱེད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །མཐའ་ཡས་པ་ལ་དཔྱོད་པ་གང་ཡིན་པ་དེ་ནི་བསམ་གཏན་གྱིའོ། །རྣམ་པར་སྨིན་པ་སྡུག་པ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་
D94.045.0075b07.01