完整藏文原文 · 德格版页 当前仅加载第 45 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་འཐུན་པར་འཇུག་པ་གང་ཡིན་པ་དེ་ནི་ལོག་པར་ལྟ་བས་ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ལོག་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཡང་དག་པའི་ལྟ་བས་ཡོངས་སུ་བསྔོས་པའི་ཕ་
D94.045.0047a01.01རོལ་ཏུ་ཕྱིན་པ་དྲུག་གང་ཞེ་ན། འཇིག་རྟེན་པའི་བྱ་བ་ལ་འཇུག་ཅིང་སྦྱིན་པ་ཡོད་དོ། །མཆོད་སྦྱིན་ཡོད་དོ། །སྦྱིན་སྲེག་ཡོད་དོ། །ལས་ལེགས་པར་བྱས་པ་དང་། ལས་ཉེས་པར་བྱས་པ་རྣམས་ཀྱི་འབྲས་བུ་རྣམ་པར་སྨིན་པ་ཡོད་དོ། །ཞེས་གང་དེ་ལྟ་བུའི་སེམས་ཀྱི་
D94.045.0047a02.01སྦྱིན་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་སྦྱིན་པའི་ཕ་རོལ་ཏུ་ཕྱིན་པའོ། །སངས་རྒྱས་མ་བྱུང་བ་ན་བྱང་ཆུབ་སེམས་དཔའ་སྡིག་པའི་གྲོགས་པོའི་དབང་གིས་སྡིག་པ་མི་བྱེད་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཚུལ་ཁྲིམས་
D94.045.0047a03.01ཀྱི་ཕ་རོལ་ཏུ་ཕྱིན་པའོ། །དཔེར་ན་རིའི་རྒྱལ་པོ་གངས་ཅན་ལ་བྱང་ཆུབ་སེམས་དཔའ་ནེ་ཙོར་གྱུར་པས་ཤིང་སྐམ་པོ་མི་སྤོང་བ་སྔོན་བདག་འདིར་དགའ་བར་བྱས་པ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་བཟོད་པའི་ཕ་རོལ་ཏུ་ཕྱིན་པའོ། །བདག་དང་གཞན་
D94.045.0047a04.01ལ་གནོད་པར་མི་བྱེད་པར་ཞུགས་པའི་ལྟ་བ་ནི་དཔེར་ན་ཚོང་པ་ཨ་ཤུ་ལ་ལྟ་བུ་གང་ཡིན་པ་དེ་ནི་ཡང་དག་པའི་ལྟ་བས་ཡོངས་སུ་བསྔོས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཤེས་རབ་ཀྱིས་ཡོངས་སུ་སྦྱང་བ་བྱས་པའི་བསམ་གཏན་བཞི་ཐོབ་པ་གང་ཡིན་པ་དེ་ནི་ཡང་དག་པའི་
D94.045.0047a05.01ལྟ་བས་ཡོངས་སུ་བསྔོས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྐྱེ་བོ་མང་པོ་ལ་ཕན་པའི་ཕྱིར་ཉེ་བར་གནས་པའི་ཤེས་རབ་ནི་དཔེར་ན་བྱང་ཆུབ་སེམས་དཔའ་ཀུན་དུ་རྒྱུ་འདི་ལྟར་གཅིག་པུས་ཚིགས་སུ་བཅད་པ་སྟོང་ཕྲག་བརྒྱད་ཅུ་རྩ་བཞི་བཀོད་པ་གང་ཡིན་པ་དེ་ནི་ཡང་དག་པའི་ལྟ་བས་
D94.045.0047a06.01ཡོངས་སུ་བསྔོས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཡང་དག་པའི་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་གནས་པར་ལྟ་བས་ཡོངས་སུ་བསྔོས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་མ་བྱུང་བ་ན་བྱང་ཆུབ་སེམས་དཔའ་ཐ་ན་
D94.045.0047a07.01