完整藏文原文 · 德格版页 当前仅加载第 45 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་པ་ལན་གྲངས་བདུན་ཏེ་ཀུན་ལ་ཡང་། །མངོན་ཤེས་དྲུག་ལྡན་གཏི་མུག་མེད་གྱུར་པ། །བྱེ་བ་བརྒྱ་ཕྲག་བདུན་ཅུ་གསུམ་གསུམ་ཡོད། །མི་རྣམས་ཚེ་ཚད་ལོ་གྲངས་སྟོང་ཕྲག་བཅུ། །ཕུང་པོ་སྤངས་པའི་དམ་པའི་ཆོས་དག་ཀྱང་། །ལོ་གྲངས་དགུ་འབུམ་བར་དུ་
D94.045.0165a01.01གནས་པར་འགྱུར། །རྒྱལ་བའི་སྐུ་གདུང་རྒྱས་འགྱུར་མཆོད་རྟེན་བཟང་། །བྱེ་བ་ཕྲག་ནི་ཉི་ཤུ་གཉིས་ཀྱང་ཡོད།། །།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་བཞི་པ། རྡུལ་དང་བྲལ་བའི་ལྷུན་པོའི་འོད་ཟེར་གྱི། །
D94.045.0165a02.01སྐྱེ་བའི་ཡུལ་ནི་འཇིག་རྟེན་འཕགས་ཞེས་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་ལེགས་བྱིན་ཡིན། །ཀུན་ཏུ་བལྟ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཆོད་རྣམ་གྲོལ་རིམ་གྲོ་པ། །ཤེས་རབ་ཡོན་ཏན་ཞེས་བྱ་མཁས་པ་སྟེ། །སྒྲོགས་
D94.045.0165a03.01པའི་བཤེས་གཉེན་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །སྨྲ་མཚུངས་ལུས་པ་མེད་པར་ཕྱིན་པ་པོ། །བྱེ་བ་ཕྲག་ནི་དགུ་བཅུ་གཉིས་གཉིས་ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་ཡོངས་སུ་མྱ་ངན་འདས་ནས་ཀྱང་། །དམ་
D94.045.0165a04.01པའི་ཆོས་ནི་ལོ་གྲངས་བདུན་ཅུར་གནས། །སྐུ་གདུང་མཆོད་རྟེན་བཟང་པོ་སྟོང་དུ་ཚང་། །རིན་ཆེན་རྒྱལ་མཚན་ཡིད་དུ་འོང་བས་བརྒྱན། །དེ་བཞིན་གཤེགས་པ་ཡོན་ཏན་བརྩེགས་པ་ཡི། །སྐྱེ་བའི་ཡུལ་ནི་བྱང་ཆུབ་འཕགས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་དཔག་
D94.045.0165a05.01ཚད། །བདུན་ཅུ་གསུམ་ཡོད་བདག་ཉིད་ཕྱུག་པོ་ཡབ། །ཡོན་ཏན་དགའ་ཞེས་བྱ་བ་ཡུམ་ཡིན་ནོ། །སྲས་པོ་རྣམ་སྒྲོགས་དོན་ལྡན་རིམ་གྲོ་པ། །རབ་ཏུ་བརྒྱན་ཅེས་བྱ་བ་མཁས་པ་སྟེ། །སྨྲ་བའི་མཆོག་ཅེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་སུམ་ཅུ་ཀུན་ལ་ཡང་། །
D94.045.0165a06.01ཁམས་གསུམ་སྤོང་བར་བྱེད་པ་བསམ་གཏན་པ། །དགྲ་བཅོམ་པ་དག་ཐེར་འབུམ་ཐེར་འབུམ་ཡོད། །མི་ཡི་ཚེ་ཚད་ལོ་གྲངས་སུམ་སྟོང་ཡིན། །འགོག་པར་ཕྱིན་པའི་དམ་པའི་ཆོས་དག་ཀྱང་། །ལོ་གྲངས་སུམ་སྟོང་བར་དུ་གནས་པར་འགྱུར། །མཆོད་རྟེན་བཟང་པོའི་གྲངས་ནི་བྱེ་
D94.045.0165a07.01