完整藏文原文 · 德格版页 当前仅加载第 45 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཕ་རོལ་ཏུ་ཕྱིན་པའོ། །འཁོར་ཐམས་ཅད་ལ་བརྙས་པ་མེད་པ་གང་ཡིན་པ་དེ་ནི་བཀོད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སངས་རྒྱས་ཀྱི་ཞིང་ལག་མཐིལ་ལྟར་མཉམ་ཞིང་ཀ་ཙ་ལིན་དི་ཀ་ལྟར་རེག་ན་འཇམ་པ་རིན་པོ་ཆེ་སྣ་ཚོགས་ཀྱིས་སྤྲས་པ་དག་འགྲུབ་
D94.045.0032b01.01ཅིང་བག་ཡོད་པར་འགྱུར་བ་གང་ཡིན་པ་དེ་ནི་བཀོད་པའི་བཟོད་པའི་ཕ་རོལ་ཏུ་ཕྱིན་པའོ། །འཁོར་ཚད་མེད་པ་གང་ཡིན་པ་དེ་ནི་བཀོད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །འོད་དང་མཚན་ཕུན་སུམ་ཚོགས་ཤིང་། བསམ་པའི་སྐྱོན་དང་། རྣམ་པར་སྨིན་པ་དང་།
D94.045.0032b02.01དྲེགས་པ་དང་། ཉོན་མོངས་པ་དང་བྲལ་བ་གང་ཡིན་པ་དེ་ནི་བཀོད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྒྱུ་མ་ལྟ་བུའི་ཏིང་ངེ་འཛིན་ཐོབ་ནས། ཐ་ན་དུད་འགྲོའི་སྐྱེ་གནས་སུ་གྱུར་པའི་སེམས་ཅན་རྣམས་ལ་ཆོས་སྟོན་ཀྱང་བརྗེད་ངས་པ་མེད་པ་གང་ཡིན་པ་དེ་ནི་
D94.045.0032b03.01བཀོད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བཀོད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཐུག་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྒྲིབ་པ་མེད་པའི་སེམས་ཀྱིས་ཡོངས་སུ་གཏོང་བ་གང་ཡིན་པ་དེ་ནི་ཐུག་པ་མེད་པའི་སྦྱིན་པའི་ཕ་རོལ་ཏུ་
D94.045.0032b04.01ཕྱིན་པའོ། །ཉོན་མོངས་པ་བྱུང་བ་སེལ་བར་འགྱུར་བ་གང་ཡིན་པ་དེ་ནི་ཐུག་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སེམས་ཅན་གྱི་འདུ་ཤེས་རྒྱ་ཆེ་ཞིང་ཐུག་པ་མེད་པ་བསྒོམས་པ་ལ་མ་ཞུམ་པ་དང་། འཇིགས་པ་མེད་པས་རབ་ཏུ་ཕྱེ་བ་གང་ཡིན་པ་དེ་ནི་
D94.045.0032b05.01ཐུག་པ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ཡེ་ཤེས་ལ་དམིགས་པས་ཕ་རོལ་གནོན་པ་གང་ཡིན་པ་དེ་ནི་ཐུག་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བདག་མེད་པ་ལ་བཟོད་པར་གནས་ཤིང་ཡུལ་ལ་ལོངས་སྤྱོད་པའི་བསམ་གཏན་བརྗེད་ངས་པ་མེད་
D94.045.0032b06.01པ་གང་ཡིན་པ་དེ་ནི་ཐུག་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་སྤོབས་པ་ཕུན་སུམ་ཚོགས་པ་དང་ལྡན་པས་སྟོན་པ་ཐམས་ཅད་ལ་ཐུག་པ་མེད་པ་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་།
D94.045.0032b07.01