完整藏文原文 · 德格版页 当前仅加载第 45 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་པའོ། །ཡེ་ཤེས་ཀྱི་རྣམ་པས་སྡུག་བསྔལ་བཟོད་ཅིང་གང་དག་འདོད་ཆགས་མི་སྨོད་པར་ཕ་རོལ་པོ་ཡོངས་སུ་སྨིན་པར་བྱེད་པས་ཕྱེ་བ་གང་ཡིན་པ་དེ་ནི་ཡེ་ཤེས་ཀྱི་བཟོད་པའི་ཕ་རོལ་ཏུ་ཕྱིན་པའོ། །ཇི་ལྟར་རྟའི་རྒྱལ་པོ་རྔོག་ལྡན་བདག་ཉིད་སྡུག་
D94.045.0027a01.01བསྔལ་དང་དུ་ལེན་ཅིང་གང་དག་བརྩོན་འགྲུས་ཀྱིས་བདག་དང་གཞན་ལ་ཕན་པ་དང་བདེ་བའི་ཕྱིར་གནས་པ་འདི་ལྟར་འགྲོན་པ་ལྔ་བརྒྱ་ཐར་བར་བྱས་པ་དང་། འདི་ལྟར་{རི་དགས་,རི་དྭགས་}ཀྱི་རྒྱལ་པོ་སེང་གེས་འགྲོན་པ་རྣམས་ཐར་བར་བྱས་པ་གང་ཡིན་པ་དེ་ནི་ཡེ་ཤེས་ཀྱི་བརྩོན་
D94.045.0027a02.01འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་ཡང་བསྐྱེད། གཟུགས་མེད་པ་ཡང་བསྐྱེད། ཉན་ཐོས་ཀྱི་ཆོས་ཀྱང་བསྐྱེད་མོད་ཀྱི། གང་དག་དེ་དག་གིས་ངེས་པར་མི་འབྱུང་བ་གང་ཡིན་པ་དེ་ནི་ཡེ་ཤེས་ཀྱི་བསམ་གཏན་གྱི་ཕ་རོལ་ཏུ་ཕྱིན་པའོ། །ཡེ་ཤེས་ཀྱིས་
D94.045.0027a03.01ཆོས་ཇི་ལྟ་བའི་ཕྱིར་འདི་ལྟར་སྨན་ཆེན་པོ་དང་། འདི་ལྟར་བྱང་ཆུབ་ཀུན་ཏུ་རྒྱུའི་མི་དགེ་བ་བཅུ་རྣམ་པར་སྤོང་བ་སེམས་ཅན་སུ་ལ་ཡང་མེད་པ་གང་ཡིན་པ་དེ་ནི་ཡེ་ཤེས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་ལ་བདག་ལ་ཕན་འདོགས་པའི་ཕ་རོལ་ཏུ་ཕྱིན་པ་དྲུག་གང་
D94.045.0027a04.01ཞེ་ན། བདག་ལོངས་སྤྱོད་ཆེན་པོ་འགྲུབ་པར་ཡོངས་སུ་བསྔོས་པ་གང་ཡིན་པ་དེ་ནི་བདག་ལ་ཕན་འདོགས་པའི་སྦྱིན་པའི་ཕ་རོལ་ཏུ་ཕྱིན་པའོ། །བདེ་འགྲོ་ལྷ་དང་མིར་སྐྱེ་བར་བསྒྲུབ་པའི་ཚུལ་ཁྲིམས་གང་ཡིན་པ་དེ་ནི་བདག་ལ་ཕན་འདོགས་པའི་ཚུལ་ཁྲིམས་ཀྱི་ཕ་རོལ་ཏུ་
D94.045.0027a05.01ཕྱིན་པའོ། །བཟོད་པ་ཐོབ་པའི་རྣམ་པར་སྨིན་པའི་མཛེས་ཤིང་ཁ་དོག་མཆོག་ཏུ་རྒྱས་པ་ཐོབ་པ་དང་། དབང་ཆེ་བར་གྲགས་པར་འགྱུར་བ་གང་ཡིན་པ་དེ་ནི་བདག་ལ་ཕན་འདོགས་པའི་བཟོད་པའི་ཕ་རོལ་ཏུ་ཕྱིན་པའོ། །བྱང་ཆུབ་ཀྱི་ཕྱིར་གཞན་ལ་རག་མ་ལས་པར་སྤྱོད་
D94.045.0027a06.01ཅིང་བདག་ཉིད་ཀྱི་བརྩོན་འགྲུས་ཀྱིས་དཔྱོད་པར་བྱེད་པ་གང་ཡིན་པ་དེ་ནི་བདག་ལ་ཕན་འདོགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །བསམ་གཏན་བསྐྱེད་པས་འཇིག་པའི་བསྐལ་པ་དང་། འཆགས་པའི་བསྐལ་པ་བདུན་གྱི་བར་དུ་འཇིག་རྟེན་འདིར་མི་འོང་བ་
D94.045.0027a07.01