完整藏文原文 · 德格版页 当前仅加载第 45 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་བའི་ལས་ཀྱི་རྣམ་པར་རྟོག་པ་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །རྣམ་པར་སྨིན་པ་གསལ་བར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །དམན་པ་དང་དམན་པ་མ་ཡིན་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ།
D94.045.0090a01.01འདི་དག་ནི་གཟུགས་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ །དེ་ལ་གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གཟུགས་མེད་པའི་སྙོམས་པར་འཇུག་པའི་ས་ཡོངས་སུ་དག་པ་གང་ཡིན་པ་དེ་ནི་སྦྱིན་པའིའོ། །རྣམ་པ་ལ་རྟོག་པ་གང་ཡིན་
D94.045.0090a02.01པ་དེ་ནི་ཚུལ་ཁྲིམས་ཀྱིའོ། །དམིགས་པ་ལ་རྟོག་པ་གང་ཡིན་པ་དེ་ནི་བཟོད་པའིའོ། །དམིགས་པ་ལ་མཉམ་པ་ཉིད་གང་ཡིན་པ་དེ་ནི་བརྩོན་འགྲུས་ཀྱིའོ། །དམིགས་པ་ཤིན་ཏུ་སྦྱངས་པ་གང་ཡིན་པ་དེ་ནི་བསམ་གཏན་གྱིའོ། །ཐ་དད་པ་མེད་པར་སྟོན་པར་མཐོང་བ་ནས་
D94.045.0090a03.01ངེས་པར་འབྱུང་བ་མཐོང་བའི་བར་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་གཟུགས་མེད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གོ། །དེ་ལ་དཀར་པོ་རྣམ་པར་མཐོང་བའི་སའི་ཕ་རོལ་ཏུ་ཕྱིན་པ་དྲུག་གང་ཞེ་ན། དཀར་པོ་རྣམ་པར་མཐོང་བའི་ས་ལ་རེ་བ་མེད་པ་གང་
D94.045.0090a04.01ཡིན་པ་དེ་ནི་སྦྱིན་པའིའོ། །མཚན་མ་མེད་པ་རབ་ཏུ་ཐོབ་པ་གང་ཡིན་པ་དེ་ནི་ཚུལ་ཁྲིམས་ཀྱིའོ། །རྒྱུན་མི་འཆད་པ་གང་ཡིན་པ་དེ་ནི་བཟོད་པའིའོ། །རྣམ་པར་ལྟ་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཀུན་ཏུ་འཕེལ་བ་གང་ཡིན་པ་དེ་ནི་བསམ་གཏན་གྱིའོ། །དཀར་
D94.045.0090a05.01པོ་རྣམ་པར་མཐོང་བའི་ས་ལ་ཆོས་སུ་འདུ་ཤེས་ཤིང་སེམས་ཅན་གྱི་འདུ་ཤེས་མེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་དཀར་པོ་རྣམ་པར་མཐོང་བའི་སའི་ཕ་རོལ་ཏུ་ཕྱིན་པ་དྲུག་གོ། །དེ་ལ་རིགས་ཀྱི་ཆོས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། རིགས་
D94.045.0090a06.01ཀྱི་ཆོས་མཐོང་བ་གང་ཡིན་པ་དེ་ནི་སྦྱིན་པའིའོ། །འབྲིང་པོ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྲེད་པར་མཐོང་བ་གང་ཡིན་པ་དེ་ནི་བཟོད་པའིའོ། །རིགས་ལས་མ་ཉམས་པ་གང་ཡིན་པ་དེ་ནི་བརྩོན་འགྲུས་ཀྱིའོ། །རིགས་ཡོངས་སུ་རྫོགས་པ་གང་ཡིན་པ་དེ་
D94.045.0090a07.01