完整藏文原文 · 德格版页 当前仅加载第 45 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་བྱེ་བ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་དྲུག་ཁྲིའོ། །དམ་པའི་ཆོས་ཀྱང་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཉི་མའི་འོད་སྐྱེ་བའི་ཡུལ་ནི་སྒྲོན་བྱེད་འོད་
D94.045.0191b01.01ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་བཞི་བཅུ་རྩ་གཉིས་སོ། །ཡབ་ནི་གྲགས་པའི་འོད་ཅེས་བྱའོ། །ཡུམ་ནི་དཔག་མེད་མིག་ཅེས་བྱའོ། །སྲས་ནི་སྐར་མདའ་འོད་ཅེས་བྱའོ། །རིམ་གྲོ་པ་ནི་འོད་མཐོང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ལྷ་འོད་ཅེས་
D94.045.0191b02.01བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཟླ་འོད་ཅེས་བྱའོ། །འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་བརྒྱད་བརྒྱད་དོ། །སྐུ་ཚེའི་ཚད་ནི་ལོ་བརྒྱད་ཁྲིའོ། །དམ་པའི་ཆོས་ནི་ལོ་སུམ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ།། །།
D94.045.0191b03.01འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་བཅུ་དྲུག་པ། དེ་བཞིན་གཤེགས་པ་དྲི་མ་མེད་པའི་འོད་སྐྱེ་བའི་ཡུལ་ནི་བཀོད་པ་མི་འཁྲུགས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་ལྷའི་གཟི་བརྗིད་ཅེས་བྱའོ། །ཡུམ་ནི་
D94.045.0191b04.01ལུས་དགའ་མ་ཞེས་བྱའོ། །སྲས་ནི་ཡན་ལག་མ་སྨད་པ་ཞེས་བྱའོ། །རིམ་གྲོ་པ་ནི་སྐྱོན་མེད་ལུས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཕ་རོལ་ཕྱིན་ཐོབ་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་དཔག་མེད་འགྲོ་ཞེས་བྱའོ། །འདུས་པ་ནི་ལན་བཞི་བཅུ་སྟེ། ཐམས་ཅད་ལ་ཡང་
D94.045.0191b05.01བྱེ་བ་ཕྲག་དགུ་དགུའོ། །སྐུ་ཚེའི་ཚད་ནི་ལོ་སུམ་ཁྲི་ཉིས་སྟོང་ངོ་། །དམ་པའི་ཆོས་ཀྱང་ལོ་སུམ་ཁྲི་ཉིས་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་གཟི་བརྗིད་རྣམ་པར་འབྱེས་པ་སྐྱེ་བའི་ཡུལ་ནི་ཤིན་ཏུ་
D94.045.0191b06.01རྣམ་པར་འབྱེས་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཅུ་དྲུག་གོ། །ཡབ་ནི་གཟི་བརྗིད་དཔལ་ཞེས་བྱའོ། །ཡུམ་ནི་གཟི་བརྗིད་མཆོག་ཅེས་བྱའོ། །སྲས་ནི་སྐར་མཁན་ཞེས་བྱའོ། །རིམ་གྲོ་པ་ནི་ཁ་ལོ་སྒྱུར་བའི་སྤོས་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་
D94.045.0191b07.01