完整藏文原文 · 德格版页 当前仅加载第 45 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་བརྩོན་འགྲུས་གང་ཡིན་པ་དེ་ནི་ཕྱོགས་གཅིག་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དངོས་པོ་ལ་དམིགས་པའི་བསམ་གཏན་གང་ཡིན་པ་དེ་ནི་ཕྱོགས་གཅིག་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སྤྱོད་པ་དང་། སེལ་བའི་འདུ་ཤེས་
D94.045.0035a01.01ལ་རྟོག་པ་གང་ཡིན་པ་དེ་ནི་ཕྱོགས་གཅིག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཕྱོགས་གཅིག་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཉམས་པ་མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སྦྱིན་གནས་རྣམས་དང་སོ་སོའི་སྐྱེ་བོ་རྣམས་ལ་སེམས་མཉམ་པ་ཉིད་
D94.045.0035a02.01ཀྱིས་སྦྱིན་པ་གང་ཡིན་པ་དེ་ནི་ཉམས་པ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །མི་གནས་པའི་སྡོམ་པ་གང་ཡིན་པ་དེ་ནི་ཉམས་པ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འཇིག་རྟེན་གྱི་ཆོས་བརྒྱད་ཀྱིས་བསྒྱུར་དུ་མེད་པ་གང་ཡིན་པ་དེ་ནི་ཉམས་པ་མེད་པའི་བཟོད་
D94.045.0035a03.01པའི་ཕ་རོལ་ཏུ་ཕྱིན་པའོ། །བདུད་ཀྱི་མཐུ་ཁོང་དུ་ཆུད་པས་ཇི་ལྟར་ཉམ་ཐག་ཀྱང་བརྩོན་འགྲུས་མི་འདོར་བ་གང་ཡིན་པ་དེ་ནི་ཉམས་པ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །སྒྲིབ་པ་མེད་པའི་ཆོས་ལ་ལྷག་པར་མོས་ཤིང་ཡུལ་ལ་མཉམ་པ་ཉིད་རབ་ཏུ་ཐོབ་པའི་བསམ་
D94.045.0035a04.01གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཉམས་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འཇིག་རྟེན་དང་འཇིག་རྟེན་ལས་འདས་པའི་ཆོས་རྣམས་ལ་ཐོགས་པ་མེད་པར་འགྱུར་བ་གང་ཡིན་པ་དེ་ནི་ཉམས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ་དག་ནི་ཉམས་
D94.045.0035a05.01པ་མེད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་བཅོས་མ་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཡོངས་སུ་བརྟས་པའི་ངོ་བོས་ཆོས་ཀྱི་སྦྱིན་པ་དང་། ཟང་ཟིང་གི་སྦྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་སྦྱིན་པའི་ཕ་རོལ་ཏུ་ཕྱིན་པའོ། །ལེ་ལོ་མེད་པའི་ཚུལ་ཁྲིམས་
D94.045.0035a06.01གང་ཡིན་པ་དེ་ནི་བཅོས་མ་མ་ཡིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །བསམ་པ་ཡང་དག་པར་འཕགས་པའི་བཟོད་པའི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བཟོད་པའི་ཕ་རོལ་ཏུ་ཕྱིན་པའོ། །ཡོ་བྱད་ཟང་ཟིང་གི་ཆེད་མ་ཡིན་པར་ཐམས་ཅད་དུ་བརྩོན་
D94.045.0035a07.01