完整藏文原文 · 德格版页 当前仅加载第 45 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་དེ་ནི་སྦྱིན་པའིའོ། །དངོས་པོ་བརྒྱད་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ལྟ་བ་གསལ་བར་མཐོང་བ་གང་ཡིན་པ་དེ་ནི་བཟོད་པའིའོ། །གདུལ་བར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ཉེ་བར་སྒྲུབ་པ་མཐོང་བ་གང་ཡིན་པ་དེ་ནི་བསམ་
D94.045.0089b01.01གཏན་གྱིའོ། །བརྡ་ལ་ངེས་པའི་ཚིག་འཇུག་པར་མཐོང་བ་གང་ཡིན་པ་དེ་ནི་ཤེས་རབ་ཀྱི་སྟེ། འདི་དག་ནི་ཇི་ལྟ་བ་བཞིན་གྱི་ཕ་རོལ་ཏུ་ཕྱིན་པ་དྲུག་གོ། །དེ་ལ་རང་བཞིན་མཐོང་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། མི་དམིགས་པས་ཡོངས་སུ་བསྔོས་པའི་སྦྱིན་པ་ནི་དཔེར་
D94.045.0089b02.01ན་མར་མེ་མཛད་ལྟ་བུའི་གང་ཡིན་པ་དེ་ནི་སྦྱིན་པའིའོ། །ལུས་ལ་མི་ལྟ་བ་ནི་དཔེར་ན་ཟླ་འོད་ཀྱིས་བདེན་པ་གང་གིས་ངའི་མིག་ཅེས་སྨྲས་པ་ལྟ་བུ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆོས་ཐམས་ཅད་མཉམ་པ་ཉིད་དུ་མཐོང་བ་གང་ཡིན་པ་དེ་ནི་བཟོད་པའིའོ། །ལྗོངས་ཀྱི་
D94.045.0089b03.01ངེས་པའི་ཚིག་མཐོང་བར་ཁོང་དུ་ཆུད་པ་གང་ཡིན་པ་དེ་ནི་བརྩོན་འགྲུས་ཀྱིའོ། །སྙིང་བརྩེ་བ་མི་གཏོང་བར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །གཉིས་སུ་མེད་པས་གནས་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་རང་བཞིན་མཐོང་བའི་ཕ་
D94.045.0089b04.01རོལ་ཏུ་ཕྱིན་པ་དྲུག་གོ། །དེ་ལ་འདོད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། འདོད་པ་ན་སྤྱོད་པའི་ལས་དམན་པ་མཐོང་བ་གང་ཡིན་པ་དེ་ནི་སྦྱིན་པའིའོ། །འབྲིང་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །ཆེན་པོ་མཐོང་བ་གང་ཡིན་པ་དེ་ནི་བཟོད་པའིའོ། །ལས་
D94.045.0089b05.01ཟད་པར་མཐོང་བ་གང་ཡིན་པ་དེ་ནི་བརྩོན་འགྲུས་ཀྱིའོ། །ལས་ཟད་པར་སྦྱོར་བར་མཐོང་བ་གང་ཡིན་པ་དེ་ནི་བསམ་གཏན་གྱིའོ། །ལས་ཟད་པར་སྦྱོར་བའི་མི་སྐྱེ་བར་མཐོང་བ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟེ། འདི་དག་ནི་འདོད་པ་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་
D94.045.0089b06.01པ་དྲུག་གོ། །དེ་ལ་གཟུགས་ན་སྤྱོད་པའི་ལས་ཀྱི་ཕ་རོལ་ཏུ་ཕྱིན་པ་དྲུག་གང་ཞེ་ན། གཟུགས་ཀྱི་རྣམ་པར་སྨིན་པ་མཐོང་བ་གང་ཡིན་པ་དེ་ནི་སྦྱིན་པའིའོ། །གཟུགས་ཀྱི་རྒྱུ་མཐོང་བ་གང་ཡིན་པ་དེ་ནི་ཚུལ་ཁྲིམས་ཀྱིའོ། །སྐྱེ་བའི་ལས་མཐོང་བ་གང་ཡིན་པ་དེ་ནི་བཟོད་པའིའོ། །
D94.045.0089b07.01