完整藏文原文 · 德格版页 当前仅加载第 45 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པ་ཡིན་ནོ། །ཆོས་ཐམས་ཅད་ལ་སྟོབས་དང་མཐུ་ཆེ་བ་རྗེས་སུ་འཐོབ་བོ། །ཆོས་ཐམས་ཅད་ཀྱི་སྒོ་ནས་ཤེས་པའི་ཕྱིར་ཤེས་པ་པོ་ཡིན་ནོ། །སེམས་ཅན་ཐམས་ཅད་ཀྱི་སྤྱོད་པ་དྲན་ནོ། །བསྐལ་པ་གྲངས་མེད་པ་ནས་ཆོས་རྣམས་ཀྱི་ཆོས་དེ་བཞིན་ཉིད་མངོན་པར་རྟོགས་
D94.045.0011b01.01སོ། །རྒོལ་བ་ཐམས་ཅད་ཤེས་སོ། །སྐྱོ་བའི་བསམ་པ་ཐམས་ཅད་སྤོང་བ་འཐོབ་བོ། །བྱང་ཆུབ་མྱུར་དུ་རྟོགས་སོ། །ལྷ་རྣམས་ཀྱིས་བསྟོད་དོ། །ཤེས་པས་ཆོས་ཐམས་ཅད་ཀྱི་རྗེས་སུ་འཇུག་གོ། །དོན་ཐོབ་པར་བྱ་བ་ལ་མཁས་པ་ཡིན་ནོ། །དེ་ལ་ཆོས་ཐམས་ཅད་ཡང་
D94.045.0011b02.01དག་པར་སྣང་ངོ་། །ཟས་སུ་བདུད་རྩི་ཟའོ། །ཐེ་ཙོམ་ཐམས་ཅད་གཅོད་དོ། །བག་ཆགས་ཀྱི་མཚམས་སྦྱོར་བ་འདོར་རོ། །སྙིང་རྗེ་ཆེན་པོས་འགེབས་སོ། །དགོངས་པ་དྲན་ནོ། །སྔོན་གྱི་གནས་རྗེས་སུ་དྲན་པ་བསྒོམ་མོ། །མྱ་ངན་ལས་འདས་པའི་ཡོན་ཏན་སྤྱོད་པ་མྱུར་བར་
D94.045.0011b03.01རྟོགས་སོ། །ཚོགས་ཀྱིས་མཆོད་པ་བྱས་པ་འཐོབ་བོ། །ང་རྒྱལ་ཐམས་ཅད་གཅོག་གོ། །མཐུའི་ས་ངེས་པར་རྗེས་སུ་འཐོབ་བོ། །སྣ་ཚོགས་པ་ཉིད་ལ་འཇུག་གོ། །བསྒྲུབ་པ་ཤེས་སོ། །སྨིན་པ་ཐམས་ཅད་ཤེས་སོ། །སངས་རྒྱས་ཀྱི་ཞིང་རྒྱས་པར་བྱེད་དོ། །ཕུང་པོའི་
D94.045.0011b04.01བདུད་འཇོམས་སོ། །དགོངས་པའི་བཀའ་མྱུར་དུ་རྟོགས་སོ། །དེ་ལས་བདུད་མྱུར་དུ་རླག་པར་བྱེད་དོ། །ཕས་ཀྱི་རྒོལ་བ་མྱུར་དུ་འདུལ་ལོ། །འཇིག་རྟེན་གྱི་ཁམས་དཔག་ཏུ་མེད་པ་དག་ན་སངས་རྒྱས་མཐོང་ངོ་། །ཆོས་ཀྱང་ཉན་ཏོ། །དམ་པའི་ཆོས་བརྗེད་པ་མེད་དོ། །ཇི་
D94.045.0011b05.01ལྟར་བསམ་པ་བཞིན་ཏིང་ངེ་འཛིན་གྱི་རྣམ་པར་རོལ་པ་བསྒྲུབ་པ་ཡང་རྗེས་སུ་འཐོབ་སྟེ། ཏིང་ངེ་འཛིན་འདི་ཐོབ་པའི་བྱང་ཆུབ་སེམས་དཔའ་ནི་བག་ཡོད་པས་ཐམས་ཅད་མཁྱེན་པ་ཉིད་དུ་བརྗོད་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་གལ་ཏེ་དེ་འདོད་ན་སྐྱེ་བ་གཅིག་ཁོ་ནས་སམ། འདོད་
D94.045.0011b06.01ན་སྐྱེ་བ་གཉིས་སམ། གསུམ་འམ། བཞི་ནས་བསྐལ་པའི་བར་གྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ཏིང་ངེ་འཛིན་འདི་ནི་ཐམས་ཅད་མཁྱེན་པ་ཉིད་ཀྱི་ཕྱིར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་
D94.045.0011b07.01