完整藏文原文 · 德格版页 当前仅加载第 45 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །མཆོད་རྟེན་བྱེ་བ་སྟོང་གིས་འཁོར་བར་བསྐོར། །དེ་བཞིན་གཤེགས་པ་ཟླ་བའི་ཞལ་སྐྱེ་བའི། །ཡུལ་ནི་རྣམ་པར་སྣང་བྱེད་ལྷ་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་བདུན་
D94.045.0246a01.01ཅུ་ཡབ་ནི་ཡུལ་འཁོར་བཟང་། །ཡུལ་འོད་མ་ཞེས་བྱ་བ་རྒྱལ་བའི་ཡུམ། །སྲས་པོ་ལེགས་མཐོང་ཕན་འདོད་རིམ་གྲོ་པ། །མེ་ཏོག་འབྱུང་གནས་ཞེས་བྱ་མཁས་པ་སྟེ། །སྣང་བར་བྱེད་པའི་ལྷ་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །ཐེག་པ་མཆོག་
D94.045.0246a02.01གིས་རྣམ་པར་གྲོལ་གྱུར་པ། །བྱེ་བ་ཕྲག་ནི་ཉི་ཤུ་གསུམ་གསུམ་ཡོད། །མི་ཚེ་ལོ་གྲངས་དག་ནི་དགུ་ཁྲི་ཡིན། །གྲགས་པ་མཐའ་ཡས་མྱ་ངན་འདས་ནས་ཀྱང་། །དམ་ཆོས་ལོ་གྲངས་སྟོང་གི་བར་དུ་གནས། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་ལྔ་པ་
D94.045.0246a03.01གསེར་གྱི་བླ་རེར་ལྡན། །དེ་བཞིན་གཤེགས་པ་ཤིན་ཏུ་གཟིགས་པ་ཡི། །སྐྱེ་བའི་ཡུལ་ནི་སྐར་མ་སྣང་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །དཔག་ཚད་བརྒྱ་ཡོད་ཡབ་ནི་རི་དབང་ཡིན། །འོད་མཐའ་ཡས་ཞེས་བྱ་བ་རྒྱལ་བའི་ཡུམ། །སྲས་པོ་ཁ་སྒྱུར་པད་མ་རིམ་
D94.045.0246a04.01གྲོ་པ། །དགའ་བའི་དབྱངས་ཞེས་བྱ་བ་མཁས་པ་སྟེ། །ཡོན་ཏན་མཆོག་གསལ་བ་ནི་རྫུ་འཕྲུལ་ཅན། །འདུས་པ་ལན་གྲངས་བཅུ་སྟེ་ཀུན་ལ་ཡང་། །ཐེག་པ་མཆོག་གིས་གཏི་མུག་མེད་གྱུར་པ། །བྱེ་བ་ཕྲག་ནི་ཉི་ཤུ་གཉིས་གཉིས་ཡོད། །མི་ཀུན་ཚེ་ལོ་བརྒྱ་ནི་སུམ་ཅུ་ཡིན། །ཡོངས་
D94.045.0246a05.01སུ་མྱ་ངན་འདས་ནས་དམ་ཆོས་དག །ལོ་གྲངས་བདུན་ཁྲི་དྲུག་སྟོང་བར་དུ་གནས། །རྒྱལ་བའི་སྐུ་གདུང་དག་གི་མཆོད་རྟེན་ནི། །དཔག་ཚད་བཅུ་དྲུག་པ་གཅིག་གསེར་གྱིས་སྤྲས། །ཡོན་ཏན་རྒྱ་མཚོ་རྡུལ་དང་བྲལ་བ་ཡི། །སྐྱེ་ཡུལ་ཡོན་ཏན་ཀུན་དང་ལྡན་ཞེས་བྱ། །རིགས་
D94.045.0246a06.01ནི་རྒྱལ་རིགས་ཡིན་ཏེ་འོད་དཔག་ཚད། །ཉི་ཤུ་རྩ་བཞི་ཡོན་ཏན་དབང་པོ་ཡབ། །ཡོན་ཏན་བདེན་འཛིན་མ་ནི་རྒྱལ་བའི་ཡུམ། །སྲས་པོ་བཟང་ལྡན་ལེགས་སེམས་རིམ་གྲོ་པ། །སྟོབས་བཅུའི་འོད་ཅེས་བྱ་བ་མཁས་པ་སྟེ། །ཚོགས་དབང་འོད་ཅེས་བྱ་བ་རྫུ་འཕྲུལ་ཅན། །
D94.045.0246a07.01