完整藏文原文 · 德格版页 当前仅加载第 45 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་ཡང་བྱེ་བ་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་ཚད་ནི་ལོ་ལྔ་ཁྲིའོ། །དམ་པའི་ཆོས་ནི་ལོ་དགུ་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཀུན་ཏུ་དགའ་བར་མཛད་པའི་སྐྱེ་བའི་ཡུལ་ནི་ཡོན་ཏན་རིན་པོ་ཆེ་མཐོང་བས་ངོམས་པར་བྱེད་པ་ཞེས་བྱའོ། །
D94.045.0222b01.01རིགས་ནི་བྲམ་ཟེའོ། །འོད་ནི་དཔག་ཚད་དྲུག་གོ། །ཡབ་ནི་བདུད་རྩིའི་དབྱངས་ཀྱིས་སེལ་བ་ཞེས་བྱའོ། །ཡུམ་ནི་ངག་འཇམ་བརྗོད་པའི་ཚིག་ཅན་ཞེས་བྱའོ། །སྲས་ནི་ལྟ་བ་གསལ་བའི་ལུས་ཞེས་བྱའོ། །རིམ་གྲོ་པ་ནི་ཆོག་ཤེས་ཡོན་ཏན་གཟི་བརྗིད་འོད་ཅེས་བྱའོ། །ཤེས་རབ་ཅན་རྣམས་
D94.045.0222b02.01ཀྱི་མཆོག་ནི་ཡན་ལག་ཡེ་ཤེས་ཀྱིས་ཚིམ་པ་གྱ་ནོམ་སེམས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཡོ་བ་མེད་པར་གནས་པས་ཕས་ཀྱི་རྒོལ་བ་རབ་ཏུ་འཇོམས་པ་ཞེས་བྱའོ། །འདུས་པ་ནི་ལན་དགུ་བཅུ་རྩ་བརྒྱད་དེ། ཐམས་ཅད་ལ་ཡང་ཁྲི་ཕྲག་བཅུ་དྲུག་བཅུ་དྲུག་གོ། །སྐུ་ཚེའི་
D94.045.0222b03.01ཚད་ནི་ལོ་བྱེ་བའོ། །དམ་པའི་ཆོས་ཀྱང་ལོ་བྱེ་བའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་དོན་ཡོད་པར་གཤེགས་པ་སྐྱེ་བའི་ཡུལ་ནི་སྒྲིབ་པ་མེད་པའི་གཟི་བརྗིད་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་ལྔ་བརྒྱའོ། །ཡབ་
D94.045.0222b04.01ནི་ཡིད་གཉིས་རྣམ་པར་འཐོར་བའི་གཟི་བརྗིད་ཕྲུག་གུ་ཞེས་བྱའོ། །ཡུམ་ནི་ཤེས་རབ་ཀྱི་སྣང་བ་རྣམ་པར་ངེས་པ་ཞེས་བྱའོ། །སྲས་ནི་ཕྱོགས་ལྟ་བཟོད་ཅེས་བྱའོ། །རིམ་གྲོ་པ་ནི་ཤེས་རབ་ཀྱི་སྣང་བ་བྱེད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བདེན་སྒྲ་རྣམ་པར་སྒྲོགས་པ་ཞེས་བྱའོ། །
D94.045.0222b05.01རྫུ་འཕྲུལ་ཅན་རྣམས་ཀྱི་མཆོག་ནི་ཟིལ་གྱིས་མི་ནོན་པའི་ཏོག་གི་རྒྱལ་མཚན་རྒྱལ་པོ་ཞེས་བྱའོ། །འདུས་པ་ནི་ལན་དྲུག་ཅུ་རྩ་དྲུག་སྟེ། ཐམས་ཅད་ལ་ཡང་དུང་ཕྱུར་ཕྲག་དྲུག་དྲུག་གོ། །སྐུ་ཚེའི་ཚད་ནི་ལོ་དྲུག་ཁྲི་བརྒྱད་སྟོང་ངོ་། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་
D94.045.0222b06.01རོ། །དེ་བཞིན་གཤེགས་པ་ཁྲོ་བ་བཅོམ་པ་སྐྱེ་བའི་ཡུལ་ནི་ཐ་བའི་ཚེར་མ་མེད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་སྟོང་ངོ་། །ཡབ་ནི་མུན་བྲལ་ཞེས་བྱའོ། །ཡུམ་ནི་བྱམས་སེམས་མཐོང་ཞེས་བྱའོ། །སྲས་ནི་ཡོན་ཏན་ཕུང་པོ་ཞེས་བྱའོ། །རིམ་གྲོ་པ་ནི་སྐྱོན་མེད་
D94.045.0222b07.01