完整藏文原文 · 德格版页 当前仅加载第 45 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་པ་དང་པོར་བྱེ་བ་བརྒྱད་ཅུ་ཡོད། །འདུས་པ་གཉིས་པར་འཇིགས་བྲལ་བདུན་ཅུ་ཡོད། །འདུས་པ་གསུམ་པར་བྱེ་བ་ཕྲག་སྟོང་ཡོད། །སྐུ་ཚེ་ལོ་གྲངས་སྟོང་ཕྲག་བདུན་ཅུ་དྲུག །འཇིག་རྟེན་མཁྱེན་པའི་དམ་པའི་ཆོས་དག་ཀྱང་། །ལོ་གྲངས་བྱེ་བ་ཉི་ཤུ་གསུམ་
D94.045.0139a01.01དུ་གནས། །རྡུལ་བྲལ་མཆོད་རྟེན་བྱེ་བརྒྱ་དྲུག་ཅུ་བཞི། །ཐམས་ཅད་རྒྱང་གྲགས་གསུམ་གྱི་ཚད་ཙམ་ཡིན། །དེ་བཞིན་གཤེགས་པ་མྱ་ངན་མེད་པ་ཡི། །སྐྱེ་བའི་ཡུལ་ནི་མདངས་འཕགས་ཞེས་ཀྱང་བྱ། །རིགས་ནི་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བཅུ་བཞི་
D94.045.0139a02.01ཡབ་ནི་ཟླ་རི་ཡིན། །ལེགས་སེམས་མ་ནི་ཡུམ་ཡིན་སྲས་པོ་ནི། །ཡིད་འོང་སྡུག་པ་ཡོན་ཏན་རིམ་གྲོ་པ། །ཆོས་མཐོང་བ་ཞེས་བྱ་བ་མཁས་པ་སྟེ། །སེང་གེའི་སྟབས་ཞེས་བྱ་བ་རྫུ་འཕྲུལ་ཅན། །འདུས་པ་དང་པོར་སྟོང་ཕྲག་སུམ་ཅུ་ཡོད། །འདུས་པ་གཉིས་པར་ཉི་ཤུ་རྩ་
D94.045.0139a03.01བརྒྱད་ཡོད། །སྐུ་ཚེའི་ཚད་ནི་ལོ་གྲངས་སྟོང་ཡང་ཡིན། །བདེ་བར་གཤེགས་པ་མྱ་ངན་འདས་ནས་ཀྱང་། །དམ་ཆོས་ལོ་གྲངས་དགུ་ཁྲིའི་བར་དུ་གནས། །དཔག་ཚད་གཅིག་པའི་མཆོད་རྟེན་ཐ་དད་པ། །རིན་ཆེན་མཆོག་མ་སྣ་བདུན་རང་བཞིན་ཡིན། །དེ་བཞིན་གཤེགས་པ་
D94.045.0139a04.01དྲི་མ་བྲལ་བ་ཡི། །སྐྱེ་བའི་ཡུལ་ནི་རིན་ཆེན་བརྒྱན་ཅེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་གསུམ་ཡོད་ཡབ་ནི་ལྷ་ལེགས་ཡིན། །རབ་ཏུ་ཞི་ལྡན་ཡུམ་ཡིན་སྲས་པོ་ནི། །ཟླ་སྡུག་ཡོན་ཏན་ཅན་ནི་རིམ་གྲོ་པ། །གླང་པོ་བསྒྱིངས་ཞེས་བྱ་བ་མཁས་
D94.045.0139a05.01པ་སྟེ། །བདེན་པར་སྨྲ་ཞེས་བྱ་བ་རྫུ་འཕྲུལ་ཅན། །དགྲ་བཅོམ་བྱེ་བ་བརྒྱ་ཕྲག་ལྔ་ཡོད་དེ། །གཉིས་པར་བྱེ་བ་བརྒྱ་ཕྲག་གཉིས་ཀྱང་ཡོད། །གསུམ་པ་དག་ཏུ་བྱེ་བ་བརྒྱ་ཕྲག་གསུམ། །སྐུ་ཚེ་ལོ་གྲངས་བརྒྱད་ཁྲི་བཞི་སྟོང་ཡིན། །རྐང་གཉིས་མཆོག་མ་མྱ་ངན་འདས་ནས་ཀྱང་། །
D94.045.0139a06.01དམ་ཆོས་ལོ་གྲངས་བྱེ་བ་སྟོང་དུ་གནས། །མཆོད་རྟེན་གཅིག་སྟེ་འཕང་དུ་དཔག་ཚད་གཅིག །གདུགས་མཆོག་སྟོང་ཕྲག་བཅུ་ཡིས་ཁྱབ་པར་འགྱུར། །དེ་བཞིན་གཤེགས་པ་ཚངས་ལྷ་སྐྱེ་བའི་ཡུལ། །བསོད་ནམས་དག་གིས་རྣམ་པར་བརྒྱན་ཅེས་བྱ། །རིགས་ནི་རྒྱལ་
D94.045.0139a07.01