完整藏文原文 · 德格版页 当前仅加载第 45 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་དང་། སྲིན་མོ་བྱེ་བ་ཕྲག་ལྔ་མིར་བྱས་པའི་ཤེས་རབ་ནི་དེད་དཔོན་གྱི་སྔོན་གྱི་ཚུལ་ལས་ཤེས་པར་བྱ་བ་གང་ཡིན་པ་དེ་ནི་ཤེས་རབ་སྟེ། འདི་དག་ནི་རྣམ་པར་སྨིན་པ་བདེ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཉན་ཐོས་
D94.045.0055b01.01དང་རང་སངས་རྒྱས་ཀྱི་ཐེག་པ་ལ་རེ་བ་མེད་ཅིང་མི་དམིགས་པས་བླ་ན་མེད་པའི་བྱང་ཆུབ་ཏུ་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །མི་བལྟ་བའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །དེའི་ངོ་བོ་མ་ཡིན་པའི་བཟོད་པ་གང་ཡིན་པ་དེ་ནི་བཟོད་པའོ། །
D94.045.0055b02.01ཐབས་མཁས་པའི་བརྩོན་འགྲུས་གང་ཡིན་པ་དེ་ནི་བརྩོན་འགྲུས་སོ། །རིག་པ་སྐྱེད་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །མཉམ་པ་ཉིད་ཀྱི་སའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་
D94.045.0055b03.01དགའ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སངས་རྒྱས་འབྱུང་བ་ན་སེམས་ཅན་ཐམས་ཅད་ལ་སྦྱིན་པ་གང་ཡིན་པ་དེ་ནི་སྦྱིན་པའོ། །སངས་རྒྱས་འབྱུང་བའི་དུས་སུ་རྣམ་པར་སྨིན་པའི་ཚུལ་ཁྲིམས་ནི་དཔེར་ན་གཞོན་ནུ་དཔལ་མཐུའི་སྔོན་གྱི་ཚུལ་ལྟ་བུའོ། །བཟོད་པ་ནི་
D94.045.0055b04.01དཔེར་ན་རྒྱལ་པོ་བསོད་ནམས་རྒྱ་ཆེན་གྱིས་བདག་འབའ་ཞིག་བདེ་བར་མ་གྱུར་ཅིག །བདག་ཀྱང་བདེ་བར་གྱུར་ལ་གང་གཞན་ཡང་བདེ་བར་གྱུར་ཅིག་ཅེས་གང་སྨྲས་པ་ལྟ་བུ་གང་ཡིན་པ་དེ་ནི་བཟོད་པའོ། །གཟུངས་རབ་ཏུ་ཐོབ་པར་འགྱུར་བའི་བརྩོན་འགྲུས་གང་ཡིན་
D94.045.0055b05.01པ་དེ་ནི་བརྩོན་འགྲུས་སོ། །སེམས་ཅན་རྣམས་ཀྱི་རྣམ་པར་སྨིན་པ་བདེ་བར་ཡོངས་སུ་བསྔོས་པའི་བསམ་གཏན་གང་ཡིན་པ་དེ་ནི་བསམ་གཏན་ནོ། །ས་བརྒྱད་པ་ཕྱིར་མི་ལྡོག་པའི་ཤེས་རབ་གང་ཡིན་པ་དེ་ནི་ཤེས་རབ་སྟེ། འདི་དག་ནི་དགའ་བའི་ཕ་རོལ་ཏུ་ཕྱིན་པ་དྲུག་གོ། །
D94.045.0055b06.01དེ་ལ་རྣམ་པར་དག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མངོན་པར་ཞེན་པ་མེད་པའི་སྦྱིན་པ་གང་ཡིན་པ་དེ་ནི་སྦྱིན་པའོ། །ཤིན་ཏུ་སྦྱངས་པ་བྱང་ཆུབ་ཀྱི་ཡན་ལག་བསྒྲུབ་པའི་ཚུལ་ཁྲིམས་གང་ཡིན་པ་དེ་ནི་ཚུལ་ཁྲིམས་སོ། །ལུས་ལ་མི་ལྟ་བ་དང་། སྲོག་ལ་
D94.045.0055b07.01