完整藏文原文 · 德格版页 当前仅加载第 45 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་གྱི་དོན་ལ་རྣམ་པར་གདོན་མི་ཟ་བའི་རྒྱལ་མོ་ཞེས་བྱའོ། །སྲས་ནི་རིན་པོ་ཆེའི་མཛོད་ཅེས་བྱའོ། །རིམ་གྲོ་པ་ནི་ཡོན་ཏན་འབུམ་ཕྲག་སྙེད་འཆང་བའི་གཟི་བརྗིད་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཕས་ཀྱི་རྒོལ་བ་ཚར་གཅོད་པ་ཞེས་བྱའོ། །རྫུ་འཕྲུལ་ཅན་
D94.045.0222a01.01རྣམས་ཀྱི་མཆོག་ནི་ཡེ་ཤེས་བརྩེགས་པའི་རྣ་རྒྱན་གྱིས་བརྒྱན་པ་ཞེས་བྱའོ། །འདུས་པ་ནི་ལན་ལྔ་བཅུ་སྟེ། ཐམས་ཅད་ལ་ཡང་ཐེར་འབུམ་ཕྲག་བཅུ་བཅུའོ། །སྐུ་ཚེའི་ཚད་ནི་ལོ་ལྔ་ཁྲི་སུམ་སྟོང་ངོ་། །དམ་པའི་ཆོས་ཀྱང་ལོ་ལྔ་ཁྲི་སུམ་སྟོང་གི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་
D94.045.0222a02.01འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་སྣང་བའི་འོད་ཟེར་སྐྱེ་བའི་ཡུལ་ནི་སྣང་བ་མཐའ་ཡས་པའི་གཟི་བརྗིད་བཀོད་པ་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་སུམ་སྟོང་ངོ་། །ཡབ་ནི་སྣང་བ་ཐམས་ཅད་ཀྱིས་བརྒྱན་པ་ཞེས་བྱའོ། །ཡུམ་
D94.045.0222a03.01ནི་ཡེ་ཤེས་སྣང་བའི་འོད་ཀྱི་གཟི་བརྗིད་ཅེས་བྱའོ། །སྲས་ནི་གཟི་བརྗིད་ཀྱི་ཕུང་པོའི་འོད་རྣམ་པར་གྲགས་པ་ཞེས་བྱའོ། །རིམ་གྲོ་པ་ནི་བློའི་ཡེ་ཤེས་ཀྱི་རྒྱལ་པོ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་བློའི་རྣམ་པར་ངེས་པ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གྲགས་པ་རྫོགས་
D94.045.0222a04.01པའི་རྒྱལ་མཚན་གྱི་ཏོག་ཅེས་བྱའོ། །འདུས་པ་ནི་ལན་བདུན་ཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །སྐུ་ཚེའི་ཚད་ནི་ལོ་བདུན་ཁྲི་དྲུག་སྟོང་ངོ་། །དམ་པའི་ཆོས་ནི་ལོ་བདུན་ཁྲིའི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་སྤོས་ཀྱི་
D94.045.0222a05.01གཟི་བརྗིད་སྐྱེ་བའི་ཡུལ་ནི་ཨ་ག་རུའི་དྲི་བསུང་གིས་ངེས་པར་བདུགས་པའི་གཟི་བརྗིད་འོད་ཅེས་བྱའོ། །རིགས་ནི་རྒྱལ་རིགས་སོ། །འོད་ནི་དཔག་ཚད་ཙམ་མོ། །ཡབ་ནི་མཐའ་ཡས་སྤོས་འོད་ཅེས་བྱའོ། །ཡུམ་ནི་ཡོན་ཏན་བརྒྱའི་སྤོས་འོད་མ་ཞེས་བྱའོ། །སྲས་ནི་སྤོས་ཀྱི་དབང་ཕྱུག་རྒྱལ་
D94.045.0222a06.01པོའི་བློ་ཅན་སེམས་ཞེས་བྱའོ། །རིམ་གྲོ་པ་ནི་ཡོན་ཏན་སྤོས་འོད་བློ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཙན་དན་དྲི་བསུང་ཞིམ་པོའི་ཉི་མའི་འོད་ཅེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་སྤོས་ཀྱི་གཟི་བརྗིད་རྣམ་པར་སྣང་བར་བྱེད་པའི་འོད་ཅེས་བྱའོ། །འདུས་པ་ནི་ལན་བཅུ་དྲུག་སྟེ།
D94.045.0222a07.01